|
||||||||||||||||||
تجـارة الأغنام
بسم الله الرحمن الرحيم في الحقيقة طلبت مني الأخت غالية موضوع في قسم الاقتصاد و الأسهم فقعدت اقلبها في رأسي و أدور مشاريع تنموية و اقتصاد تنهض باقتصاد البلد << أوخص يا مجموعة بن لادن خخخخ المهم قعدت افكر و قلبتها يمين و يسار و ما طلع برأسي إلا مشروع تجارة الأغنام عاد أنا غشيم بهالأمور بس قلت باستخدم خبرت حبيب قلبي النايف و أشركه معي بالمشروع << موب لله بس عشان مشروعي يحتاج واحد خبرة و ساكن بالطايف << قلب على ولد عمته ههههه قطري أصيل كيف أسعار الغنم عندكم طايرة بالسماء مثلنا و إلا لا بأس عشان بسوي معك شراكة لو رفض النايف و أحولك الفلوس ترسل لي ديّنة و على كل خروف لوحة ( قطر - خصوصي ) خخخخخخخ على طاري الغنم , أسعار السيارات عندكم كيف يا قطري أصيل << أخوكم في الله متفلت عالتجارة يحسبها لعبة إن كانها رخيصة و وراها مكسب علمني , ناوي بهالصيف أطقطق بهالسيارات ( جيوب و إلا هايلاكسات ) << وش عنده عبداللطيف جميل ههههه خلوّنا نرجع للخرفان الله يبعدنا و إياكم أن نكون منهم << ما يقصد أصحاب الغزل هههه الوكاد مشروعي هو عبارة عن تجارة الحريّـــــــات و الحبص و اللي خلاني أفكر بهالموضوع أن الناس هنا بالرياض و ما جاورها تشتكي من غلاء الأغنام و ما عاد تلحقها خصوصا أوقات الزواجات و إلا المناسبات العامة و إلا الخاصة فعادتنا و تقاليدنا تحثنا عالكرم و هذا يميزنا يالعرب و البدو خصوصاً فتجده مكلف جدا شراء خروف بقيمة تتجاوز 1500 في ضيفة لشخص أو شخصين لأنه عيب ما تقدمله واجبه مفطح خصوصا لو أنه جاي من بعيد و إلا من زمان عنه فقلت نكسر أنا و النايف و إلا أي واحد يشاركني السوق بأسعار معقولة << وش عنده بنده و إلا العثيم خخخخ و ذبايح تجمّل و ضحايا لو بغوا << هاه وش قلت يالنايف فأنتم وش رأيكم يا أهل الخبرة ( هل وراها مكسب ) و خصوصا قبل موسم الأضاحي و ارتفاع الأسعار بشكل غير معقول في المنطقة الوسطى انتظر آرائكم
|
24 Jul 2010, 08:41 PM | [ 2 ] | ||||||||
مؤسس شبكة الشدادين
|
رد: تجـارة الأغنام
سلمت وسلم غاليك أخ العزيز عادل وبيض اللهوجهك على حضورك الطيب وتجاوبك الرائع مع الموضوع وتسلم يديك |
||||||||
|
|||||||||
25 Jul 2010, 01:06 AM | [ 3 ] | |||||||
عضوة متميزة
|
رد: تجـارة الأغنام
يعطيك العافيه ع الطرح الرائع ومشروع الاغناااااااااااااااام مشروع رابح صح تعب وحوسه بالحر بس وره مكسب زين تحيتي |
|||||||
|
||||||||
25 Jul 2010, 05:35 AM | [ 4 ] | ||||||||
عضو مرشح للإشراف
|
رد: تجـارة الأغنام
السلطان غــلا مشكورين عالمرور و الروعة تواجدكم و مشروع الأغنام يا غلا صدق إنه يتعّب لكن ورااااه درااهم على قولتك |
||||||||
25 Jul 2010, 06:01 PM | [ 5 ] | ||||||||
عضو متميز
|
رد: تجـارة الأغنام
السلام عليكم ورحمة الله وبركاته تحية طيبة أخوي عادل ,,,يالتاجر مبروك عليكم تجارتكم منكم المال ومنها الطليان واليك خطة المشروع,,,, تنقسم الأغنام إلى نوعين 1- الماعز بأنواعها غجرية أحيانا .. تحتاج إلى ضبط .. غالباما تنتج الأنثى (المعزة) مولودين وقد تصادف من تلد 3 أو 4 فهي بذلك غزيرة الإنتاجولكنها تحتاج إلى عناية واهتمام لأنها تكون دائما عرضة للتقلبات الجوية وحساسة أكثرمن الضان 2- الضان بأنواعها هادئة ومطيعة ... تتميز بصلابتها وقوة تحملها للأجواء والأمراض .. انتاجها يقل عن الماعز فهيتنتج مولودا واحدا في الولدة وأحيانا تصل إلى 2 متطلبات المشروع 1- مكانالتربية (حوش - حضيرة - مزرعة) 2- مكان لتخزينالطعام (مستودع) 3- إنت أو (عامل) يشرف علىالغنم ندخل في صلب الموضوع على طووووووول ... هذه دراسهمبسطه لمشروع اغنام 50راس حريه (ضان) وذالكبالتنويع في العلف اليومي ( شعير - خبز - نخال - برسيم - رودس - تبن - مكعب ......... الخ ) وذالك بوضع علفين او ثلاثه يوميا وعند حساب التكلفهتصل يوميا مع العامل وجميع مايحتاج الغنم80هلله يوميا للرأس الواحد تحتاج ال 50 راس هذه إلى 15000 ريال تقريبا غذاء يكفيها طول سنة كاملة بداية المشروع المرحلة الأولى 1- تروح تشتري 50 راس حري (متابيع) .. يتراوح سعرها من 900 ريال إلى 1200 ريال حسب الجودة متابيع = أم يتبعها وليدها ودائما ما يحسب المولود مع أمه بنفس السعر ... يعني (الولد) هدية فوق البيعة طيب ايش نستفيد من شراءنا للأمهات مع أولادها؟ 1- تضمن انتاجية هذه النعجة (لأن ولدها قدام عينك) 2- الفائدة الثانية شرحها كالتالي إذا أشتريت 50 راس متابيع وكان سعر الراس الواحد ب 1000 ريال 1000 × 50 = 50000 ريال طبعا راح يكون بعض الأمهات عندها ولدين وبعضها ولد واحد ... لكن خلينا نآخذ اسوأ الاحتمالات بوجود ولد واحد لكل نعجة إذا 50 نعجة + 50 ولد = 100 راس إن ما يكسر ظهر مربين الأغنام ويجعل بعض المربين يخسرون و يتراجعون عن هذا المشروع هو الغذاء غذاء الأغنام مكلف جدا ويحتاج إلى ذكاء مربي ماهر للإستفادة القصوى منه ولكن معنا بإذن الله لا مشكلة .....كيف؟ 2- أول ما يشرفون ال 100 راس عندك في الحوش ... تعزل الصغار (طليان ورخال) يعني (اناث وذكور) تعزل اللي يقدروا يعتمدوا على نفسهم في الأكل .... وتنتظر إلين يفطموا بقية الصغار وتضمهم معهم أصبح العدد عندك 50 صغير ....... تبيعهم ب 500 ريال للراس الواحد في السوق أو لأصحاب المطاعم 50 × 500 = 25000 ريال 3- قلنا إن 50 راس تحتاج إلى 15000 ريال غذاء وإحنا معانا 25000 ريال إذا نروح ونشتري ب 15000 ريال غذاء لل 50 رأس الأساسية يكفيها طوال السنة يبقى معانا 10000 ريال ........ أيضا نشتري فيها غذاء للإنتاج الجديد نقوم بتخزين الغذاء في المستودع .... ونريح راسنا طووووووووووووووول السنة المرحلة الثانية وهي الأهم ولكني سأتحدث عنها لاحقا لأن الوقت داهمني الآن في المرحلة الثانية سنتحدث عن 1- كيفية إعادة ترتيب وتوقيت الأنتاج لل50 راس الأساسية لينتجوا لنا بوقت واحد ومرتين خلال السنة 2- كيفية جعل النعجة تصل إلى أقصى عدد انتاج 2 وربما 3 مواليد في الولده الواحدة 3- كم راس سيكون لدينا في نهاية السنة 4- كم سيكون ربحنا خلال السنة .. شي خيالي |
||||||||
|
|||||||||
26 Jul 2010, 08:58 AM | [ 6 ] | ||||||||
ابن جبري
|
رد: تجـارة الأغنام
أقول يا ولد الخـــــــال ( الغنم غنيمــــــــــة ) والرجال اللي بيقف على رأسها وبينتبه لها بيعين خير إن شاءالله :thumbu00p1: وماهو إجباري تربي غنم وحوسة ؟ إشتر طليان قبل الموسم بثلاثة أشهر وقم بتعليفها وتربيتها وبيع في رمضان والحجّ يجيك ناس ماتدري وين الله موديها وتلقط من أدنى !! قريب لي اشترى العام الماضي في شهر سبعة ثمانين طلي من 500 ريال وقام ببيعها في موسم الحجّ من 1300 ريال يعني كسب 800 ريال في الرأس :thumbu00p1: ! 800 ريال إضربها في عدد الطليان اللي هو 80 وعليك الحساب ياراعي الخرفــــــــــان !! لاهنت عادل ولاهان أخوي نايف بن شداد على دراسة الجدوى الطيبة ........... |
||||||||
|
|||||||||
26 Jul 2010, 11:11 PM | [ 7 ] | ||||||||
عضوة متميزة
|
رد: تجـارة الأغنام
- فأنتم وش رأيكم يا أهل الخبرة ( هل وراها مكسب ) ماعندي خبرة صراحة بس اكيد مربحة والغنم في كل وقت يدورونه الناس عرس عزيمة حج رمضان العيد اذا ودك تتجار به ماعليك توكل على الله وربي يعينك بس اهم شي التغذية الجيدة حتى يكون اللحم جيد سمعته من امي وتنتبه عليها توكل لها حارس << وش رايك يعني .... واحد من الشباب عندنا صغير بالعمر ماشاء الله عليه تاجر فيهم قبل كم سنة وربح ولليوم مشروعة هو الغنم طبعا احنا بالشرقية بيته بعيد عن البر حط له استراحة في اماكن معينة بعيدة عن السكن وفيه غنيماته وماشي حاله ماشاء الله واهلي من المشجعين المربحين يجيب الذبيحة للوالد على حسب الطلب الله يرزقه والمسلمين ..... ماقصرت اخوي عادل رعاك الله |
||||||||
|
|||||||||
28 Jul 2010, 09:15 AM | [ 8 ] | ||||||||
عضو متميز
|
رد: تجـارة الأغنام
هههههههههههههههههههههههههه عادل حياك الله عندنا في كل عزيمه صدقني شيبانا ما عندهم سالفه الا الغنم والعلف و الربيع و المطر اضمن لك تاخذ نشره عن اسعار الخرفان بانواعها و الاعلاف باشكالها اماكن الربيع و المطر اشرب قهوتك و تك لك جنب واحد ومخمخ ع السوالف و لا قناة العربيه |
||||||||
|
|||||||||
29 Jul 2010, 06:23 AM | [ 9 ] | ||||||||
عضو متميز
|
رد: تجـارة الأغنام
يعطيك العافيه اخوي عادل لقول النبي صلى الله عليه وسلم ( الغنم غنيمة) وعلى القوه انشاء الله بس الي اعرفه من اصحاب الحلال الي يغا انتاج من الغنم لازم ماتنقص عن 100راس عشان يزيد الانتاج |
||||||||
|
|||||||||
04 Mar 2011, 09:44 AM | [ 10 ] | |||||||
|
رد: تجـارة الأغنام
يعطيك العافية عادل و نايف ما شاء الله جاب معلومات مهمة تجارة الأغنام لا تستهينون فيها كثير مربحة و الله اشترك فيها أخوي و عمي بوقت عيد الأضحى اللي راح و جد الجد ربحوا ما شاء الله يعني مربحة تسلمون ع الموضوع و لا هنتوا دمتم بخير |
|||||||
|
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سكتم يكشف معاناة الحُكّام السعوديين ويمنحهم إدارة ديربي حظائر الأغنام | ابن الأمير | القسم العام | 8 | 16 Aug 2010 06:24 PM |
تحديد عمر الأغنام بالصور | السلطان | المقناص ولوازم الصيد وحياة الطبيعة | 26 | 24 Aug 2009 06:17 AM |
رغم فتوى بتحريمها .. مسابقة لاختيار ملكة جمال الأغنام بالسعودية | شموخ شدادية | القسم العام | 11 | 18 Nov 2008 04:37 PM |
أكبر صورة أثرت فيني خلال الأعوام الماضية ... هل ستؤثر فيك | العالمي الشدادي11 | القسم العام | 14 | 29 Dec 2006 07:33 PM |
أدوات الموضوع | |
|