((تبادل حقائب)) مجاراه لقصيدة اخي الرحال مابقى غير التأمل كلأ ينوخ ذلوله

الاخوه الاعزاء اداري واعضاء
منتدى الشدادين
اسعد الله اوقاتكم بكل خير
اطرح بين انظاركم هده القصيده مجاراه لقصيدة اخي الشاعر الرحال
مع اعتذاري عن التاخير لظروف اظطرتني للسفر الاسبوع الماضي واعتذر عن التاخير للجميع ولاخي الرحال
اامل ان تحوز على رضاكم والسلام عليكم...

من تأمل بالمؤمل في لقى مخطي وصائب=يامثل ولا تمثل من عطى نفسه مثوله
يابن عمي كيف يالرحال يضحك راس شايب=في الزمان اللي يلحف من تلحف في هموله
الجبل ثابت بهول الهول من يعبى بعايب=مايشوف الجرف ضلع صميد من صمدة صموله
الطمع بالجرف ولا الضلع طامع بالسحايب=واحدٍ منهم على مطمع ولاينفع فضوله
اي مطمع للجبل ويحط بحثول الخرايب=واي مطمع للحثول اللي تحت ثقل الحموله
شفت يالرحال لو قللت من حجم المصايب=شفت ساطي ماتسطى بالخجل ماخذ عموله
شفت رهبه شفت نهبه غالبت قبل الغلايب=وصادق ان الجيل ناتج عن كفو ولا حموله
نار ما تخر رماده خارج اطوار الحسايب= ونار تتلبس رماده عذرتنا بالسهوله
يا الله انك لاتهب للطيب واهله غير ثايب=ولاتضيعنا ثواب ولاتحصلنا نكوله
كان ماضي والمضارع سيد الموقف نحايب=ماتجيب ولاتودي لابغيت الصدق نوله
لاتحسفنا عل وقتٍ مضى وابدع نجايب=الله ياكبر الحسايف لاتلحقنا فصوله
بان فرق الراس يالرحال من دون العصايب=وين لاحق مايقوله وين قايل كنت حوله
جاك صدق القول عمك منك ياصلب الترايب=لانقد ولا تاسف دوره احرى بالبطوله
المصالح من تبادل ذل رزمه بالحقايب=لاستقرت ماتعرت قبل تهميش الرجوله
يكفي المليون بالخسران مايذكر كسايب=والاحادي انفرادي لو ضرب عرضه بطوله
والشياخه من ارادت حق باطل شفت خايب=يحسن اكسسوار يوحي خلف ذلك بالكموله
لويطيح يحظر اللي كان قبل يطيح غايب=ويكد ان الفشل فشله قايله قدام اقوله
والاخوه من اسفها مالها ثاني بطايب=مرة وحده في عمرك مايقابلها غفوله
الاخوه مالها معنى بلا نوبه ونايب=والابوه مالها وزنه وهي جزله جزوله
واكبر الخيبات خيبة هقوةٍ تلقاك شايب=مابعدها خيبةٍ شانت ولاحطت مهوله
ولاعقلها كل شايب واصلٍ تاليه تايب=فكرته تغنيك والتفكير يثريك بشموله
خذ من الفكر المحرر واعط بالطيب وغصايب=وخذ مثل ما اعطيت وازهل يدرك الراقي زهوله
لابعيد ولاقريب ولاتقفي لك بصايب=تدري ان الصوب صايب لاتزايد في صموله
لاذهيب ولارهيب ولاتفك ولا نشايب= من حسب مخراجه اول لايفكر في دخوله
ياعسى ربي يزيل اغلال تفعيل النشايب=والعنب حامض حقيقه من يطوله من يطوله

صح لسانك أخوي
رووووووووعة
سلمت أناملك





إحترامي وتقديري

جزل البيان
صح لسانك وبيض الله وجهك
شاعر وسطرت اجزل الشعر.

ولاعقلها كل شايب واصل تاليه تايب
فكرته تغنيك والتفكير يثريك بسهوله
فكر غني وثري من جزل البيان ومن رحال صوت وصدي ومجاراه رايعه لقصيده رايعه صح لسانك مليارات ياجزل الابداع وصح لسان المبدع رحال والله يعطيكم الف عافيه
تقبل تحياتي,,,,,

كفو
كفو
كفو
والله يا أبو فهد
شاعر كبير ومتميز
ومبدع في جميع الأحوال
يستاهل أبو ضاوي مجاراة قصيدته المتميزة
وأنت ما قصرت يا شاعرنا
وبيض الله وجهك وصح لسانك

جزل البيان صح السانك مجاراه الرائعه جدأ
تحياتي لك

		المشاركة الأصلية بواسطة : جزل البيان اقتباس
	الاخوه الاعزاء اداري واعضاء منتدى الشدادين اسعد الله اوقاتكم بكل خير اطرح بين انظاركم هده القصيده مجاراه لقصيدة اخي الشاعر الرحال مع اعتذاري عن التاخير لظروف اظطرتني للسفر الاسبوع الماضي واعتذر عن التاخير للجميع ولاخي الرحال اامل ان تحوز على رضاكم والسلام عليكم... من تأمل بالمؤمل في لقى مخطي وصائب=يامثل ولا تمثل من عطى نفسه مثوله يابن عمي كيف يالرحال يضحك راس شايب=في الزمان اللي يلحف من تلحف في هموله الجبل ثابت بهول الهول من يعبى بعايب=مايشوف الجرف ضلع صميد من صمدة صموله الطمع بالجرف ولا الضلع طامع بالسحايب=واحدٍ منهم على مطمع ولاينفع فضوله اي مطمع للجبل ويحط بحثول الخرايب=واي مطمع للحثول اللي تحت ثقل الحموله شفت يالرحال لو قللت من حجم المصايب=شفت ساطي ماتسطى بالخجل ماخذ عموله شفت رهبه شفت نهبه غالبت قبل الغلايب=وصادق ان الجيل ناتج عن كفو ولا حموله نار ما تخر رماده خارج اطوار الحسايب= ونار تتلبس رماده عذرتنا بالسهوله يا الله انك لاتهب للطيب واهله غير ثايب=ولاتضيعنا ثواب ولاتحصلنا نكوله كان ماضي والمضارع سيد الموقف نحايب=ماتجيب ولاتودي لابغيت الصدق نوله لاتحسفنا عل وقتٍ مضى وابدع نجايب=الله ياكبر الحسايف لاتلحقنا فصوله بان فرق الراس يالرحال من دون العصايب=وين لاحق مايقوله وين قايل كنت حوله جاك صدق القول عمك منك ياصلب الترايب=لانقد ولا تاسف دوره احرى بالبطوله المصالح من تبادل ذل رزمه بالحقايب=لاستقرت ماتعرت قبل تهميش الرجوله يكفي المليون بالخسران مايذكر كسايب=والاحادي انفرادي لو ضرب عرضه بطوله والشياخه من ارادت حق باطل شفت خايب=يحسن اكسسوار يوحي خلف ذلك بالكموله لويطيح يحظر اللي كان قبل يطيح غايب=ويكد ان الفشل فشله قايله قدام اقوله والاخوه من اسفها مالها ثاني بطايب=مرة وحده في عمرك مايقابلها غفوله الاخوه مالها معنى بلا نوبه ونايب=والابوه مالها وزنه وهي جزله جزوله واكبر الخيبات خيبة هقوةٍ تلقاك شايب=مابعدها خيبةٍ شانت ولاحطت مهوله ولاعقلها كل شايب واصلٍ تاليه تايب=فكرته تغنيك والتفكير يثريك بشموله خذ من الفكر المحرر واعط بالطيب وغصايب=وخذ مثل ما اعطيت وازهل يدرك الراقي زهوله لابعيد ولاقريب ولاتقفي لك بصايب=تدري ان الصوب صايب لاتزايد في صموله لاذهيب ولارهيب ولاتفك ولا نشايب= من حسب مخراجه اول لايفكر في دخوله ياعسى ربي يزيل اغلال تفعيل النشايب=والعنب حامض حقيقه من يطوله من يطوله

أخوي جزل البيان أثلجة صدري ولايعقلها الا الشايب شرواك
ياعصابة راسي صح الله لسانك ملايين ولاتكفي يشهد الله أنك كفوووووووو
نالت كل أعجابي من اول حرف الا أخر حرف
ولا أستطيع إلا شكرك والتصفيق لك بكل فخر
ومنك أستفيد يالغالي وتقبل إعجابي
وأنا عند وعدي اللي وعدته لشايب
والله لايهينك وتقبل تحيااااااااااتي
:mar sa133: