|
||||||||||||||||||
يا أمرؤ القيس والله مالها داعي !
مدخ’ــل: قفا نبكي من ذكرى’ حبيب ومنزلـے بسقط آللوى بين آلدخول فحوملـے ياإمرؤ القيـس والله مالهـا داعـي=وشو له توقف على الأطـلال تبكيهـا لاتقول ذكرى’ الحبيب بحجـة إقناعـي=وش تنفعكـ‘ ذكريـات ٍ راح ماضيهـا من صد عني’ حرام إن جيت له ساعي=دام المحاني تقـوم وجرحهـا فيهـا القلب غبة’ بحـر والفضـل لشراعـي=مايلتفـت للحـدود اللـي يعديـهـا بالمركب اللي صنعته بـس لأبداعـي=قبطان .. من وين مـا ودي أوديهـا وياإمرؤ القيس كان السـر بأوجاعـي=بعض السوالف تموت بفـم راعيهـا الفكر عزفي ونبض القلـب’ إيقاعـي=والشعر ونسة’ عمر والنـاس ترويهـا وإن كان صدت كذا عن روض مرباعي=لاتحلم إني أجيـب العـذر وأرضيهـا والله لو أنا الجفا يلوي لـي ذراعـي =لأقطع ذراعـي لهـا وألويـه’ بيديهـا أهل النفوس العزيزة’ عشقهـا واعـي=ما تنحنـي للغـرام اللـي يوطيـهـا ياأمرؤ القيس .. ماتخفـاكـ‘ الأفاعـي=تموت والسـم باقـي فـي علابيهـا لاباركـ‘ الله بعـذر ٍ جـرح أسماعـي=ولاباركـ‘ الله بمن هو جـاب طاريهـا
التعديل الأخير تم بواسطة تــرف ; 11 Mar 2010 الساعة 06:38 PM
|
11 Mar 2010, 04:15 AM | [ 2 ] | ||||||||
عضوة متميزة
|
رائعة بكل المقاييس قصيدة ولا أجمل شاكرة لك تروووفة ... تحيتي |
||||||||
|
|||||||||
11 Mar 2010, 04:38 AM | [ 3 ] | ||||||||
شاعر
|
عناية فائقة في الانتقاء
وتذوق شعري رآآآقي نجده عند ترف قصيدة رائعة صح لسان الشاعر مع أنني مع بيت امرؤالقيس وليس مع اسلوب شاعر القصيدة إذا كان الحب أولاً صحيحاً فقد كان قاسياً فيما استجد بينه وبين من أحب فقد نسي الشاعر كل تلك الذكريات ولا يريد ذكراها أبداً سلمت يمناك أختنا العزيزة وسلم احساسك الشعري الجميل تقبلي مروري دمتِ بخير ,,, |
||||||||
|
|||||||||
11 Mar 2010, 02:42 PM | [ 4 ] | ||||||||
عضوة متميزة
|
ترف وش اقول ؟؟!! اقول جنااااااااااااااااااااااان ولا اقول روووووووووووووووووعه ولا اقول خياااااااااااااااااااااااااااااااااااااااااال ولا اقول خطييييييييييييييييييييييييييييييييييييييييييييييره بس والله جامعتها كلها كل شطر اطلق واحلى واكشخ واجن من الثاني ترف يعطيك العافيه والله يالغاليه ^_^ |
||||||||
|
|||||||||
11 Mar 2010, 06:49 PM | [ 5 ] | ||||||||||||||||||||||||||||
عضوة متميزة
|
الروعة تتجلى بحضورك .. أعذب تحية لروحك " |
||||||||||||||||||||||||||||
12 Mar 2010, 12:55 AM | [ 6 ] | ||||||||
مؤسس شبكة الشدادين
|
مبدعة كالعادة يا مشرفتنا ترف في اختيار كل جميل وجديد وبكل ذوق فريد تسلم يديك والله يعافيك |
||||||||
|
|||||||||
12 Mar 2010, 01:15 AM | [ 7 ] | ||||||||||||||||||||||||||||
عضوة متميزة
|
ياهلا والله فيك ياسلطان وحياك .. والذوق ينبع منك " أنا أخالفك بشغله ممكن هو مايبغى يتذكر هالذكريات لأنها تعتبر جيوش خانقه وأنّات حنين تتعبه فتكون الأطلال وذكراها تجلب له نسائم بدال ماتريحه بالأكسجين تزيد عناه بثاني أكسيد الكربون فقال هالأبيات عشان يقنع نفسه بالتناسي من الصد والجفا لكنه أثبت هالحب ببعض الأشطر وهذي يسمونها مكابر الحب وهو هايم وهذي قمة العشق < ياعيني ع التحليل كأن القصيدة لها يعطيك العافية ع المرور الرائع خليتني أخش جو الشاعر وأحلل مندوبه ع مزاجي لاعدمنا حضورك " |
||||||||||||||||||||||||||||
12 Mar 2010, 01:19 AM | [ 8 ] | ||||||||||||||||||||||||||||
عضوة متميزة
|
هلا وغلا بالعسل كله أهم شي أعجبتك ويعطيك العافية ولاهنتي أعذب تحية لروحك " |
||||||||||||||||||||||||||||
12 Mar 2010, 01:22 AM | [ 9 ] | ||||||||||||||||||||||||||||
عضوة متميزة
|
والذوق ذوقك ولاعدمنا هالمرور الرائع .. يعطيك ألف عافية لاهنت " |
||||||||||||||||||||||||||||
26 Mar 2010, 11:58 AM | [ 10 ] | |||||||
عضو مبدع
|
يعطيك العافيه تروف على هذه الرائعه |
|||||||
|
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
لتنظيف جهازك من الملفات الي مالها داعي | ياسر الشدادي | جديد المواقع ـ شروحات البرامج ـ المشاكل والحلول | 19 | 12 Mar 2010 02:25 PM |
عروسة مالها رجلين...! | تــرف | قصائد مختارة | 3 | 09 Apr 2009 06:09 PM |
في غيابك مالها .. الضيقة مثيل | غريب بدياره | الهواتف الذكية - سامسونج - هواوي - البلاك بيري | 25 | 13 Mar 2008 02:42 PM |
مالها داعي الذبايح والخساير | بنت الشلوي | الترحيب والتهاني | 18 | 27 Mar 2006 11:11 AM |
|