تغطي يابنت هذا سعودي!!

مشاهد !!! ( موجهه لك ولكي)

تغطي يابنت هذا سعودي!!

طيب ليش ليش ؟؟؟

الموضوع صريح ويتحدث عن واقع نعيشه

وهنا بنقل لكم بعض المشــــاهد

المشهد الأول

^^^^^^^^^^^

فتاة تتحدث مع أحد العمال الأجانب وتسولف معه وتأخذ راحتها معه ويدخل سعودي تغطي كأنها ما كانت تكلم رجال زيه زي اللي دخل وغطي يا بنت سعودي.

المشهد الثاني

^^^^^^^^^^^

إمرأة تخرج للسواق أو العامل في المنزل بملابس عادية لا عبايه ولا ما يحزنون بحجة أنه أجنبي عادي تكلمه بدون ما تغطي عليه ولو دق الباب سعودي قالت غطي يا بنت سعودي.

المشهد الثالث

^^^^^^^^^^^

بنت تطلب عشاء من أحد المطاعم وطبعا يجيبها عامل توصيل الطلبات تخرج تستقبل وتأخذ منه الطلب مع الشكر والتقدير وغطي يا بنت سعودي.

المشهد الرابع

^^^^^^^^^^^

مجموعه من الفتيات في أحد المجمعات أو في أي مكان ودهم يسألوا عن شي صادفوا شخص لابس جينز وقميص لو سمحت يرد سمي آووه آآآآسفين وغطي يا بنت سعودي < طلع سعودي.

وغيرها من المشاهد كثيررررررررررررررررر

طبعا كل المشاهد بمباركة الأب والإخوان وشي عادي لو شاف بنته أو أخته تكلم أجنبي عكس لو شافها تكلم سعودي .....

قد يكون هذا التصرف عن غباء أو جهل إلخ.... يعني من الممكن أن تكون هذه الفتاه على خلق ومحترمة لكن مالقت من يوجهها إن معاملة الأجنبي لازم تكون زي معاملة السعودي ومعاملة أي غريب

معليش شباب وبنات هذا الواقع اللي عايشين فيه ...

المشكله والله ..( سوري + لبناني+مصري)عادي مولازم تغطي هذا أجنبي
لكن( سعودي) ياخرابي والله سعودي تغطي يابنت الناس ..............


إسالوا أنفسكم ........؟

أنتظر ردودكم

وازود على الاخ الوافي بهذه القصه الاخرى وهى ان سعودي سائق لموزين ذهب يكد ولما مر احدى الاسواق التجاريه فاذا ببنتين يشرون له ولما صفط ركبوا معه مع العلم انه متنكر بملابس جنز وقميص ولا لو دروا انه سعودي بزقوا في وجه المهم وهم في الطريق اخذو البنتين يتمازحون بينهم بمزح يخدش الحياء والسعودي يتمنى متى ينزلهم وينفك منهم المهم طلع قدام السعودي سياره وربط فرامل وقام قايل(اخو نوره) والحمدلله ماصدمه تفاداه وبعدها والبنتين بصوت واحد نزلنا الله لايوفقك اثاريك (رجال )؟ وحنا نمزح قدامك منول نحسبك صديق وصفط ونزلهم وهذ قصه حقيقيه حصلت مع سائق لموزين بالرياض يرويها لي بنفسه وشكرا للاخ الوافي على طرح هذا الموضوع

هذه قصية يعلمني فيها واحد من زملائي في جامعة الملك سعود
طبعا انا كنت في جامعة الامام بالرياض بس يعني يعتبر زميل
المهم تمر علينا في الجامعة أيام جوع وطفرة ندور الريال
وعشان كذا كان زميلي هذا متوظف في بندة العزيزية عامل في قسم الحلويات والكيك
وكان هو حمر تقاسيم وجهه ولونه تقول لبناني يقول:
كنت في بندة والمكان فاضي يوم جوني ثنتين بنات وش زينهم مغير يتمايلن ويوم قربوا مني رفعوا الغطا
وقاموا يتضاحكون ويتغامزون عطني من هذا.. الا عطني من هذا... ويوم تكلمت قلت حددوا اش تبون بالضبط؟
قاموا تغطوا بسرعة وقالو واااااو سعودي وهجوا
عاد هو يقول ندمت ليتني قعدت ساكت.

المشكله ليست سعودي لبناني

المشكله محصوره في ذهاب رجوله بعض اولياء الامور وطغاء الامهات وفساد الفتيات

ناهيك عن عدم مخافة الله

الله المستعان

فعلاً كما قالت أختي ديمة

المشكلة تربوية بحتة

فالبنت التي تتربى على الحياء والحشمة وتعاليم

الدين الإسلامي نجدها تلتزم بها أمام كل رجل من أي جنس كان

وحتى خارج حدود الوطن تترفع عن غيرها بلباس الحياء والعفة

بينما السافرات قليلات الحياء يتصيدن الفرص لإظهار سفورهن

أمام أي إنسان ويتذرعن بأن الأجنبي معتاد على رؤية السفور في بلده

يعني ما يهمه بينما السعودي محروم من رؤية هذه المناظر

لكن المشكلة كما اسلفت تربوية

ألف شكر لك أخي الوافي

بدر الرياض

كديميس

مشكورين على اضافاتكم

ويعطيكم العافيه

		المشاركة الأصلية بواسطة : ديمــــــــــه اقتباس
	المشكله ليست سعودي لبناني المشكله محصوره في ذهاب رجوله بعض اولياء الامور وطغاء الامهات وفساد الفتيات ناهيك عن عدم مخافة الله الله المستعان

الاخت ديمه

افهم من كلامك ان مافيه تفريق بين السعودي والاجنبي يعني اللي تتكلم مع المصري واللبناني وتضحك معه وتاخذ حريتها معه في الكلام
تتصرف نفس التصرف فيما لوكان اللي قدامها سعودي

وهذا شي يخالف الواقع اللي نعيشه تماما


مشكوووووره على مداخلتك

ويعطيك العافيه

فعلا اخوي السلطان

الخلل في التربيه

ونظرة المجتمع للاجانب على انهم مساكين لايهشون ولاينشون

برغم المصايب اللي يسوونها و نسمع عنها كل يوم

من اهم الاسباب اللي افرزت هذه الضاهره



مشكووووور يعطيك العافيه

دايماً تجي على الجرح يالوافي
والمشكله مهما تناقشنا ماراح نوصل لحل
لان الطرف الثاني غايب (اللي يتبع هذه السلوكيات)لابد من واحد بحث وحقق في هالاشياء يفيدنا بما لايدع مجالا للشك في سبب هذه السلوكيات واسبابها وهل هي محصوره على فئه من الناس ام ليست حصرا على احد
وشكراً...........

المشكله اخوي بياع الورود ان ماعندنا باحثين واستشاريين في المنتدى ولا مااعتقد بيقصرون معنا

لكن حنا نحاول على قدر معرفتنا وخبرتنا في الحياه نستنتج الاسباب وطرق العلاج

مشكووور اخوي بياع الورود ويعطيك العافيه