زياد يابن عيد

هذه القصيده موجهه إلى زياد بن عيد بن مقحص الشدادي

سلام يارجلٍ يسد اللزومي=ابومشبب ياعسى ايامه طوال
رجلٍ على الواجب مشى بالسلومي=ومن دون ربعه قام بالجاه والمال
يالله عسى طيبه وعرفه يدومي=راعي حميه مايفيدن الاقوال
زياد يابن عيدذيب الخرومي=شد العزوم ولا تسمع فالانذال
من دون ملكك جعل حظك يقومي=ابرز حقيقتها ولانته بمحتال
الصقر اشوفه فالعلالي يحومي=وانته رجل فاهم ولا انته ببطال
رجلٍ شجيع ومن رجالٍ قرومي=لاطامه العايل ليا جات الافعال
لاجاء نهارٍ فيه ضرب السهومي=عدوهم طايح دنادين وابطال
عداد ماتبدي جميع النجومي=سلمت ياراعي الوفاء والتبهلال
حث الركايب ياقوي العزومي=والكل عقده يابيض الوجه حلال
من دونها كافح وكب العلومي=لينن ربي يبدل الحال بالحال
البحر ماطبه هبيلٍ غشومي=لاشاف موجه يصفق الجال فالجال
ماطبه الا كل واحد يعومي=شرواك ياللي فاهمٍ كل الاحوال
وللطيبه رجلٍ يجيب ويسومي=ماتنلقي يالربع في كل رجال
وانته لبست الطيب لبس الهدومي=هذا كلام الصدق ماني بدجال
وصلاة ربي عد منشى الغيومي=على النبي الهاشمي زين الاعمال

وسلامتكم

صح لسانك يابو سفر

ويستاهل زياد

تقبل مروري الغربي

ونعم والله في الخال زياد

ويستاهل أبو مشبب كل العلوم الغانمة

وصح لسانك يا أبو سفر ولا هنت يا القرم

ونعم والله في خالي زياد
ماهي غريبه على ابو مشبب
صح السانك أبوسفر

مشكور مشكور

مشكور مشكور

مشكور مشكور

		المشاركة الأصلية بواسطة : صقر قيا اقتباس
	سلام يارجلٍ يسد اللزومي=ابومشبب ياعسى ايامه طوال رجلٍ على الواجب مشى بالسلومي=ومن دون ربعه قام بالجاه والمال يالله عسى طيبه وعرفه يدومي=راعي حميه مايفيدن الاقوال زياد يابن عيدذيب الخرومي=شد العزوم ولا تسمع فالانذال من دون ملكك جعل حظك يقومي=ابرز حقيقتها ولانته بمحتال

اخوى صقر قيا

صح لسانك وبيض الله وجهك

وابومشبب رجل مواقف ورجل يبذل المال والحال

دون جماعته ويستاهل المدح والثناء

بيض الله وجهه

وسلمت ياصقر

صح لسانك يابو سفر

وأبو مشبب قرم وكريم وأفعاله تبيض وجهه يستاهل كل خير ..

صح لسانك اخي الكريم

ولاهنت على القصيدة