[كذبة ابريل] أبيات وليدة اللحظه تجول بخاطري

كذبة ابريل

يابنت لو بادت صروحٍ تسوا=اهون علي من غيبتك والبهاذيل
الله على غدر البخت كيف سوا=والله على رمح الليال المقابيل
الحظ لا سرحك ماعاد ضوا= اقفت وخلتني على كذبة ابريل
يمشي قدم عيني مشاة الملوا=زود الترف ماعاد خلا بنا حيل
يابنت من جور الغياب آتطوا=ولا طاب لي من عقبكم صبة الهيل
نار الهوى في غيبتك بي تشوا= والطب ماله في جروحك مداخيل
وش عاد لو كل الاوادم تروا=وحتى ايش لو كثرت علي المناهيل
لا يابعد نسل البشر عرق حوا=ببقا على عهد الوفاء لاخر الجيل

فايز بن مشحن

فائز
صح لسانك ملايين وبيض الله وجهك
شاعر جزل وحضورك جزل لاعدمناك
ياحزامي لاتبطي علينا القصيد الجزل نتشوق
له ونسعى له وندور لأصحابه.
وفقك الله

		المشاركة الأصلية بواسطة : خيال الشدادين اقتباس
	فائز صح لسانك ملايين وبيض الله وجهك شاعر جزل وحضورك جزل لاعدمناك ياحزامي لاتبطي علينا القصيد الجزل نتشوق له ونسعى له وندور لأصحابه. وفقك الله

هلابك
يــ ابو مشعل
اسعد الله صباحك بكل خير
صح بدنك
وتشكر على تفضلك بالمرور والاطلاع
وتشكر ايضا لتنسيق الابيات
موجود انا يابو مشعل
على يمينكم بكل وقت وبكل علم
دمت
بخير

فايز بن مشحن صح السانك مليون ابدعت وجزلت يابعدي
تحيتي لك

قصيده جزله أخوي
صح لسانك ولاهنت

صح لسانك يابن مشحن
والحقيقة قصيدة جزله من شاعر جزل

لك جزيل التحايا

حبلك من اسباب المحبة تلوا=اصبر يابومشحن وجر المواويل
لاتفرح الشمات ثم يتقوا=يمكن مع الايام تجني المحاصيل

ابداع وامتاع
صح لسانك وسلم بنانك

يا هلا والله بشاعرنا العذب الجميل
أبو مشحن

والله يحييك من جديد
بيض الله وجهك وصح لسانك
على هذه العذبة المنتقاة باحترافية
وتسلم يا الغالي

		المشاركة الأصلية بواسطة : بدر الشدادي اقتباس
	فايز بن مشحن صح السانك مليون ابدعت وجزلت يابعدي تحيتي لك

ياهلا
يــ بدر
ومرحبا
صح بدنك
وتشكر على مرورك وتفضلك بالاطلاع
لاخلا ولا عدم
دمت
بخير