يا الأميرة قلبي احساسه ثقيل

يالاميره قلبي احساسه ثقيل
يجرحك لاجيت له تلعب معه

ياخذذ ويعطي ولاكن بالقليل
يوم بعض الناس كلش يجمعه

املك احساسي وانا ماني بخيل
واحصده في وسط صدري وازرعه

كنها يابنت شي مستحيل
مقنعه واحيان ماهي مقنعه

صافيه تسقى من السلسبيل
وكل رجم صعب تقدر تطلعه

ماتطيح من الهوا ولا تميل
وسط رجل في المواقف مشجعه

تشبه لسيل حدر له فوق سيل
والعزايم للمراجل تدفعه

ثابتً في وقفته مثل النخيل
ماتهزه ريح والا تصرعه

ساطي ماهمني صوت الصهيل
وكل عايق في طريقي اقطعه

وابعد من الجدي عن مطلع سهيل
واقرب من اي شي للي يتبعه

بس لي قلب عطاه الله دليل
دايم عن دروب الخطايا يمنعه

شاعر لادايري ولا مستطيل
من نقاوة شعر طيبه منبعه

في عيونه كل جالي له مقيل
من سخا قلبه مهو مستصنعه

الله الله
مبدع ومميز يا أبو نايش
والله يعافيك ويسلم ذوقك وقافك
ما قصرت وصح لسانك ملايين

ابن نائش

دايم مبدع

لاهنت

.

أبيات جزله
صح لسانك واعتلى شانك
ولاهنت
..

صحة ابدانكم جميعً وشكراً لكم ولمروركم الجميل