|
|||||||||||||||||
هذي طبوعي
هذي طبوعي كل ما عسعس الليل = أصلّـح الدلـة وأجـر اللحونـي بريـةٍ موزونـة البـنّ والهـيـل = والماء بوزن وحيّ هاك الوزونـي منهـا تكيّفنـي ثلاثـة فناجـيـل = وأرتاح ويطير السهر من عيونـي وأراجع الذكرى وأجـرّ المواويـل = والذكريـات بكـلّ شكـلٍ ولونـي البعض منها يشرح الصدر بالحيل = والبعـض لا والله يجـدد طعونـي وأرجع وأفكّر في الليال المقابيـل=لعل وقتـي مـا يخيّـب ظنونـي وأدخل على الله من حياة الغرابيـل=حيث إن همّي ما تشيلـه متونـي كنّك مفصّل فوقـي الهـمّ تفصيـل=لين إلتبسني مثل لبـس الجنونـي حالي كما حال القلوب المشاغيـل=اللي من أطرف شـيء يتأثّرونـي لو يشتكون الغبن والجور والميـل=للغيظ وسـط صدورهـم يكتمونـي فكّرت الا الموضوع يحتاج تحليـل=وفنّ الدراسة واحـدٍ مـن فنونـي عرفت وش عكّر مزاج المشاكيـل=يوم إنهم مـن وقتهـم يشتكونـي أول سبب: نقالـة القـال والقيـل=الطغمة اللـي جعلهـم يذهبونـي قلوبهـم بالحقـد سـودٍ مغالـيـل=ومن طبعهم بالمشكلـة يفرحونـي وثاني سبب: ناسٍ على مثل ما قيل=لا يقطعـون الشّـر ولا ينفعونـي والله ما يرفع ضغطك إلا المهابيـل=العالم اللي في النحـر ينشبونـي وثالث سبب: ناسٍ سوات المخاييل=على سلوم الطّيب ما يحرصونـي خلّو سلوم أجدادهم رغو مع سيـل=وفي عالم التقليد جـو يركضونـي طشّوا عمايمهم ولبسـوا بناطيـل=والموس فال أشنابهـم والدقونـي وأرقابهم ما سلمت من السلاسيـل=تطبّعـوا بطبـوع هيـم البطونـي في ذمتي ماعـاد باقـي رياجيـل=إلا القليـل وجعلـهـم يثبتـونـي صفّة بعد صفّة وجيـلٍ بعـد جيـل=كلٍ من اللي قبله أنقص وأدونـي هذي هي الأسباب من دون تفصيل=شرحت روس أقلام بس أعذروني واللي يبي تفصيل بالحيل بالحيـل=يقـدر يكلمنـي علـى تيلفـونـي منقوله ولا يعرف شاعرها ،،،
|
24 Jun 2005, 07:22 PM | [ 2 ] | |||||||||||||||||||||||||||
عضوة متميزة
|
وفي ذمتي حتى انا ... الا ما ندر .. وماهو كل من لبس العقال رجال .. اسال الله الصلاح القصيدة لامست وجداني ... ياضاوي قصايدك الي تختار وتقول تعجبني بقوة .. |
|||||||||||||||||||||||||||
|
||||||||||||||||||||||||||||
24 Jun 2005, 10:26 PM | [ 3 ] | ||||||||
مؤسس شبكة الشدادين
|
قصيدة من أروع القصائد وأجزلها لكن من هو شاعرها ؟ وفقت في الأختيار يا ضاوي الله يبيض وجهك |
||||||||
|
|||||||||
24 Jun 2005, 10:33 PM | [ 4 ] | |||||||
نائب المشرف العام
|
رااااااااااااااااااااااائعه ياضـــــــــــــــــــاوي صح لسان الشاعر وبيض الله وجهك على النقل الموفق واحســــــــــــــنت الاختيار |
|||||||
|
||||||||
25 Jun 2005, 07:59 PM | [ 5 ] | ||||||||||||||||||||||||||
|
ويعجبني مرورك وتوقيعك على مشاركاتي الف شكر وتقبلي تحياتي ،،،، |
||||||||||||||||||||||||||
25 Jun 2005, 08:21 PM | [ 6 ] | ||||||||||||||||||||||||||
|
وجهك ابيض والف الف شكر لك على المرور . اما القصيده وبعد البحث عن قائلها فيقال انها لشاعر / وصل العطياني والله اعلم ،،، |
||||||||||||||||||||||||||
التعديل الأخير تم بواسطة ضاوي العبيدي ; 25 Jun 2005 الساعة 08:23 PM
|
|||||||||||||||||||||||||||
25 Jun 2005, 08:22 PM | [ 7 ] | ||||||||||||||||||||||||||
|
|
||||||||||||||||||||||||||
25 Jun 2005, 09:04 PM | [ 8 ] | ||||||||||||||||
شاعر
|
اخوي ضاوي بيض الله وجهك ومشكور على النقل الاكثر من رائع تسلم يا الغالي ....... ابن مهرس
|
||||||||||||||||
25 Jun 2005, 09:46 PM | [ 9 ] | ||||||||||||||||||||||||||
|
|
||||||||||||||||||||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
هذي طبوعي | خالد ال عويد الحارثي | قصائد مختارة | 6 | 19 Mar 2010 02:41 PM |
|