( فيديو ) اختراق جهاز الخطابة أم راكان و اظهار الحقيقة و التنبية بالداخل

صباح / مساء الخير و السرور .,. كيفكم طيبين بشروووني عنكم

جيت اليووم معااااي مووضوع يعتبر بشير و نذير و غريب و جديد

قدر الله و طبحت في جهاز "ورع سعودي" مسوي في الفيس بوك انه خطابة و انة " امرأة "

ضحك ع البنات و سحب فيهم و سحب صورهم و ابتزهم و هددهم و استغلهم

انا من الناس إلي تعاملت معاه قبل الاختراق خبيث خبيث خبيث يحسسك انه صدق خطابة و انه انسانة محترمة تبغى الستر للبنت

تخيلو جلس يكلمني في المسن يظن الخبيث اني بنت و يذكرني بالله و ان الفرج من الله و اذا قدر الله حصل كل شي و ان لم يقدر ما يحصل شي و ينصحني اني الزم الاستغفار

بعدين قال لي تبغين تتزوجين عسكري او مدرس او رجل اعمال و من اي مدينة تبغين يكون و انتي في اي مدينة و كم تبغين عمره

المهم اتفقت معاه على عريس الهنا

قال تبغين التواصل مع مين يكون اذا حصل النصيب معاكي مباشرة او مع ولي أمرك أو أخوانك

قلت انا له ::: شرايك يا خالة

قال الخبيث ::: اعطيني رقم ابوك او اخوك الكبير و نخبره ان اهل الخير دلونا عليكم و نخطب من خلاله " اسالكم بالله لو اني بنت ما تمشي علي " مع احترامي للاخوات

لكن ما بيروح له الا انسانة محتاجة الزواج و تسوي المستحيل

طبعا ::: هو يآخذ رقم الاب او الاخ من شان اذا حصل على صور البنت يهددها انه راح يرسلها على ابوها او اخوها

و يهددها و يطلب منها شحن او يطلب منها تعرض له ع الكام او انها تطلع معاه

طبعا و بعد ما انتهينا من الكلام و اتفقنا على اني ابغى الستر و الزواج و انها راح تسعى لوجه الله ما تبغى مني الا دعوة صالحة

قال ::: افتحي الكام من شان اعرف اقدر لك الزوج المناسب لجمالك

قلت ابشري يا خالة ::: و فتحت له الكام الوهمي و سقتها عليه و رب الكعبة هددني بعدها بنص ساعة

طبعا اذا البنت ما عندها كام يطلبها ترسل صورها

من هنا اقول انتبهو من خطابات الفيس بوك حذرو منهم لليل نهار

اعرف ناس من المقربين لي في عالم الهكر اخترق كثير منهم و كلهم غرضهم الابتزاز و التهديد و ممكن الشخص منهم عنده اكثر من صفحة

مثلا صفحة مسميها " الخطابة ام راكان " و " الخطابة أم البراء " و صاحبها يكون واحد

ملاحظة / الفيديو صح طويل ربع ساعة لكن شوفو رسايلة للبنات و شوفو ايميله

الحين اترك لكم الفيديو شوفو و احكمو بانفسكم :::





أخوكم الجوكر عاطل من سنين لا تنسوني من دعواتكم لي في ظهر الغيب بالرزق و الوظيفة

تقييمكم الله لا يهينكم بالضغط على



أخوكم / العبد لله " الجوكر الحارثي "

حسبي الله ونعم الوكيل علية وعلي من يستفزبنات المسلمين
,,,,,,,,,,,
يعطيك العافية أخوي

الجوكر**

الله لابوفق من يكذب على بنات خلق الله

يارب استرنا فوق الارض ويوم العرض وتحت الارض

مشكور اخوي ويارب ترزقك من حيث لاتحتسب

حياك الله أخوي الجوكر
والله يبيض وجهك ويكتب لك الأجر الجزيل
هذا هو الخير الذي يستحق صاحبه الدعاء
ويستاهل الذكر الطيب
وهذه هي الفائدة المرجوة من تعلم الهاكر لأجل
كشف ألاعيب الكاذبين ودحرهم أمام المساكين
وفقك الله ورعاك

حياك الله أخوي الجوكر
والله يبيض وجهك ويكتب لك الأجر الجزيل
هذا هو الخير الذي يستحق صاحبه الدعاء
ويستاهل الذكر الطيب
وهذه هي الفائدة المرجوة من تعلم الهاكر لأجل
كشف ألاعيب الكاذبين ودحرهم أمام المساكين
وفقك الله ورعاك

الله يبارك فيك

ويرحم والديك ويوفقك دنيا وآخره

أسأل الله يرزقك من أوسع أبوابه

حسبي الله عليهم..
الله لا يوفقهم..
جزاك الله خير ياخوي
والله يبارك فيك..

,’

كفو يالجوكر عزالله أنك ماقصرت
بس بدون زعل البنات بعد غلطانين تعنس في بيت أبوها ولا تعطي صورتها لخطابه تعرفت عليها في الفيس
عموماً لعلهن أن يكونون عبره لغيرهن من البنات
والله يوفقك ويوظفك ويوظفني معك
أخي الجوكر أحسنت أختيار فؤاد الهاكر وتجنبت إيذاء الناس
جزاك الله خير وقواك على فعله

البنات قل حياءهن إلا من رحم الله لذلك
ماهمتهن صورهن وهو وسخ وملعون
ويستاهل ماجاه.

كفو والله يا الجوكر والله يجزاك خير ويكثر من امثالك
و أهم شيء أنك دعسته ووريته شغله مع أنه يستاهل أكثر من كذا
لاهنت
+ تم التقيم