قصيده ضفيدع رحمه الله الى ربعه

كان ضفيدع بن عويض من خامس البصصه شاعر ورجل معروف عند القبائل
وعند جماعته وكان وقته أنذاك وقد هاجر شيخهم عائض بن مهرس الى نجد
وهو بقى ومعه بعض ربعه في الطائف وتذكر ضفيدع جماعته وقال هاذي القصيده
وقدمها في الأذاعه السعوديه عام 10/5/1385هـ

يا عيني اللي كن فيها ملايل=من كثر ما تطري علي الهواجيس
الله على قبن من الهجن حائل=عامين تكلأ نيها بالنسانيس
أسبق من الربان قبل المخايل= وان حركت تأخذ شليل ومراويس
ملفاك ابن مهرس مقد الأصايل =ان روحت خيله لخيل كراديس
قله وراه يكب كسب الشوايل =عود على الثيران زراع ويديس
وان سأيلك عنا ترأنا قبايل = في راي ((أخو فاحا)) بعيد المناطيس
يفرح بنا نشر ٍ على القفر مايل= بمسلبات كنهن المحاسيس
وكم واحدٍ نرميه للذيب مايل = ياكل وسوره للنسور المراويس
وجدي على ربعن بقوا بنثايل= وهم من أول يكسبون النواميس

اخوى سلطان بيض الله وجهك على هالنقل


وربعه الشداين كل واحد يفقدهم من طيبهم فكيف ابن عمهم



فالك العلم الطيب

صح لسان شاعرهااا

والله يرحمه ويغفر له

مودتي

بيض الله وجهك أخوي سلطان على نقل القصيدة
ورحم الله الشاعر ضفيدع بن عويض البصيصي وأسكنه فسيح الجنان
شاعر له مكانته المرموقه بين ربعه وعند جميع قبائل الجزيرة..

أتمنى من الأخوة المشرفين نقل القصيدة للمنتديات الخاصة بالقبيلة لأن هذه القصيدة تعتبر من تاريخ الشدادين عامة وخامس البصصه خاصة!!

وإذا كان عندك أخي سلطان من قصائد الشاعر ضفيدع فلا تبخل علينا بالجزالة..

أبشر بعزك ياصريح ماطلبت شي مهما كتبنا عن أوئل الشدادين من شعار ومن فرسان ومن شيوخ فا ولله لن نوفيهم حقهم

وأطلب من جميع من عندهم قصائد لشعراء الشدادين الاوائل أن يطرحها
في المنتدى لكي يتم التعارف عليهم وعلى تاريخهم

صح لسان الشاعر وسلمت يمناك .

لاهنت على الابدااع المتوااصل ..

عفاك ربي ..

الله يرحم موتنا وموتى المسلمين

رحمك الله يا شاعرنا ضفيدع بن عويض رحمة واسعة

وحفظك الله يا أبو بجاد من كل سوء

هذي والله هي علوم الرجال اللي ودنا بها ونبحث عنها

لا هنت يا سلطان وإن شاء الله نشوف لك المزيد من المشاركات

[CENTER]
ابو بجاد الله لا يهينك على النقل


ورحم الله الشاعر ضفيدع بن عويض رحمة واسعة


احترامي[/CENTER]

يعطيكم ألف عافيه


والمزيد ان شاء قادم

بسم الله الرحمن الرحيم

والصلاة والسلام على أشرف الأنبياء والمرسلين ، نبينا محمد وعلى آله وصحبه أجمعين وبعد :

ـــ أبو بجاد والله والنعم فيك ، والنعم في شاعرنا .

ـــ وشاعرنا أسمه الكامل / ضفيدع بن جرّار بن عويض الشدادي .

وجرّار كان أكبر أبناء جدي عويض وهم /

1 ــ جرّار .
2 ــ ماضي .
3 ــ ثويني .
4 ــ سمران .
5 ــ قليشان .
6 ــ دغيليب .
7 ــ دهران .<<< وتوفي ولم ينجب أبناء .

وضفيدع هو جد الشيخ رباح بن سويلم من ناحية أمه رحمة الله عليهم أجمعين .

وآخر دعوانا أن الحمد لله رب العالمين والصلاة والسلام على أشرف الأنبياء والمرسلين نبينا محمد وعلى آله وصحبه أجمعين .

أخوكم / أبو بصيــــــــــص .