يا وجودي

السلام عليكم ورحمة الله وبركاته

اسعد الله اوقاتكم بكل خير

هذه قصيده كتبتها وانا مستعجل

وودي اني اكملها لكن ماكملتها

ضاقت نفسي وكرهت القصيد كله

ويمكن اني ارجع لها وانقحها واكملها

شلت الثقايل لين تعبت عضودي=وشربت من كاس الزمان المراره
لا قلت راح الهم يمي يعودي=والحزن ماسك وسط قلبي خفاره
حظي تعكس ياعراب الجدودي=والحظ نكبه لا تغير مساره
والدمع مثل السيل فوق الخدودي=دمعٍ يعذب يوم سال بغزاره
واكبر قهر في ذا الزمان الحقودي=دمع الرجل لامن زاد انهماره
يالعنك يادنياً همومك تزودي=مدري لاعانةٍ طبع ولا شطاره
كني مقيد ياعرب بالقيودي=والصدر ثاير من لهيب الحراره
لا ياوجودي للهناء ياوجودي=لي عام ماجاني خبر بالبشاره
ماني من اللي يخلفون الوعودي=مير الزمان الشين قطاع اشاره
سجيت مع فكرٍ بليا حدودي=وشبيت بالكبريت راس الزقاره
ومشيت في درب الرجاء والصمودي=وتركت حب اشواق مع حب ساره
ماعاد ابا الا الحظ يرقى سنودي=ويصير متربع بعرش الصداره
ادعي واناجي خالقي في سجودي=انه يفرج ضيقتي بقتداره

الغربي

ياااااااااااااااااااسلام يالغربي
صح اللسانك ملايين على هالقصيدة
وبيض الله وجهك وفي انتظار التكمله لاهنت

صح لسااانك ولاهنت ابيات في قمة الروعه

ماشاء الله عساك على القوه

ما شاء الله تبارك الله عليك يا الغربي
أنا معك وأتفق على ما يتفق عليه أغلبية
عشاق شعرك وقصائدك

لكن أنا أعارض وبشدة كثرة اللوم
والجزع من الدنيا والتشاؤم بأيام الله

وأرى أن تغير هذا الأسلوب كلياً
فالرجال حتى وإن تألموا
يبقى الألم رفيق قلوبهم وسجين أنفسهم

		المشاركة الأصلية بواسطة : اقتباس
	يالعنـك يادنيـاً همومـك تـزودي مدري لاعانـةٍ طبـع ولا شطـاره

لا يجوز أبداً سب الدهر والدنيا هي الدهر يا عيد
وقول الحمد لله على العافية

وإذا ما أعجبك كلامي
خذ لفة على المستشفيات والسجون
ومراكز تأهيل المعاقين

واذكر نعمة الله عليك
لا يقلبها على رأسك وتعرف الجزع والسخط زين

خذ كلام إنسان يحبك ويخاف عليك وحطه في رأسك


وفقك الله

		المشاركة الأصلية بواسطة : عناد القاف اقتباس
	ياااااااااااااااااااسلام يالغربي صح اللسانك ملايين على هالقصيدة وبيض الله وجهك وفي انتظار التكمله لاهنت

صح بدنك ياعناد القاف

ولاهنت على مرورك المميز

ووجك ابيض يابو سلطان

تحياتي

		المشاركة الأصلية بواسطة : الغربي اقتباس
	السلام عليكم ورحمة الله وبركاته اسعد الله اوقاتكم بكل خير هذه قصيده كتبتها وانا مستعجل وودي اني اكملها لكن ماكملتها ضاقت نفسي وكرهت القصيد كله ويمكن اني ارجع لها وانقحها واكملها شلت الثقايل لين تعبت عضودي=وشربت من كاس الزمان المراره لا قلت راح الهم يمي يعودي=والحزن ماسك وسط قلبي خفاره حظي تعكس ياعراب الجدودي=والحظ نكبه لا تغير مساره والدمع مثل السيل فوق الخدودي=دمعٍ يعذب يوم سال بغزاره واكبر قهر في ذا الزمان الحقودي=دمع الرجل لامن زاد انهماره يالعنك يادنياً همومك تزودي=مدري لاعانةٍ طبع ولا شطاره كني مقيد ياعرب بالقيودي=والصدر ثاير من لهيب الحراره لا ياوجودي للهناء ياوجودي=لي عام ماجاني خبر بالبشاره ماني من اللي يخلفون الوعودي=مير الزمان الشين قطاع اشاره سجيت مع فكرٍ بليا حدودي=وشبيت بالكبريت راس الزقاره ومشيت في درب الرجاء والصمودي=وتركت حب اشواق مع حب ساره ماعاد ابا الا الحظ يرقى سنودي=ويصير متربع بعرش الصداره ادعي واناجي خالقي في سجودي=انه يفرج ضيقتي بقتداره الغربي

الغربي


.... لأخفيك .. صراحتي ..

أقرأ لك .. من قبل ..

.. نعم .... لك ماراق لي .. من جزل نزقك ..

هنــــا .. لأعلم بهذا النص ياهناك موضوع أضطريت من أجلك تبتعد عن الصور الشعريه .. لتمسك بخيط الطرح ..

أو أستعجلت بالطرح قبل لأكتمال مابداخلك ..

كذلك وجدت بنفس هذا النص . سب للدهر وهذا وخاص من هو بشموخك وبمكانتك الأدبيه غني عن هذا الشيء


صح كلك وفديت هالرأس ولاعدمت هالشموخ

		المشاركة الأصلية بواسطة : الغربي اقتباس
	ومشيت في درب الرجاء والصمودي=وتركت حب اشواق مع حب ساره

أهم شئ أنك تركت الحب ،،

ما منه محاصيل ،،، لكن لا أشوف بكرة قصيدة غزلية !!

بعدين أترك العجلة ،، تراها توهق

وصح لسانك

شلت الثقايل لين تعبـت عضـودي

وشربت من كاس الزمان المـراره

على القوووه يالغربي

وصح السااانك بلا شك انك شاعر

وانا اشهد ان ابو عبدالله ما قصر

وقال الى كلنا ودنا نقوله لك

صح لسانك يا عبد ولا هنت وبيض الله وجهك

صح لسانك ياعيد
قصايدك كلها جزله
لكن فكنا من الحزن تكفى