لا تربي حمام ولا تربي بساس

لاتربي حمام ولاتربي بساس = سيرتك ماتجمل وانت من جابها
مايفيد التجني مايفيد الدساس = المطالب تودت عند طلابها
نحسبك ولد عزوه نحسبك ولد ناس= واثرها هجرتك قفت بك أسبابها
دام هذي علومك كل أبوها هواس = الجلايب رخيصه وانت جلابها
عش برشدك وكثر في غطيط النعاس= والدميمه على اسمك وأنت حلابها
والنعامه تدس ارويسها في الكباس= والرجاجيل تظهر تفتل اشنابها
اشهِر اسمك أمام القوم ولعب تماس = عود ارقصك للكوره وطيرابها
لاتقدم لباب ولا تُحلّب قساس = وانت خيمتك ماتسترك بطنابها
حان وقتك وراسك نحلقه بالمواس= والحروف الرخيصه عندك اعرابها
روح يالساحلي وارقد بذيك الطعاس = أنت كفك خطيله طاح مشعابها
قلعتك مظلمه خيّم عليها الدماس= سقفها طاح عنها وانخلع بابها
هكذا فيك يحلو لي الغزل والوناس = يالقليب الحزين ارقد على ترابها
لاتشبه بذيك اعرفك يابو نواس = عادتك شف لتاليها وش احسابها !

.


















قَوُيَّة وَ مُدوُيَّة أبا حمَّد وَ فيِها منْ الجزالَّة مَاتطُربْ
الأروَّاح المُتغلغِلَّة بأعماقْ المَعانيْ ’ صَّح الله بوُحكْ
وَ سَلِمْ بنانكْ ’

تَعلَّقْ حيثُ الثُريَّا !

		المشاركة الأصلية بواسطة : ! سارة الغيد ! اقتباس
	. قَوُيَّة وَ مُدوُيَّة أبا حمَّد وَ فيِها منْ الجزالَّة مَاتطُربْ الأروَّاح المُتغلغِلَّة بأعماقْ المَعانيْ ’ صَّح الله بوُحكْ وَ سَلِمْ بنانكْ ’ تَعلَّقْ حيثُ الثُريَّا !

أهلاً وسهلاً بكم ياسارة الغيدُ.
لا أعلم كيف كان سيكون حال الشعر هنا ، لو لم تكوني أنت موجودة ياسارة .
لله درِك من متذوقة للشعر ومتفهمة لحال الشعراء .
شاكر ومقدر لكِ هذا كله ولن أنسى لكِ هذا الجميل المغدق.
صح بدنكِ عدد بلا مدد ومدد بلا عدد وقواك ربي .
لكِ باقة

هلا بك شاعرنا أبو حمد
والله يسلم يمينك وصح لسانك

نشكرك على جميل تواجدك معنا
ونقدر لك كونك هنا دائماً

		المشاركة الأصلية بواسطة : السلطان اقتباس
	هلا بك شاعرنا أبو حمد والله يسلم يمينك وصح لسانك نشكرك على جميل تواجدك معنا ونقدر لك كونك هنا دائماً

تسلم يا أبا عبدالله .
الابتسامه اللي فوق كل ما أشوفها أجلس أضحك .
هههههههههههه
يازينك وربي إنك نشمي وقرم .
والله يصح بدنك وتواجدي بينكم شرف عظيم .
تحياتي .

ابو حمد

صح لسانك حتى ترضى ياالامير ودي والله اخذ وقت طويل امام هذا الابداع ولاكن المشاغل تحكمنا واعيد واقول صح لسانك وبيض الله وجهك وتقبل مروري ياغالي....

لاهنت عَ القصيدة الرائعه
شكري وتقديري ..