بطاقة تهنئة

جيتك وكلي شوق بالعيـد اهنيـك=في كفي اليمنى مـن الـورد باقـه
يحمل غلاف الورد بيـت يناجيـك=يقول مالي غيـر شوفـك شفاقـه
يامن يسلي خاطري طيف طاريـك=القلب يفتح له على العشق طاقـه
هاذي بطاقة هاجس ٍ هايـم ٍ فيـك=من عاشق ٍ لك حكم الاقدار ساقـه
حارت قدم رجله على اطلال ماضيك=وترجم خيالـه لوعتـه واشتياقـه
كل المشاعر في غيابك تحاتيـك=تعزف علا اوتار الغـرام الدقاقـه

تعزف علا اوتار الغرام دقاقه
الشاعرنا تركي صح السانك وياليت تأتي لنا بقصيده او ابيات عن البر

هديه جميله من شاعر جميل
سلم بوحك ياخوي
تفضل بقبول فائق الاحترام

الله عليك ياتركي على هالابيات في قمة الروعه والعذوبه

صح لسانك يااطنخ الراس وتستحق المتابعه


احترامي

الله الله الله يا تركي

يا سلام عليك

رائعة من روائعك الشعرية أطربتني واعجبتني

صح إلسانك مدد بلا عدد .

كفو يا أبو عبدالله
وصح لسانك ملايين ولا هنت

شاعر كبير وما فيك حيلة

		المشاركة الأصلية بواسطة : بدر الشدادي اقتباس
	تعزف علا اوتار الغرام دقاقه الشاعرنا تركي صح السانك وياليت تأتي لنا بقصيده او ابيات عن البر

هلا وغلا يابدر
صح بدنك
غالي وطلبك رخيص

		المشاركة الأصلية بواسطة : حطاب ليل اقتباس
	هديه جميله من شاعر جميل سلم بوحك ياخوي تفضل بقبول فائق الاحترام

سلم
غاليك اخوي
حطاب ليل الاجمل
مرورك لاعدمتك

حارت قدم رجله على اطلال ماضيك
وترجم خياله لوعته واشتياقه
عزالله ترجمت اللوعه والاشتياق والوقوف على الاطلال باعذب ترجمه ياتركي صح لسانك مليارات ومبدع ودايم وانت مبدع الله يعطيك الف عافيه
تقبل تحياتي,,,,,

		المشاركة الأصلية بواسطة : قصـر القصيـد اقتباس
	الله عليك ياتركي على هالابيات في قمة الروعه والعذوبه صح لسانك يااطنخ الراس وتستحق المتابعه احترامي

هلا وغلا قصر القصيد
شهادتك وسام فخر على صدري
صح بدنك يالغالي
ومتابعتك شرف لي
لاعدمتك