حنا مفاتيح الفرج للمقابيل

‏

ان كان باقي في وجيه الريجيل =شي يرد اللي مضى لي قبالي
ياما شربنا المُر شرب الفناجيل=حتى فقدنا لذة الشي حالي
‏وياما حسبنا من حساب المهابيل =وياما حسبنا من زحول الرجالي
حنا مفاتيح الفرج للمقابيل=عون الذي صكت عليه اليالي
‏الله عطانا من حيّا ذكره السيل=مثل الحياء نطري على كل سالي
نعين ونعاون ولا مرنا ليل =الا الشبب والنار قدم الدلالي
‏خل البخيل يموت في دحله اذليل=وحنا على روس القمم والجبالي
تاريخنا ماروث جيل ورا جيل=ومستقبل مضمون لأصغّرعيالي

.




كَفوُ يَ إِبنْ نَايِشْ وَ صَّح الله منطوقُكْ زاخِرَّة معانٍ وَ فخر
للهِ دُركْ وَ لا هِنتْ علىْ جميِلْ تواصلكْ

صح لسانك
لاهنت على القصيدة
تسلم

صحة ابدانكم جميع وشكرا لكم ولمروركم الكريم

لا هنت ولا هان غاليك
والله يبيض وجهك يا شاعرنا
وصح لسانك ملايين

صح بدنك وشكرا لك وشكرا لمرورك الكريم