|
||||||||||||||||||
معاني الكلمات عند السلاتيح(المهبل)
الدلخ : وهذاا إنسان غبي جداااا.ويرفع الضغط ....وينرفز المنسم : كل ما مريت عليه تسمع صوت سسسسسسسسس و ذلك راجع إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم . المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ... الشخر المخر أو أبو مشخر ! : من نفس فصيلة المنسم ! السلنتح : قليل الأدب جحلط ( بتشديد اللام ) : وهم مرحلة متقدمة للسلنتح مزّلب : يعني بايعها بتراب ! مسفّح : يعني طاير في العجّة وهو ما عنده ما عندي جدتي , يعني بالعربي الفصيح من جنب العارضة الصتيمة : وهو الشخص اللي ماعنده ماعند جدة جدتي ...!!...ويصدق أي شيء يقال له المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ... الفاهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه...... العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاري... المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة. و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة . المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ,, ولا تخليه يمر بجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!..... السربوت : هذا اللي ما يخلي مكان ما يروح و قد كان الأولين يطلقون لقب السربوت على من يشرب الدخان لكن الحين الله يخلف الناس تدخن بيديها و رجليها و لحد يقول لهم شيء. السمرمدي : وهو من نفس فصيلة السربوت. الداشر : هذا قليل الأدب و لا يحب يماشي إلا السرابيت . و إذا قيل فلان دشر فلان أي خرب أخلاقه لكن في الأردن الشقيق كلمه دشره تعني أتركه.. الملكع : أما هذا فيعرف حتى السكن(اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك . زعّيط : مسوي نفسه يفهم في كل شيء وهو من جنب العارضة. المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ... المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش.... الخكري : ببساطة الخكري = نعومة + دلع + ليونة والله لايبلانا... اللزقه: هذا الشخص اللي على طول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهاكذا. الزنقّبي : (بتسكين النون وضم القاف ) يعني العزوبي. الصديع : اي كلمه في راسه يطلعها ولا يتنباء بأفعاله سواء كانت صح ام خطء . الجنط : من فصيلت الدلخ. المريوح: هذا اللي نفسه شينه المرفع بشد الفا من فصيلت الدلخ لكنها تطلق على العيار الثقيل لاتواخذونا على القصور
|
10 Feb 2005, 04:32 AM | [ 2 ] | ||||||||
مؤسس شبكة الشدادين
|
هلا بك ابو تركي ومشاركة ولا أروع من شخصية لها التميز في كل المجالات |
||||||||
|
|||||||||
10 Feb 2005, 10:45 AM | [ 3 ] | |||||||||||||||
|
|
|||||||||||||||
10 Feb 2005, 10:58 AM | [ 4 ] | |||||||
عضوة متميزة
|
تسلم .... عندي سؤاااال دامك علامه؟؟؟ وش معنى ملعون رسرس ؟؟؟ وكمان اذا عندك ابيات تثبت وجود الالفاظ هذي قديما... احب اجمع الماااااضي |
|||||||
|
||||||||
10 Feb 2005, 10:26 PM | [ 5 ] | ||||||
|
شكر لكل من رفع معنوياتي حقيقة وانشاالله نعتبرها بداية موفقةللجميع بالجهود والصبر الاخ الوافي مشكور الاخ السلطان انته بديت وانته تحمل وللامام الاخت المستحيلة شكرا معنى ملعون رسرس هي عكس كلمة سرسري ومن عادة العرب تغيير مواقع الاحرف اذا لم تؤثر على المعنى مثل صاعقة :صاقعة كعرة : عكرة (ذيل الضب) والسرسري هو مرادف للسمرمدي الوضح في المعاني |
||||||
10 Feb 2005, 11:19 PM | [ 6 ] | |||||||
عضوة متميزة
|
كلااااااااااااااااااااااااااامك مقنع ؟؟؟ تصدق عمري ما فكرت بهالاسلوب.... استمر....قصدي امترس.... عشان تصير ابلغ!!!!! |
|||||||
12 Feb 2005, 12:35 PM | [ 7 ] | ||||||||||||||||||||||||||||
مؤسس شبكة الشدادين
|
ما تتركين لكاعتك يالمستحيلة وش استمر وامترس الله يدعسك قصدي يسعدك :d :d |
||||||||||||||||||||||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
معاني الاسماء | اسرار | القسم العام | 6 | 13 May 2009 07:35 PM |
من أغاني الرعاة | انعام | مرافئ البوح | 6 | 01 Mar 2009 12:21 PM |
معاني جميلة | ][حمود][ | القسم العام | 11 | 01 Feb 2008 07:46 PM |
أغاني زمان أول | عبدالله الشدادي | التراث والآثار والسياحة | 24 | 25 May 2006 04:50 PM |
|