آخر 10 مشاركات |
مختارات | وطني لو شُغِلْتُ بالخلدِ عنه *** نازَعَتني إليه في الخُلدِ نفسي |
|
||||||||||||||||||
رثاء في الشيخ سعد بن عيّاد
يالله يامنشي صدوق الرعودي=يالواحد اللي للمخاليق غفّار
تفرج لمن قامت همومه تزودي=والناس مايدرون ويش الذي صار ياكبدي اللي كن فيها لهودي=وياقلبي اللي تقل يضرب بمسمار والعين عيت تهتني بالرقودي=وأمشي مع العربان وأدير الأفكار بعض الليالي جعلها ماتعودي=سود الليالي ماتعلم بالأقدار تشيّب اللي نايمٍ في المهودي=وتروع العربان شيبان وصغار لا والله إلا راح حيد الحيودي=سعد الرفيق ومكرم الضيف والجار الله يعوض بخير فبو سعودي=ونقول ياجعله لجنات الأبرار لكن عوضنا في عراب الجدودي=سعيد وإخوانه طويلين الأشبار رجّالهم بالطيب يرقى سنودي=ولا مات من يخّر له عيالٍ أحرار النار خلّوها توقّد وقودي=من يوم أبوكم مات لا تطفي النار تراه في الحلة كريمٍ صمودي=يفرح ليا قالوا لفى البيت خطّار لا هو بمتكبر ولا هو حسودي=عيد الركاب اللي من البعد ضمّار للضّيف يذبح كاسرات العمودي=في حلةٍ يلقى بها بن وبهار حلة وفا من عهد عاد وثمودي=يفرح بها من هو عليه الزمن جار والبيت مبني فوق ساس وعمودي=والله يعل الموت قصّاف الأعمار لو شرتنا ياموت قبل الوعودي=نبي ندور لك من الناس معذار ياموت يم ديارنا لا ترودي=أخذت خيرتنا وقللت الأبصار أسبوع دمعي فوق خدي يقودي=مثل السحاب اللي تقاود بالأمطار أصبر وأجامل والضمير معقودي=وأبكي على فرقا بعيدين الأنظار وإن ضاق بالي وقت راس النفودي=وأخذت لي مع ديرة البدو مشوار ياناس أنا صبري تعدى الحدودي=والصبر عرّضني لغارات وأخطار لكن بدعي في الصلاة وسجودي=وادعوا معي ياللي غيابٍ وحضّار يالله ياللي للعباد معبودي=تحط له في جنة الخلد مقدار
|
12 Oct 2006, 11:39 PM | [ 2 ] | |||||||
نائب المشرف العام
|
صح لسانك يابو عيد ورحم الله سعد ابن عياد رحمة واسعه في انتظار جديدك يابو عيد |
|||||||
|
||||||||
12 Oct 2006, 11:43 PM | [ 3 ] | ||||||||
مؤسس شبكة الشدادين
|
يالله يامنشي صدوق الرعودي=يالواحد اللي للمخاليق غفّار تفرج لمن قامت همومه تزودي=والناس مايدرون ويش الذي صار ياكبدي اللي كن فيها لهودي=وياقلبي اللي تقل يضرب بمسمار والعين عيت تهتني بالرقودي=وأمشي مع العربان وأدير الأفكار بعض الليالي جعلها ماتعودي=سود الليالي ماتعلم بالأقدار تشيّب اللي نايمٍ في المهودي=وتروع العربان شيبان وصغار لا والله إلا راح حيد الحيودي=سعد الرفيق ومكرم الضيف والجار الله يعوض بخير فبو سعودي=ونقول ياجعله لجنات الأبرار كلنا فقدنا أبو سعود وكلنا بكيناه يا أبو عيد الله يرحمه ويغفر له ويجمعنا به في مستقر رحمته أبو سعود فقيد بني الحارث كلهم عساه للجنة
لكن عوضنا في عراب الجدودي=سعيد وإخوانه طويلين الأشبار رجّالهم بالطيب يرقى سنودي=ولا مات من يخّر له عيالٍ أحرار النار خلّوها توقّد وقودي=من يوم أبوكم مات لا تطفي النار تراه في الحلة كريمٍ صمودي=يفرح ليا قالوا لفى البيت خطّار لا هو بمتكبر ولا هو حسودي=عيد الركاب اللي من البعد ضمّار للضّيف يذبح كاسرات العمودي=في حلةٍ يلقى بها بن وبهار حلة وفا من عهد عاد وثمودي=يفرح بها من هو عليه الزمن جار ونعم والله في أبو سعد وأخوانه ... هذولي رياجيل من روس رياجيل وإن شاء الله تبقى حلةٍ عامرة برجالها وعلومهم الطيبة .
والبيت مبني فوق ساس وعمودي=والله يعل الموت قصّاف الأعمار لو شرتنا ياموت قبل الوعودي=نبي ندور لك من الناس معذار ياموت يم ديارنا لا ترودي=أخذت خيرتنا وقللت الأبصار أسبوع دمعي فوق خدي يقودي=مثل السحاب اللي تقاود بالأمطار أصبر وأجامل والضمير معقودي=وأبكي على فرقا بعيدين الأنظار وإن ضاق بالي وقت راس النفودي=وأخذت لي مع ديرة البدو مشوار ياناس أنا صبري تعدى الحدودي=والصبر عرّضني لغارات وأخطار ما يجوز الجزع يا عمي الله يطول لنا في عمرك واحذر من بعض الكلام اللي قد يكتب عليك هذا هو حالنا كلنا وهذا مصيرنا ولن يبقى منا على الأرض أحد .... اللهم اختم لنا بالصالحات أعمالنا
لكن بدعي في الصلاة وسجودي=وادعوا معي ياللي غيابٍ وحضّار يالله ياللي للعباد معبودي=تحط له في جنة الخلد مقدار وكلنا ندعي لأبو سعود في كل صلاة الله ارحمه وأبدله داراً خيراً من داره وأهلاً خيراً من أهله ونور له قبره وثبته عند السؤال وعند البعث على الحق يا رب العالمين بيض الله وجهك يا أبو عيد وصح لسانك ففي مثل هؤلاء الرجال فلتكن مراثيكم وفي سيرتهم فلتكن قصائدكم الله يطول لنا في عمرك |
||||||||
|
|||||||||
12 Oct 2006, 11:43 PM | [ 4 ] | ||||||||
عضو متميز
|
صح لسانك يا ذيبان
رحم الله سعد بن عياد |
||||||||
|
|||||||||
13 Oct 2006, 10:47 PM | [ 5 ] | ||||||
|
عليه رحمة الله وصح لسانك يابو عيد على هذه المرثيه سعد بن عياد فقيده على بني الحارث كلهم الله يتغمده بواسع رحمته |
||||||
14 Oct 2006, 05:29 AM | [ 6 ] | ||||||||
عضو متميز
|
صح لسانك ياأبو عيد والله يرحم عمي سعد ويتغمده بواسع رحمته وبيض الله وجهك على هالقصيدة الجزله |
||||||||
14 Oct 2006, 09:24 PM | [ 7 ] | |||||||
شاعر
|
رحم الله سعد بن عياد رحمة واسعة وأسكنه فسيح الجنان وصح لسانك يابوعيد مرثيه رائعة
يامـوت يـم ديارنـا لا تـرودي = أخذت خيرتنـا وقللـت الأبصـار
|
|||||||
15 Oct 2006, 02:55 AM | [ 8 ] | ||||||
|
صح لسانك يابو عيد ورحم الله سعد ابن عياد رحمة واسعه |
||||||
|
|||||||
15 Oct 2006, 07:26 PM | [ 9 ] | ||||||
|
أولاً رحم الله والدنا الشيخ سعد بن عياد رحمةً واسعة وأن يدخله فسيح جناته ويوسع مدخله ويغسله بالماء والبرد وينقه من الذنوب والخطايا كما ينقى الثوب الأبيض من الدنس ثانياً صح لسان شاعرنا الكبير عبيد بن سلطان الشدادي على هذه الكلمات المعبرة والتي خرجت من قلب أخو المرحوم نعم كان أخاً له كما كان الكثير من الشدادين وغيرهم من القبائل إخوةً له رحمه الله وأشكرك إخواني وأخواتي أعضاء منتديات الشدادين على هذه الردود وأسأل الله العلي العظيم أن يجعلها آخر الأحزان لنا وللجميع |
||||||
التعديل الأخير تم بواسطة العياد ; 15 Oct 2006 الساعة 07:33 PM
|
|||||||
15 Oct 2006, 07:36 PM | [ 10 ] | ||||||
|
صح لسانك شاعرنا الكبير أبو عيد ورحم الله والدنا رحمةً واسعة وجعل مثواة جنان الخلد وصحبته الأخيار ونشكر كل من واسانا في فقيدنا الغالي وأشكر الجميع على هذه الردود وهذه المواساه |
||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
رثاء في الشيخ سعد بن عيّاد الشدادي | بنت البوادي | قصائد وأقوال وشيلات في الشدادين | 12 | 17 Aug 2010 08:52 PM |
في رثاء الشيخ فواز بن زيّاد ابن مهرس | ابن مهرس | قصائد وأقوال وشيلات في الشدادين | 10 | 17 Mar 2009 06:41 PM |
رثاء الشيخ زبن بن عباس ..!! رحمه الله | بدوي فاهم | قصائد وأقوال وشيلات في الشدادين | 37 | 10 Mar 2007 03:35 AM |
قصيدة رثاء في الشيخ سعد بن عياد | بدوي فاهم | قصائد وأقوال وشيلات في الشدادين | 20 | 05 Oct 2006 07:33 AM |
قصيدة رثاء في الشيخ جازي | ابن جربان | بحور القوافي | 17 | 30 Apr 2006 01:28 AM |
أدوات الموضوع | |
|