محاورة رباعيه بين شعار بيني حارث وعتيبه

اهديكم هذه المحاوره الررباعيه التي اقيمة
في منتديات غرابيل الادبيه
بين كلاً من الشعراء من الطرف الاول زعم الغنامي وسعود عبدالله
ومن الطرف الثاني فايز الشدادي وحسين الحارثي
بتاريخ 13/11/1426هـــــ وكانت ليله روعه




الشاعر زعم الغنامـي :

مثل الخيال اللي تغشّا السوده= سـلام رديـه علـى العرافـي
دوّا على راس الجبل رعاده= امن الخيال اللي تغشّـا السـوده

الشاعر سعود عبد الله :

نبي نحل العقده المعقوده =نوفي على سلـم الرجـال ونافـي
قالوا ترى سد الشفا نقاده= ياللـي عقـدت العقـده المعقـوده

الشاعر فايز الشـدادي :

مثل البخور اللي تطابخ عوده= يامرحبا ياللي بدعـت القافـي
اهلا هلا يامرحبا وزياده= مثل البخـور اللـي تطابـخ عـوده

الشاعر حسين الحارثي :

ياسعود قود العلم بالله قوده=.وابشر بمنهو يطـرح الاهدافـي
كلٍ وعينه واصبعه وازناده=.ياسعود قـود العلـم بالله قـوده

الشاعر زعم الغنامـي :

عداد ماهـب النسيـم ونـوده= دام البقـى يامعمّـر القذافـي
ياقايدٍ منته بضمن القاده= هجرس ليـا هـب النسيـم ونـوده

الشاعر سعـود عبـدالله

العلم بيّن مصدره وشهوده= والا انت سالم ماعليـك خلافـي
شعيل يرغي باركن بشداده= والعلم بيـن مصـدره وشهـوده

الشاعر فايـز الشـدادي

عن جيش صدام وفعول جنوده= هات الخبر يامحمد الصحافـي
هرجه كثير وليت هرجه فاده= عن جيش صدام وفعول جنـوده

الشاعر حسين الحارثي :

خفف حموله ثم فك اقيوده=.يمكن قعود وله حمـول اخفافـي
وان كان عجز يشيلها وش عاده=. زود حموله ثم رد قيـوده

الشاعر زعم الغنامـي :

غطى على عج الرمك باروده=.مهيب شرهة لحيـة الحوافـي
علم بها حظرة حسين وناده= غطى على عج الرمـك بـاروده

الشاعر سعود عبد الله :

شعيل لو نابه يعض بدوده= يسقيه من عـد الـروى الغرافـي
والله ضمن له فالبسيطه زاده= حتيش لو عض البعيـر بـدوده

الشاعر فايز الشـدادي :

سقنا البعير وحملته مشدوده= مع جرهد فيه الهـلاك يشافـي
بندرَجه حتى يطيح قراده= سقنـا البعيـر وحملتـه مشـدوده

الشاعر حسين الحارثي :

ماهي على لحم البَعض محدوده=+سنونه اللي كنها الاسيافـي
لكن تراها عندكم معتاده=+.لو كان ماهي للبعـض محـدوده

الشاعر زعم الغنامـي :

الطيب اللي مايبيح سدوده =ياللي زرعتوا شجرة الصفصافـي
النوم عن بعض الكلام عباده= والطيب اللي مايبيـح سـدوده

الشاعر سعود عبد الله :

سداح يوم انه بذل مجهوده= حطوه في وقـت الهـدد علّافـي
يا شين حظ اللي يشيل مهاده= وش عاد لو انه بذل مجهـوده

الشاعر فايز الشـدادي :

الطيب اللي مع سلوم جدوده= ياللي خذيتوا خيمة المصطافـي
ارقد ونومك خابرينه عاده =الطيب اللي مـع سلـوم جـدوده

الشاعر حسين الحارثي :

سداح حر وهيبته موجوده=+حول على صيـده وكـلٍ شافـي
واليا بغيت الصدق صيده باده=+سداح حـر وهيبتـه موجـوده

الشاعر زعم الغنامـي :

للسيل ياضلع الهدا وقروده =ياللي ربوعك مايجيهـا السافـي
فايز نعرفه ماجهلنا امجاده= للسيـل ياضلـع الهـدا وقـروده

الشاعر سعود عبد الله :

العقد يوم انك قريت بنوده= قدمت في سـد السمـان عجافـي
ياللي تسوا الكيف حط قناده= والعقد دقق فـي جميـع بنـوده

الشاعر فايز الشـدادي :

فايز تعرفه ما وصلت حدوده= وان جاء اللقاء عرضته الاكتافي
تاصلك قبل انك تجيه جياده =فايز تعرفه مـا وصلـت حـدوده

الشاعر حسين الحارثي :

منهو ينوع ياسعـود انقوده=+لابـد مايغلـط بهـا الصرافـي
انشد رجالٍ للذهـب عداده=+محـدٍ ينـوع ياسعـود انقـوده

منقوله

مشكووور اخوي ابو نايف

فعلا محاورة رائعه

سلمت يمينك على النقل

لاعدمناكـ ^_^

صح لسان الشعراء كلهم

وبارك الله في شعراء بالحارث ماقصرووو

محاورة من الوزن الثقيل يا أبونايف

وفيها تتجلى عملقة الشعراء الكبار

لا هنت يا أبو نايف ومشكور على النقل

صحت ألسنت الشعار ولا هانوا
ومشكور يا أبو نايف على النقل
وبيض الله وجهك يالغالي

ابو نايف الله لا يهينك على نقل المحاوره وصح لسان الشعراء ,,,,

مشكورين اخواني على مروركم

وتواصلكم