عز القبيلة ما ندور بداله

السلام عليكم ورحمه الله وبركاته
اسعد الله اوقاتكم بكل خير
اطرح بين ايديكم هذه القصيده واتمنى ان تنال اعجابكم

سر ياقلم واكتب حروف الرساله=ارسالةٍ يحتار من هو قراها
ارسالتن فيها كلام وجزاله=وفيها علوم خافيات وراها
ارساله ياهل الوفاء والجماله=بتشيب اللي ياجماعه يراها
ماكل تاجر ياعرب كثر ماله=يطب سوق الغاليه واشتراها
ولاكل واحد مات دجو عياله=ولا كل جثه تندفن في ثراها
ولاكل من يمشي ويشعب جماله=يسوقها يم الحيا ويحداها
ولاكل برقٍ لاح داخل خياله=تنزل مزونه والسحاب يغشاها
ولاكل قصرٍ دايجن في ظلاله=لاجوله الخطار يكرم لحاها
دنيا الشقا مثل الرشا والمحاله=الله يكافينا الليال وغثاها
تدور فوق اهل الوفا والشكاله=دوراتها صعبه ومصعب شقاها
فيها الحسد والحقد ضد العداله=وفيها الظليمه والنكد في سراها
والرجل فيها صار يكثر جداله=يمشي ورى العالم ويكشف خفاها
والناس فيها صار فيهم جهاله=والنفس تالي الوقت مكثر عداها
حتى القرايب صار فيهم نذاله=وعلومهم ماعاد نلحق مداها
دنيا عناها حل واظهر هلاله=يالعن ابو دنيا كثير بلاها
كم واحدٍ جوه بوقته صفاله=وكم واحدٍ روحه تزود شقاها
وكم واحدٍ لامن واحد عناله=ضاعت علوم كان يرفع نداها
درب الوفاء يفرق دروب الخباله=واللي يبا دروب المراجل لقاها
ترى البحر موجه لطم حد جاله=ومن ينطح الامواج راح في يداها
ماعاد باقي غير ناس حثاله=ماعاد نعرف طيبها من رداها
لكن ياهل الطيب في كل حاله=كبوا علومٍ فقركم من وراها
وصبوا من البراد وسط البياله=دام الليال السود دارت رحاها
ثم اتركوا كثر الحكي والهباله=وتدرقوا عن بردها في ذراها
يقولها شخصٍ تعب في لياله=وجته الظليمه في الفعول وجزاها
لكن باقي بيت راعيه قاله=من شاعرٍ كل العلوم احتماها
عز القبيله ماندور بداله=ولاودنا في الوقت نشقر عصاها

ماشاء الله تبارك الله أخي الغربي
قصيدة جزلة .. ورائعة .. وإبداع ليس بغريب على قلمك المتمكن من نظم الكلمات ..
صح لسانك .. ودام قلمك ينبض بالإبداع ..

حضور مميز وكلمات في غاية الجمال افتقدناها منذُ زمن

وها نحن نعانقها مرةً أخرى

صح لسانك وسلمت يداك على ما قدمت ولك الشكر والتقدير ونتظر الجديد

عـز القبيلـه مانـدور بـدالـه=ولاودنا في الوقت نشقر عصاها

هذا بيت القصيد .. وهذا المامول من الرجال اللي شرواك
صح لسانك مدد ..قصيدة متميزه و .. تشيب راس من قراها

حتى القرايب صار فيهـم نذالـه
وعلومهم ماعاد نلحـق مداهـا

الله يعين يا الغربي


عـز القبيلـه مانـدور بـدالـه
ولاودنا في الوقت نشقر عصاها

الأهم الفعل يا شاعرنا

الأقوال كثيرة ويا كثر اللي يقولون

وهم في الحقيقة يشقرون ويقسمون

لكن في النهاية خذلهم الله

ولا يصح إلا الصحيح.

صح لسانك ولا هنت

صح إلسانك يالغربي ولا هنت وتقبل مروري

الغربي
صح لسانك وبيض الله وجهك
قصيدة جميلة جمل الله حالك والله يعطيك العافية يابوعبيد
وتقبل تحياتي

الغربي / صح لسانك مدد
تقبل مروري

القبيلة ما تقوم الا برجالها المخلصين

والوافين اللي يهمهم رفع اسمها

صح لسانك على هالابداع

		المشاركة الأصلية بواسطة : شجــــــــــون اقتباس
	ماشاء الله تبارك الله أخي الغربي قصيدة جزلة .. ورائعة .. وإبداع ليس بغريب على قلمك المتمكن من نظم الكلمات .. صح لسانك .. ودام قلمك ينبض بالإبداع ..

شــجــون صحت ابدانك

ومشكوره على مرورك وتواجدك المميز

في صفحاتي

دمتي ودام لنا مرورك يالغلا

تحياتي الغربي