آخر 10 مشاركات |
مختارات | حديث شريف: اعملوا فكلٍ مُيسر لما خُلِقَ له |
|
|||||||||||||||||
قصيدة مرسله من الشاعر عواض غراب إلى الشاعر صالح بن مستور
السلام عليكم ورحمة الله أعضاء منتدى الشدادين وزوارهـ ... اتحفكم بهذه القصيده التي أورسلت إلي من الشاعر عواض بن غراب وردي عليها . كما استسمحكم على الإطالة التي حصلت بسبب ظروف العمل واشكر كل من سئل عني في هذا المنتدى الغالي .
بسماك ياللي بمرك الطاير يطير = ياخالقن كونك بعدل وتوازي ياهم أبا دمرك ب الله تدمير = وتعلن عجازك قبل معلن عجازي ويا هاجسي لاتبذني ب التفاكير = وانا بنجد ومنشغل في الحجازي يهل الركاب الضمرات المشاهير = شفت الثعل في مسكن الذيب وازي يريس له جملة طيور وعصافير = متريس ويصدر عليها الاعازي لديت له واقول يالله عسى خير = لاعاد هجرك ياخبيث الطرازي والذيب ماله ياماعير تقدير = تلقاه فقرب زاويه عكس لازي شين يحير عبقري التفاسير = وان شد مسمار الموازين بازي وسود الليالي واردات ومصادير = ولاينفع الرجال كثر الملازي ياصالح بن خنيفس الذيب بالبير = والبير مخلوط قراحه بقازي إليا دبرت دنياك مافيه تدبير = وإليا اقبلتلك غرزتك الغرازي أرزم رزيم إلي ثنوه المداوير = همي وهاجوسي عليه ينازي كني بين عمي على صالي الكير = من زود همي صار في أهتزازي ملعون بوش وصاحبه توني بلير = هزو ضمير قبلهم مايهازي تقول في صدري ضريس ومناشير = وعلي همي موشك بلمفازي لوما تعلا ضلعن يشادي النير = لاقول مما في هذا الكون جازي أنته وأنا من متعبين المظاهير = أهل الشيم وأهل النفوس العزازي والعذر مني يالوجيه المناعير = لن صارفي قافي خلل وهتزازي وصلاتي ربي عد طبع الأصاطير = على النبي ماخط فوق الجوازي اهلا هلا يامسطر القاف تسطير = تسطير بيطارن على التاج حازي راع الدلال الفارعات المباهير = اللي تكيف مبعدين المغازي عواض مايحتاج للوضع تصوير = الوضع ياعواض شبه إنحيازي عواض عانق لسحاب المزابير = ومثلك يابومشهور ماقط كازي الهم قبلك ماثنى سالم الزير = وصم الصخر ياعزوتي مايرازي وان كان شفت إمن الليالي تغايير = الصقر يبقى صقر والباز بازي وان شفت جهد الكهربه عشره امبير = زدها يابومشهور تسعين فازي ثم شف وش اللي داخل المجلس إيصير = كل يقول عثى في جهازي وان شفت لك واحد على الغافل إمغير = قله جهنم ضد كل امتهازي ناحر لياشفت الليالي مناحير = وخذ من إفقار النحوره مجازي والجمه اللي صافيه للمداوير = تسقي فهد وفهيد وتغيث غازي ياعنك ماتنضب مدام اني إبخير = اجزم مايرزاها ياعواض رازي عدن يغيث إمن البريه طوابير = صافي مهو مشروع بير ارتوازي ومثلك مااحسب للخبول المعاثير = لحيينهم منايجيها لزازي وإن شفت لي واحد يبا يعكس السير = انا تراني محور الإرتكازي مازعزعت قلبي هبوب المعاصير = ولاحسبت رجلي حساب القزازي اشاور الطيب واحاوره واشير = وتصبح على خيار العلوم إعتنازي وابعد عن اللي نيته للعرب غير = في ثوبه الابيض يبين المحازي بعد لفى خط السنافي مع الطير = انا لقاف اهل المواجيب حازي اسخر الهم صادق القاف تسخير = وحدا برجلي عن مكان الهمازي افرش لهم نبت النفل والنواوير = واعلن على إصعاب الامور إجتيازي واللي على ربعه يشيل المهاصير = ياجعل في مثله نسوق التعازي وصلوعلى من طهر البيت تطهير = شفيعنا يوم الحشر والتنازي
التعديل الأخير تم بواسطة حاتم الشدادي ; 13 Aug 2008 الساعة 06:14 AM
|
13 Aug 2008, 01:34 AM | [ 2 ] | |||||||
عضو متألق
|
السلام عليكم ورحمة الله وبركاته
صح لسانك يا أبو حاتم على الرد المثالي وصح لسان أبو مشهور على البدع الثمين ومشكورين على هذا المستوى العالي المتعة الأدبية في القصيدتين الطريتين اسلم وسلم لي على عواض عافاكم الله ماشاء الله تبارك الله وصلى الله وسلم على عبده ورسوله محمد |
|||||||
13 Aug 2008, 03:04 PM | [ 3 ] | ||||||||
شاعر
|
الله الله صح لسانك اخوي صالح وصح لسان بن غراب ابدعتم في البدع والرد بيض الله وجيهكم يالنشاما لاعدمناكم ولاعدمنا تواجدكم الجميل وتقبل تحياتي |
||||||||
|
|||||||||
14 Aug 2008, 12:12 AM | [ 4 ] | |||||||
|
"شفت الثعل في مسكن الذيب وازي" الثعل وش موزيه في مسبعة الذياب ؟؟ "والذيـب مالـه ياماعيـر تقديـر تلقاه فقرب زاويـه عكـس لازي" هذا ماهو ذيب .. الذيب له مبادي ومراقي .. الا اذا كان ذيب خط 110 !! أو يمكن من سويهرات الليل رخيصات الثمن ويحسب نفسه ذيب .. "الصقر يبقـى صقـر والبـاز بـازي" هذه بيت القصيد يأبن خنيفس .. صح لسانك مدد .. مدد .. مدد |
|||||||
التعديل الأخير تم بواسطة سعود سليمان الحارثي ; 14 Aug 2008 الساعة 02:06 PM
|
||||||||
22 Aug 2008, 04:04 AM | [ 5 ] | |||||||
عضو جديد
|
ههههههههه صالح صح لسانك يابو حاتم وانا اقول ماشاء الله عليك لكان ابن غراب شعره كانه قام يتحسن بيوته ثمينه وغاليه خاصه قافه الاخير اذا انه بيطلع مثل النابغه بعد الاربعين طلع شاعر |
|||||||
التعديل الأخير تم بواسطة ابو نايف2000 ; 22 Aug 2008 الساعة 04:08 AM
|
||||||||
24 Aug 2008, 10:13 PM | [ 6 ] | ||||||||
مؤسس شبكة الشدادين
|
الله يا أبو حاتم جبت السمن والسمين وجبت القمر والثريا ابن غراب شاعر كبير وكم تمنيت إنه يشارك معنا في المنتدى وأنت أيضاً شهادتي فيك مجروحة رغم إن غيابك زاد ونشاطك قلَ لكن نفترض لك العذر دائماً صح لسانك وصح لسان ابن غراب وبيض الله وجيهكم |
||||||||
|
|||||||||
06 Oct 2008, 10:23 PM | [ 7 ] | |||||||
شاعر
|
الاخوةالاعزاء/ صحت ابدانكم واتمنى ان نقدم مايرضيكم |
|||||||
06 Oct 2008, 11:36 PM | [ 8 ] | ||||||||||||||||||||||||||||
مراقب عام
|
شعراء جميعكم يستحق الإشادة وشعركم جزل وأنتم اجزل والله يوفقكم للأمام. |
||||||||||||||||||||||||||||
|
|||||||||||||||||||||||||||||
07 Oct 2008, 05:09 AM | [ 9 ] | |||||||
|
صح لسانك وصح لسان ابن غراب وبيض الله وجيهكم |
|||||||
|
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصيده للشاعر الكبير / عواض الحارثي موجهة الى الشاعر المتألق خالد فراخ | ابن جربان | قصائد مختارة | 10 | 30 Apr 2009 11:03 PM |
قصيده قالها الشاعر بسيس ابن حديد رد على قصيدة الشاعر صالح ابن عايض الحارثي | مجموعة انسان | قصائد مختارة | 4 | 19 Apr 2009 10:41 AM |
قصيدة في مدح / الشيخ صالح بن هلال بن عواض الشدادي | ابن جربان | قصائد وأقوال وشيلات في الشدادين | 26 | 12 Mar 2007 08:31 PM |
رد على قصيدة الشاعر/ صالح بن هميجان | ابن جربان | بحور القوافي | 15 | 13 Oct 2006 05:04 AM |
اخوكم الشاعر / صالح | صالح بن هميجان | عرّف بنفسك لو سمحت | 15 | 07 Oct 2006 01:56 PM |
أدوات الموضوع | |
|