قصيدة مني إلى الشاعر سعيد بن مقبل الأكلبي البيشي

هذه قصيدة موجهة للشاعر سعيد الأكلبي :

يامن يوصل لي رسايل جمه =رسايلن تنصى سعيد البيشي
قل له ترى .....تزايد همه =مثل الهداد اللي بليا ريشي
تكفى يبو مقبل كبير العمه =حتى ايش لو اشكي لكم حتى ايشي
أشوف في وقتي سواة الغمه=وقتن عوج ومقفلن بالشيشي
هذا شباب الدندنه والشمه =ولا باقي الا المكحلة والميشي
لا ياشباب العرب وين الهمه =وين الشباب اللي يقود الجيشي
بعض الرجال الله مبرد دمه =ماهمه الا كيف ياكل عيشي
بطنه وسيعن مثل واد الرمه=تقول حاشي كرشته بالخيشي
وبعض الرجال اليا جلس ف اللمه=كوّش تقول انه وليد الكيشي
وبعض الرجال اليا نظر في عمه =لا شاف عمه طنشه تطنيشي
واليا لقى واحد بعيدن خمه =لو كان ما يسوى يقول ايعيشي
وادخل على الله من كثير النّمه =يسير بين الناس بالتحريشي
وصلوا على المختار خير الامه =واقبل سلامي ياسعيد البيشي

انتظروا رد الشاعر سعيد بن مقبل قريباً

صح لسانك لاهنت

قصيدة جميلة بارك الله فيك

تكفى يبـو مقبـل كبيـر العمـه
حتى ايش لو اشكي لكم حتى ايشي
أشوف في وقتـي سـواة الغمـه
وقتن عـوج ومقفلـن بالشيشـي

صح لسانك يالذيابي
قصيدة جزلة من راس جزل الىشاعر جزل
تحياتي لك ولا تنسى الرد اذا وصلك

صح لسانك

ولا هنت وبيض الله وجهك

صح لسانك وبيض الله

وجهك اخوي ولاهنت

صح لسانك .. يالذيابي

احقيقة قصيدة في قمة الروعة والجزالة.

وموجهه لشاعر رائع سبق لي الاطلاع على قصائده عن كثب

وأتوقع منه رد في نفس المستوى ..

ودي وأحترامي

صح لسانك
وبيض الله وجهك يا الذيب
الله يعطيك العافيه
تحياتي

الذيـآبـي صح لسآنك ولا هنت على القصيدـه


كل الوود

بيض الله وجهك أخوي الذيابي ولا هنت يا شاعرنا

وقصيدتك إن شاء الله إنها وصلت

وفي حال وصولها والرد عليها

ننتظر مشاركتنا به هنا

والله يوفقك ويرعاك

الإخوة الأعزاء أشكركم جزيل الشكر على مروركم وحسن إطرائكم وأعتذر عن تأخري في الرد

عليكم ,وإلى الأمام يا أبطال المنتدى .