يامعالي..طيف حبي....

احتفل قـلبي بطيف اللي تمادى في بعاده

جعل عـام راح دونـه . . راح والله لايــرده


ابـتـدا حفل الجروح بكلمة اصحاب السعاده

ذكرياته . . والعروق ونبض قلبي مستعده


يامعالي طيف حبي . . والقصيد اله الرياده

في حظورك .. ياجنابك .. نبسط الشعر ونمده


ساقـه اللي في ظـلوعه جمرة تحت الرماده

فيك والك ومنك شعره . . كل شعره يستمده


من حشا الوجدان حرفه . . كائنن يـولد ولاده

ثـم يـربـا بين خـده . . والليالي . . والمـخـده


ليه لاااء . . وذكرياتـه تـحت ديـباج الوساده

وأم شعره بالرضاعه . . ترضعه عشق وتهده


وانت ياطيف الحبيب . . اسقـيتـني سكر زياده

ولو سقـيت الوجد شهدك . . عالم الله مايسده


مايسده كود منهو . . عبرة الله في عباده

واحـدن بـيـديـه حبل القلب . . يرخيه ويـشده


حال حـوله . . ليت منهو زان حالـه واستـعاده

ولا يحـول البعـد دونـه . . ثم يـنـحيه ويحده


لـكن الله ماقـضى به . . مال خلق الله إراده

كل شي فـي مشيـئـة عالـم الخـافـي مرده


بـس اهلا . . مرحبا (بالطيف) واصحاب السعاده

ذكرياتن . . تـبـنـي الـحـلـم الـقـديم ولا تـهـده

صح لسانك ياسهم القصيد

بس ماقلتنا القصيده لك

ولا ناقلها

القصيدة منقولة يابو زايد الله يخلي لي ذالخشيم...

وياليتها لي والله...

مشكوور يابوزياد

على مشاركتك الجميلة

بالفعل القصيدة رائعه

وياليت اي احد من الاخوان

يعرف قايلها يعلمنا بااسمه

شكرا لمرورك الطيب يالوافي
ويعطيك العافيه.
والقصيدة منقولة من احد المنتديات ولم يذكر صاحبها..

سهم القصيد

صح لسانك ولا هنت على هذا النقل الرائع

وتقبـــــــــــــــــــــــــــــــــــــــــــل
تحيـــــــــــــــــــــــــــــــــــــــــاتي
العبيـــــــــــــــــــــــــــــــــــــــــدي


$$$$$$

شكرا اخوي ضاوي على مرورك

صح لسان الشاعر
ومشكور ياسهم القصيد

على الاختيار الموفق لاهنت

مشكور اخوي عبد الله على مرورك..

صح لسان الشاعرومشكور ياسهم القصيد0 تحياتي