الرجال افعال والكايد متاح

الاخوه اعضاء وزوار هذا الصرح قصيدة تشرفت بالقائها في حفل تكريم رجل الكفاح
الدكتور/مشعل بن قباس الشواحطي الحارثي بمناسبه حصوله على درجه الدكتوراه
نتمنى ان تنال اعجابكم

القصايد برقها من عصر لاح=والمدايح في ضميري ملهمه
البيوت تسوقها هوج الرياح=صوتها بالجهر ما هو تمتمه
في محل الطيبين الطيب فاح=ماضياً حافل وحاضر ترجمه
بارك الله في مسانا والصباح=وبارك الله في الوجيه المسلمه
الحياه دروس واسباب النجاح=قوة الهمة ودرباً نرسمه
الرجال افعال والكايد متاح=ولايجيبه من تراخى محزمه
ما يجيبه غير من يحمل سلاح=كل غارات الدهر ما تهزمه
مثل مشعل في الليالي ما استراح=اتعب القرطاس حبره وقلمه
عن طريقه كل عايق عنه زاح=اشهد انه يستحق المكرمه
حث ساقه في المجي وفي المراح=الصبر والعزم للمخلص سمه
اللتبس بالمعرفه تاج وشاح=مع وسام العلم خير الاؤسمه
للعلا مشعل وللمجد استباح=طيب السيرة عساني ما اعدمه
سجل اسمه في منصات الكفاح=بالحروف الظاهره والمدغمه
سعد العضياني=

صح السانك ياسعد ونعم بالمادح والممدوح يابعدي
ومرحبابك من جديد
وفي انتظار جديدك
تحياتي لك

يا هلا والله وألف مرحبا
بشاعرنا الغالي أبو نواف
والله يحييك بعد كل هذا الغياب
ولو إننا عاتبين عليك
لكن عتاب أخوة ومحبة

بيض الله وجهك ولا هنت
ويستاهل الدكتور مشعل قبّاس
كل خير

و المدغمه

صح لسانك,,والله انك كفوووو

واااااصل بابداع قلمك


يسعدلي قلبك وايامك دمت بود

بيض الله وجهك

كفيت ووفيت

جزلة من راس جزل

يستاهل الدكتور كل هذا المديح

موفق والى الامام

قصيدة وافيه يا سعد

وصح لسانك ويسلم راسك

ومبروك للأخ مشعل بن قباس الشواحطي حصوله على الدكتوراه

		المشاركة الأصلية بواسطة : سعد العضياني اقتباس
	الاخوه اعضاء وزوار هذا الصرح قصيدة تشرفت بالقائها في حفل تكريم رجل الكفاح الدكتور/مشعل بن قباس الشواحطي الحارثي بمناسبه حصوله على درجه الدكتوراه نتمنى ان تنال اعجابكم القصايد برقها من عصر لاح=والمدايح في ضميري ملهمه البيوت تسوقها هوج الرياح=صوتها بالجهر ما هو تمتمه في محل الطيبين الطيب فاح=ماضياً حافل وحاضر ترجمه بارك الله في مسانا والصباح=وبارك الله في الوجيه المسلمه الحياه دروس واسباب النجاح=قوة الهمة ودرباً نرسمه الرجال افعال والكايد متاح=ولايجيبه من تراخى محزمه ما يجيبه غير من يحمل سلاح=كل غارات الدهر ما تهزمه مثل مشعل في الليالي ما استراح=اتعب القرطاس حبره وقلمه عن طريقه كل عايق عنه زاح=اشهد انه يستحق المكرمه حث ساقه في المجي وفي المراح=الصبر والعزم للمخلص سمه اللتبس بالمعرفه تاج وشاح=مع وسام العلم خير الاؤسمه للعلا مشعل وللمجد استباح=طيب السيرة عساني ما اعدمه سجل اسمه في منصات الكفاح=بالحروف الظاهره والمدغمه سعد العضياني=

صح لسانك ياسعد

مبدع مبدع

انا والله ماحضرت حفل مشعل

وسألت عن الحفل
وقالوا فيه قصايد كثيره جميله
وقالوا جا شاعر عضياني بقصيده تجمله وتبيض وجهه

ولادريت انه انت

وفعلا والله ياسعد انهم صدقوا

تجملت وابيض وجه

وانا والله توي تذكرت القصيده لأني ماشفت الحفل حتى فالتلفزيون

ونسيت اصلا وتذكرت الان

وحتى قصيدتك هنا والله توي اشوفها

مع حرصي على قراءة اي قصيده لك

وانت شاعر جميل وتستحق كل متابعه

تحياتي ياسعد وصح لسانك مره ثانيه

اخوي/سعد العضياني
صح لسانك وسلم بنانك ياشاعر المنتدى
قصيده راقيه بكل المقاييس
لاهنت ولاهان غاليك يالنشمي
تقبل مروري وخالص تحياتي

الرجال افعال والكايد متاح
ولايجيبه من تراخي محزمه
وانا اشهد ياشاعر المنتدي ويستاهل ابن قباس وعسا الطيب من ربعنا والله يوفقه وينفعبه المسلمين وصح لسانك يامبدع مليارات والله يعطيك الف عافيه
تقبل تحياتي,,,