شان زينك

ابيات من الارشيف اتمنى لها القبول ,,

ياللي تقول الناس لناس وينك=ماقلت كذابٍ ولا قلت صداق
انته تحكم الحال مدام عينك=تنظر سطورٍ سطرت بين الاوراق
لاكنت في نعمه يقل جاهلينك=والكل عزك واسكنك وسط الاعماق
والناس تكثر والعرب طايعينك=واسمك يوصل من محبه للافاق
ولا جيت من سفره كثر محترينك=هذا قريب و ذا بعيدٍ ومشتاق
ويمناك تشكي ويل والله يمينك=من كثر ماترفع تساليم وعناق
حتى العداوه عرقها من يقينك=مقطوع من شوفٍ مثل نور الاشراق
والكل يكتب فاالورق مادحينك=لو صوت لشكوى شكت لك هاالوراق
ولا شان حالك واغدرت بك سنينك=الكل يعطي ماحسب درب الافراق
ولحدٍ تعدى قمت تصفق يدينك=محدٍ يطالع روسها صوب الافاق
وياللي تقول الناس لناس وينك=مالك بعد هذا ليا خاطرك ضاق
الجيب لا منه خلى شان زينك=من شوف ماودك ولا هو بينطاق

وسلامة الغالين

ابداع والهام لا يوصف يا أبو سلطان
شاعر مميز وما بك حيلة
لا هنت وصح لسانك

ارحب
ارحب

يا شاعرنا الجميل العذب
أبو سلطان
والله يبيض وجهك
على هذه القصيدة الرائعة
وتسلم يمينك

ونعم ستين ونعم
وتسلم وصح لسانك على جزال الكلام
وطيب المعاني ولا هنت يا أبو سلطان

صح لسانك

ولا هنت أخوي

على القصيدة الجزلة

		المشاركة الأصلية بواسطة : عذب المعاني اقتباس
	ابداع والهام لا يوصف يا أبو سلطان شاعر مميز وما بك حيلة لا هنت وصح لسانك

مرحبا بك اخوي عذب المعاني اسم على مسمى والابداع كله عندك ياالامير وصح بدنك ولاهنت على مرورك المميز ياالامير

هلا والله ابو عبد الله

الله يبقيك ويرحم والديك ومن قال سالم وصح بدنك ولاهنت على مرورك الجميل يالامير

ذكرى زمان


ماعليك زود ياالامير ومرحبا بك مليون وصح بدنك ولاهنت على مرورك المميز والله يسلمك من كل شر

بنت النشامى


صح بدنكي ولاهنتي على المرور الجميل