الموت

الملف الشخصي للكاتب · توقيع : أحمد سليمان الحربي

الناس ماعاد هي للناس محتاجه=بس الإكيد الزمن ماهو لنا صافي
يوم ٍ عبوس ٍ ويو م ٍ طافي سراجه=ويوم ٍ ونيس ٍ ويوم ٍ مابه إل حافي
ويوم ٍ لك الله على ماقيل بتواجه=بتواجه الموت بس الموت مايشافي
بلغ صغير العقل عن فلة إحجاجة=ثم قله الناس لا تغتابها كافي
احسب حسابك قبل موتك ومنهاجه=على جميع العرب في ذمتي لافي
وصوت على أهل الحسد والكذب وسياجه=عندي لهم بيت واحد والستر ضافي
النار من عصر نوح ٍ ترتجي حاجه=سبحان منهو جعل شمس الضحى تافي
شمس الضحى من نسيم النار وإخراجه=حكمه من الله لعل الناس تشتافي
وترا البنادم عن النيران مخراجه=خمسة فروض ٍ على المسلم على الوافي
وياناس قصة نبي الله ومعراجه=ماحد جهلها ولاحدن ماشي ٍ حافي
وليا رجعنا عصر فرعون وزعاجه=نستنطق الكبر لله والله الشافي
فرعون شوفه فابو سمبل وذا إنتاجه=إمحانط ٍ للعرب عبره ومجدافي
ومن قبل لاختم باقول القلب وعلاجه=دعوه من اللي لها فالقلب ميلافي
أمي فداها العمر ورجولها تاجه=وابقى لك الله تحت رجلينها غافي
هاذي بيوت ٍ من الحربي وذا إسراجه=وأخر قصيده ولا لي بعدها قافي

مـجـمـوع الأوسـمـة · توقيع : محمد المريري

صح لسانك يالحربي

وجمل الله حالك

موعظة وتذكير بما غفل عنه الكثير

الله يجزاك خير ويجعلها في موازين حسناتك

واتمنى الشطر الأخير ما يكون صحيح

دمت بخير