الرزق مهما كان فالأرض مقسوم

الرزق مهما كان في الارض مقسوم =في يديننا من فضل ربي وداعه
اعمل عملك الي به تكون ملزوم=قم بتكاليفه وقم بصطناعه
والي يجيبه ربنا مالنا لوم=الوم في فعل والخطأ واتباعه
انا غلطت وغلطتي نلتها يوم=وقامت نتايجها تزيد اتساعه
ماني بمتذمر ولاني بهموم =لأَنِّي عملت بلغطتي الف ساعه
شاركت نفسي توبتة جعلها دوم=وطلبت ربي بعدها بالشفاعه
والله هو المعطي ليا صرت محروم=لاكنً يبغى منك صبر وقناعه
ماني بطامع غير جنته دوم=هي طمعتي ان كان عندي طماعه
لأَنِّي بلا ظالم ولاني بظلوم=أشفق على نفسي ونفسي شجاعه
ملامحي فيها من الهجرة وسوم =ولإعاد فيها للخطا استطاعه
بمشي على رجلي وأطيح وأقوم =وببحر على القارب واطوي اشراعه
بشوف كيف الوقت يبغاني اعوم=وبعلمه باني كثير المناعه
والي يحسب أني من الوقت مهزوم=ويقول وين الناس وش ذَا القطاعه
قله ترا عايض من الوقت مزحوم =لاهوب فاضيله ولا اجتماعه
ماني بقاطع رحم ولا جاهل اسلوم=لاكننا نعرف علوم الجماعه
والي يحسب الستر في لبسة اهدوم=ويحسب بساط الفقر عنده مجاعه
قله سكوت الرجل أحلى من النوم=ولا يكون أهو السبب في الاشاعه
وقله لسان الرجل في الرجل مقطوم=هو ستره الظافي من أهل الكاعه
متمسكن عن مثل شرواه بالصوم =عن هرجة ماهي تطيب استماعه
هي كلمة وحدة أبد مالها توم=ييتيمة مقطوعة من الرضاعه
اليا ملكنا ودنا نملك القوم =أفضل من الدينار وسط البضاعه

هلابك ابن نايش وصح لسانك ملايين والله يسعدك لجديدك وصباحك فل

هلا بك يا شاعرنا العزيز
أبو نايش
والله يحييك ويبارك فيك
ما قصرت يا بعدي وصح لسانك اليوم ودوم

صح لسانك يابن نايش قصيده جزله من شاعر جزل بارك الله فيك

عايض
صح لسانك على إبداعك الشعري
وفقك الله

يعطيك العافيه
سلمت يمينك ولاعدمنا جديدك المميز
ودي وتقديري لسموك

صح لسانك
ولا هنت أخوي
كل الشكر والتقدير

الله الله رووعه وابداع وتمكن لاعدمتك
صح السانك شاعرناعايض مبدع مبدع

صح للسانك ولاهنت ياابو نايش مبدع