تسللوا لحدودنا تالي الليل

السلام عليكم ورحمة الله وبركاته
اولا اعتذر عن انقطاعي عن المنتدى لاسباب خارجه عن ارادتي
ثانيآ عطوني فرصه ان شاء الله اعود للمنتدى بكل حيويه ونشاط
ثالثآ هاذه القصيده قالها شبل من اشبال ذوي حديد وهو الشاعر فواز ابن سفر ابن بسيس الشدادي في حفل البطل محمد ابن نافل الشدادي بمناسبة شفاه من الاصابات اللذي تعرض لها على يدين الحوثيين وهو يدافع عن الوطن يقول :

في مجتمع ربعي هل البن والهيل=هلا هلا باللي لفانا زياره
ترحيبتي تشمل جميع المشاكيل=ترحيبتن حلوه بليا مراره
بقولها كم بيت من منبع النيل=والحر يفهم مقصدي بالاشاره
اقولها ياخال جمله وتفصيل=واقول قولي في صحيح العباره
سوقو لبو نافل خيار الفناجيل=شجاعتك مااخذتها مستعاره
جاي لجدانك هل السيف والخيل=بيتن بلا سيسان يهدم جداره
دون الوطن ترخص عمار الرياجيل=لا عاش من فرط بدينه وداره
راع الوفا يجزا وفا مثل ماقيل=بطل وخلو مجلسه بالصداره
اهل اليمن جرو على مكه الفيل=وقت مضى مانسمع الا اخباره
وارسل عليه الله طيور الابابيل=حمى حماه بعزته واقتداره
ترمي حجارة نار من نار سجيل=لين انهزم جيش ابرهه من حجاره
خلا الخبر في الخلق جيل بعد جيل=واخلف نوايا الفيل عنها واداره
والفيل جانا عقبه النجم ابو ذيل=والحمدلله غاب تالي نهاره
باامر الملك حامي حمى الدار حلحيل=ميل عقاله ثم صدر قراره
ملك حكيم يحلل الخصم تحليل=المختبر يعرف مقاس الحراره
حرآ رقا بالشعب روس الشهاليل=شعب السعودي يحكمونه خياره
صقر العروبه طلته طلت اسهيل=في الحد واللاجي بنا له عماره
ثبت له الميزان واوفا له الكيل=عسى يمينه ماتجيها الجباره
من عاش في الدنيا يشوف التهاويل=الجار صار طماعته عند جاره
تسللو لحدودنا تالي الليل=فيران ضلع يحفرون الجحاره
جزاك يالحوثي مذله وتنكيل=الجيش جاك بغارة بعد غاره
بعد الفخر صرتو ضعوف ومذاليل=جيت لجبل دخان واكلتك ناره

كفو والله قصيده رائعة بمعنى الكلمة تسلم على النقل ويسلم فواز على الأبيات المتميزه

قصيدة جزلة

صح لسان شاعرها

ماشاء الله عليه

وسلمت يمينك على النقل

لاهنت

صح لسانك يافواز انت كفو وقصيدة جزلة
تحياتي لك ياغالي وعساها اخر الغيبات واجمل الطلات

صح لسان الشاعر
وسلمت يد الناقل

صح لسان قايلها والله

ويعطيك العافيه
^_^

قصيده مرة حلوة قرأتها مرتين من حلاتها وما شاء الله تبارك الله على شبل الشدادين

و الحمد الله على سلامة البطل محمد هذا و إخوانه فخر لنا كسعودين عموماً و مثل ديرته و

قبيلته خير تمثيل

أشكرك أخوي ,,,

صح لسانك اخوي

لاهنت ولاهان مغليك

,’

تسلم ع النقل الرآئع

صح لسآن الشآعر



,’

ونعم والله به وبأبوه وربعه كلهم
أنا سمعت القصيدة وأعجبتني جداً
وأعجبني هذا الشبل حفظه الله ورعاه
ونقول له عسى عمرك طويل ونشوفك
إن شاء الله في يوم من الأيام
أحد الشعراء البارزين هنا
مشكور يا أبو محمد
ويا هلا بعودتك من جديد
والله يحييك والمنتدى منتداك