|
||||||||||||||||||
أنا و أمي عساني ما نحرم منها ..}
أنشدك يايمة عن أيام كنتوا صغار أيام حلوة كثير أشعـار تــسردهـا أيام النــــشامة والجــار ولـــد الجــار أيــــام كلــنـا نبــيـــها ودنـــا نعــودهــــا أيام الصدق والطيبة وفزعت التجار أيام الكرم والجود الي الكل تعودها ....... الليلة هذي انا وامي نتسامر عن ايام اول واهل اول ووين اول على قولت جدتي عن الجيران والعادات والضيوف و كل شي فجأة خطر في بالي سؤال وقلت بسألك يمة مامريتي في سن المراهقة وشو تغير فيك في سن المراهقة؟ <<< مستعجلة ياحبني لي ما دريت ان صاعقة بتجيني وربي ماحسيت الا أمي متحمسة قالت: وش مراهقته ماعندنا اول مراهقة وهالخربطة الحمد لله << اجابة نموذجية يا ماما جيت بعلمها انه امر طبيعي إلا تنفجر علي <<<<( خلاص مصختهااا ) المراهقة ماعرفناها إلا الحين في الخليج بعد تحدد الوالدة ولا خلتلي مجال افهمها قالت :ما عندنا مراهقين الرجال رجال والبنت بنت وينشد فيهم الظهر قلت: لها يا يمة افهمك لحظة المراهقة مو شي مخالف للطبيعة كل انسان مر فيها قالت: ابدا المراقهة الحين عرفتها ماعندنا الخربطة هذي ياخزيااّاّاّاّه لا عندنا حب مراهقين ولا عندنا قلت حيا وانا مستغربة وميتة ضحك على امي اول مرة تتكلم كذا يا أمي مو مسألت حب وبدأت امي في انتقاد الكثير من العادات الغريبة بالنسبة لها التي لم تعتاد عليها أمي في زمن كان ايام الصغر ومرحلة المراهقة مرحلت التحول شي غريب ومزعج بالنسبة لها وسردت لي الاّتي 1 - لسان يلوط الاذان لا احترام لا تقدير لا كبير ولا صغير مافيه شي اسمه امي ولا شي اسمه ابوي 2- لا مخافة من الله ولا مستحى من خلق الله وش نقول ( اذا لم تستحي افعل ما شئت ) 3- ولا احترام للصغار الصغير يخاف من اخوه الكبير تقول بعبع في البيت 4- ولا اسلوب ولا منطق حتى كلامكم مقلب وكله تتطنز على خلق الله يفشلون اهلهم عند الضيوف والناس واذا تضايق الأبو من ولده وتكلم قالوا له مراهق يكبر ويتعدل وين عيال اول وبنات اول والله ما نرفع حسنا عند الكبار اخوي بعد وفاة ابوي صار ابونا واخونا ولي بيتنا وخواني الصغار ما عمرهم ضايقونا وين المراهقة يلا علميني قلت: لها ابد خوالي شيوخ المساجد ما راهقوا <<ابي انرفزها قالت :ابد من عمرهم بسم الله عليهم اهل طاعة << ياحبي لك ياميمتي تدافعين قلت: لها طيب غيرهم قالت: ماعرفت الشي هذا لا في اخواني ولا عيال عمي الله خير ما شفته ابد وما ادري عن البيوت بس ما سمعت فيها الا الحين ويقولون مراهقة استحيت من امي وتبسمت قلت: ليش ما ربيتونا مثل ربات اهلكم قالت مثلهم وما تغير شي انتوا تغيرتوا وهذي القصة ....... سؤالي المجزء 4 اجزاء *هل من المعقول ان تكون المراهقة في زمن مضى مختفية كليا ؟ *ام هي متخفية سبب العادات المتشددة قديما وما تلزمة الظروف؟ *أيُعقول ان تكون كلمة مراهق حجة لتخفيف قلق الاهالي حيال تصرفات اولادهم ؟ *اتعتقدون ان الزمن هو من تغير ام تربيت والدينا هي التي تغيرت والناتج عنها ما ذكرته امي؟ ....... انا قلت لأمي بسأل اعضاء المنتدى قالت: إسألي أمهاتهم وشوفي وش بيردون عليك وهي تضحك علي ياعميري عليها قلت لها خلاص بهديت بيتين شعر عن اهل اول ولا تزعلين واهديتها الأبيات الي فوق لا تعلقون يمكن تكون مخربطة ....... أسألة أطرحها أمامكم حتى يتضح لي ولِأمي احب ان اعرف رأيكم لكم خالص تحياتي اختكم : غالية
التعديل الأخير تم بواسطة غالية ; 21 Nov 2009 الساعة 05:50 AM
|
21 Nov 2009, 05:47 AM | [ 2 ] | ||||||||
شاعر
|
السلام عليكم الأخت غالية اسلوبك في سرد القصة مشوق ماشاء الله عليك اما عن المراهقة ، وهل هي كانت موجودة في الزمان القديم أو لا ؟ في رأيي انها كانت موجودة ولكن ظروف العيش في ذلك الزمن لايجعلها تأخذ نصيبها في انفسهم ولا تؤثر فيهم التأثير السلبي الذي نراه في مراهقة هذا الزمن واهله . على سبيل المثال في زمانهم لا توجد الفتن والتبرج والتلفاز ، وكانوا يدرسون القرآن وحتى سوالفهم فيها كل المعاني وتحث على مكارم الأخلاق ، ولم يكن هناك سهر حتى الصباح لأن الحياة في النهار متعبة قليلا وكانوا ينامون من بعد العشاء ، وكان الرقيب من جهة الأهل موجود طوال الوقت ، سواء من الأب او الأم أو الجد والجده والأخوان لأن بيوتهم كانت فيها عوائل كثيرة ولذلك كانت المراهقة لايشتعل لهيبها وفتيلها وشيطانها مخذول هذا في رأيي والله أعلم وشكرا لك غاليه |
||||||||
|
|||||||||
22 Nov 2009, 04:29 PM | [ 3 ] | ||||||||
مؤسس شبكة الشدادين
|
المراهقة مرحلة من مراحل عمر الإنسان يمر بها كل البشر وتختلف من شخص لآخر حسب طبيعته وفيسيولوجية حياته ونمط بيئته التي يعيش بها من تغاير أو تشابه مما قد يؤثر هذه المرحلة من عمر الشخص الكلام هنا طويل أختي غالية لكني مستعجل وطالع لقيا وهذا هو اللي خلاني أختصر والله يحفظ لك أمك ويطوّل لك بعمرها |
||||||||
|
|||||||||
22 Nov 2009, 05:13 PM | [ 4 ] | ||||||||
عضوة متميزة
|
كلام اخو قطري سبحان الله كأنك عايش مع اهل امي احس نفس العيشة سابقاً سعيدة لجود بصمتك في صفحتي نورت ..... اخوي السلطان الله يوصلك و يردك بالسلامة يكفي تواجدك ومشاركتك في الموضوع ..... شكراً لما خطته ايديكم لمشاركتي الموضوووع الله يطول بأعماركم واهلكم كلكم |
||||||||
22 Nov 2009, 07:33 PM | [ 5 ] | ||||||||
شاعر
|
مرحبا ياغالية
موضوع جميل بجاوب الأن على الأساله *هل من المعقول ان تكون المراهقة في زمن مضى مختفية كليا ؟ اكيد مختلفة لأن في ما مضى مافية قنوات ولا فية انترنت ولا جوال نعتبرة وسيلة اتصال و يشغلنا عن الاجتماع مع الاقاربو الاصدقاء وروؤيتهم اما الان الاقارب مشتتين وتواصلهم بلأنترنت والجوال فا اكيد بتقل الالفة ويصير كأنهم اول اول مرة يتقابلون وثاني شي ماكانت معروفه لأن محد يعترف بأفكارها بس اعادو منقطها العلمانيه عشان يشغلون شبابانا ويخلونها حجه لهم امام كبار السن *ام هي متخفية سبب العادات المتشددة قديما وما تلزمة الظروف؟ لا ما اختفت ولا وجدة لأني ذكرت لك مالهم فيها اهتمام *أيُعقول ان تكون كلمة مراهق حجة لتخفيف قلق الاهالي حيال تصرفات اولادهم ؟ اكيد حجة لكن الرجال العاقل يسوق ولده بالعقال الين يطلعه رجال ولايترك له مجال مراهقه ومتابعة تلفزيون يعني افضل شي وانا اتمنى من كل رجل عنده ولد في سن 9سنوات او 14 يوديه البر ويشوف له اي اقارب عندهم غنم ويحطه هناك وياخذ منه الجوال يخليه سنتين وبالعكس طلع الولد مطنوخ >> غالية انتظر تعليقك على هذا الرد *اتعتقدون ان الزمن هو من تغير ام تربيت والدينا هي التي تغيرت والناتج عنها ما ذكرته امي؟ لاتربية الوالدين مافيها تغير ولا في الزمن تغير الشخص هو من يغير حاله ويثبت نفسه اعرف اشخاص ابوانهم في محلات الشيشية والمعسل وحقين سفر لكن العيال هاديهم الله ....... شكـــرآ |
||||||||
|
|||||||||
25 Nov 2009, 03:25 AM | [ 6 ] | ||||||||
عضوة متميزة
|
هلا بك اخووي رعد منور وربي كلامك زينة العقل عجبني .......... تصدق مالفت إنتباهي الا أقارب في البر هذا راي خالي بس هو بياخذ البنات للبر يتربن هناك يقول يردون حريم بيوت وعمرهن 9 سنين ومربربات مو عصل (متعقد خالي ........ مطنوخ ههههههههههههه اخبر مطنوخ فلووس يعني مليان فلوس اول حدة بتاخذ اولادها للبر ههههههههههههه بس مافهمت مقصدك فيها هنا نفس المعنى ولا غير ممكن توضيح شكراً لك زاد النور نور بعد مشاركتك لموضوعي |
||||||||
25 Nov 2009, 05:22 AM | [ 7 ] | |||||||
عضو نشيط
|
موضووعك مره حلو غلووي .. وخاصه انه صار مع امي << ليتني معاكم عشان اهزئك معاها انا اشوف المراهقه موجده الحييين .. بس من كلام امي عن عيشتهم اول اقتعت ان ماكانت موجوده اول و ماكان في شي يدعيهم انهم يراهقون نوم من بعد صلاة العشاء مثل ماقال اخوي قطري تلفزيونات وقنوات فضائه مافيه وهذا الي يخررب الحين والهادي الله ياما ناس في هالزمن ماراهقوا .. يعني مثلا انتِ بالله عليك راهقتي ؟. ماذكر انك راهقتي .. وانا بعد مااحس اني راهقت << بس يمدي اراهق انا انتي راحت عليك هههههههههههههههههههههه موضووع قمه في الروعه سلمت يمناك حبي تحياتي .. جُمان |
|||||||
25 Nov 2009, 05:39 AM | [ 8 ] | ||||||||
شاعر
|
لامطنوخ تشمل الرجال الي يمتلك اربع صفات شجاعه فلوس كرم وبس |
||||||||
25 Nov 2009, 07:32 PM | [ 9 ] | ||||||||
عضوة متميزة
|
هلا بأغلى الحبايب منورة الصفحة جمان ردك يدل على وعيك الحمد لله ان جيتي للحق في سن المراهقة كبرت أكثر وزادت مسؤلياتي اول شي انتِ بصراحة كنت ادرسك واتابعك ههههههه بعدين يالكبيرة انت اساسا في سن المراهقة <<< وش رايك سعيدة لتشريفك موضوعي الله يحفظك يارب .......... هلا وغلا بأخوي رعد عرفت الحين كلمة مطنووخ مرة عجبتني الله يرزقني عيال مطنوخين كرم أخلاق وشجاعة منور يا أخووي جزاك الله خير |
||||||||
25 Nov 2009, 08:06 PM | [ 10 ] | ||||||||
عضو متميز
|
المراهقه كانت موجوده من زمان و الحين لكن اول كان العالم قريه صغيره تستطيعين ان تخفي اسرارك بداخلك كان عندهم مراهقه كم مره قالوا لي عن التغزل عند البير يصقعها بيتين شعر و تصقعه اربع ابيات وكل يوم تصدف ان يتلاقوا عند البير بنفس الساعه <<< سبحان الله كانت فيه مراهقه لأن المراهقه تنشاء من القوه و الصحه التي يشعر بها الشاب و الشابه تغرهم كثير و يعتقدون انهم اذكاء الناس وهم افهم الناس وبعد ما تعلمهم الدنيا كم درس يعقلون و يعرفون ان الله حق و يمسكون طريقهم موضوع رائع واكثر شكرا لك |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
تكفى عشاني ابي ترجع وتسمعنــي | عســــــــــولة | قصائد مختارة | 10 | 29 Sep 2010 07:16 PM |
يالله عساني ما اموت الا وانا ساجد | حاتم الشدادي | قصائد مختارة | 22 | 27 Jul 2010 11:22 AM |
يعني عشاني مدلّله ماني قد الزواج ..! | تــرف | النقاشات والمواضيع الهادفة | 19 | 09 Apr 2010 01:07 PM |
حبيبي نظم اشعاره عشاني | عســــــــــولة | قصائد مختارة | 12 | 19 Jul 2009 10:02 PM |
هدية رائعة .. عشاني أحبكم | ياسر الشدادي | المنتدى الاسلامي | 8 | 23 Mar 2009 04:20 PM |
|