أحلى التهاني

من جيت المنتدى

وأنا أتابعكم يالثلاثه تركي والرحال والرهاوي

بس لاتحدوني أحجز لي مقعد بعد وأبيّح المكنون

يعافيكم ربي وصح لسانك ياتركي

طعن الغرام اقوي من طعون الارماح
ليلي وقيس اول ضحاياه اباده
صح لسانك اخوي تركي الشدادي قصيده معبره بنيتها علي الشوق والتضحيه والحب العفيف فاحسنت بناها
اتمنا لك التوفيق وتقبل تحياتي,,,,,,,,,,,,,,

		المشاركة الأصلية بواسطة : تركي الشدادي اقتباس
	شاقتني قوافيك يالرحال حركت المشاعر وهيضتني للغزل وطروقه هاذي من الارشيف آمل ان تنال إعجابكم إلك نزف أحلى التهانـي فالافـراح=جعـل الليالـي كلهـا لـك سعـاده يامن عليها فالخفـى سـدي إنبـاح=ويامن عليها القلـب طـول عنـاده لأجلك عبرت بحور الأشواق سبـاح=واجهـت تيـار الغـرام بـركـاده للعشق سكرات ٍ لها الروح ترتـاح=فيها العفاف أغلـى شرابـه وزاده وللعشق نار ٍ تحترق فيهـا الارواح=منها عروق القلب تصبـح رمـاده واللـي بعينـه قلب مغليه ذبـاح=ينقص غلى غيره وهو فـي زيـاده النوم في بعـده كوابيـس وأشبـاح=كم ليلة ٍ طرفي شكى مـن سهـاده طعن الغرام أقوى من طعون الارماح=ليلى وقيـس أول ضحايـاه إبـاده

أبو غايب صح الله لسانك ملايين وبارك الله في هالقصيدة التي جعلتنا
نقراء هذه الرائعه التي ليست بغريبه على شاعر مثل تركي
الشدادي وبيض الله وجهك والله لايحرمنا منك ولا
من هالقصايد الرائعه يامبدع وتقبل هذه
الأبيات من قصيده كاعربون إعجاب

لاهب نسناس الهواء عطرها هب=على جروحي لين تصبح رماده
صارت علاج اللي بوقته تعذب=عمره قضى والهم شربه وزاده
خدين وحجاجٍ تفنن به الرب=مع مبسمٍ يحلى له الضحك عاده
وشفايفٍ مثل الجمر يوم يشتب=وعنقٍ علاه أحسد مرور القلاده
وصدرٍ بوسطه كنز الأشواق والحب=من يحضنه ينسى العذاب بركاده
وختامها يارب يارب يارب=طالبك كل أيام؟؟؟؟؟سعاده

وتقبل تحياااااااااااااااااااتي الرحال

		المشاركة الأصلية بواسطة : شوق شداد اقتباس
	من جيت المنتدى وأنا أتابعكم يالثلاثه تركي والرحال والرهاوي بس لاتحدوني أحجز لي مقعد بعد وأبيّح المكنون يعافيكم ربي وصح لسانك ياتركي

ههههههه

على راحتك إذا بودك حجز مقعد

أنا أتبرع بالحجز >>>>>>>>>>>>ok

وأقص البوردنق

بس أبيح المكنون هذا شيء ثاني

وصح بدنك والله يعافيك

وياهلا وغلا

		المشاركة الأصلية بواسطة : الرحال اقتباس
	باااااااااااااااقي الرهااااااااااااااااااوي مطلوب قصيدة غزليه طلب خااااااااااااااااااااااااااااااااااااااااااااااااا ااااااص

ههههههههههههه

الرحاااااااااال يعطيـــك العافيــــــــه

الرهاوي ملزم بتلبية الطلب

بس مايهمك بيجيب مايرضيك ويرضي غيرك

مبدع الرهاوي وماتعسره يغرف من بحر

ماشاء الله عليه

الله لايضــره

		المشاركة الأصلية بواسطة : فهد بن رزيق اقتباس
	طعن الغرام اقوي من طعون الارماح ليلي وقيس اول ضحاياه اباده صح لسانك اخوي تركي الشدادي قصيده معبره بنيتها علي الشوق والتضحيه والحب العفيف فاحسنت بناها اتمنا لك التوفيق وتقبل تحياتي,,,,,,,,,,,,,,

ياهلا وغلا حياك
اخوي
فهد بن رزيق
صح بدنك
سعدنا بحضورك
لاهنت

الله
ياتركي ينصر دينك

ابداع يابوعبدالله ولايستغرب منك الابداع لنك

انت احد مصادره

لاهنت ولاهان اللي حط قلبك على الدراج ههههههه

ولابيات هذي حدها على الرهاوي ولا تنسانا من السعي هههههههههه

سجل اعجابي طال عمرك

راعي جزال وشعر فوق الخيال يا تركي
ولنا معك من سنين وقفات لن تنس أبداً
أتمنى أن يستمر الود وأن لا يعكر الزمان
ما بيننا من أخوة ومحبة
صح لسانك مدد بلا عدد

		المشاركة الأصلية بواسطة : صالح بن هميجان اقتباس
	الله ياتركي ينصر دينك ابداع يابوعبدالله ولايستغرب منك الابداع لنك انت احد مصادره لاهنت ولاهان اللي حط قلبك على الدراج ههههههه ولابيات هذي حدها على الرهاوي ولا تنسانا من السعي هههههههههه سجل اعجابي طال عمرك

شهادتك ياخال وسام شرف لي

طال عمرك

والله لايهينك يابعدي

أما بخصوص الابيات اللي تقولها

فاانا واثق ان الرهاوي

من مصادر الابداع

التي تضيء لايضاء لها

بس وعدنا ذاك اليوم بغزليه

وماعاد شفناه

شكله انشغل

ولاهو مايصعب عليه شئ

ماشاء الله عليه

		المشاركة الأصلية بواسطة : السلطان اقتباس
	راعي جزال وشعر فوق الخيال يا تركي ولنا معك من سنين وقفات لن تنس أبداً أتمنى أن يستمر الود وأن لا يعكر الزمان ما بيننا من أخوة ومحبة صح لسانك مدد بلا عدد

حياك الله ياسلطان وشرفتنا طال عمرك بهذا الحضور

أما بالنسبه للوقفات التي تتكلم عنها فلا اعلم مالمغزى

من الحديث عنها ولماذ لم تذكرها

طالما انك تكلمت فاانا لاأذكر لاحد

علي جميل جازيته بالنكران أو تناسينه

أما بالنسبه لما بيننا من اخوه وصلة قرابه لن يستطيع

الزمان تعكير صفوه بإذن الله طالما اننا لانريد ذلك

ولكن أتمنى ان تعي ماتقول ولا تسمح

لمن يريد تشويش اجواء

صفو الاخوه والمحبه مع تركي أو ومع غيره

من أبناء عمك الباقين خل اللي غير

عيال عمك مالي فيه دخل شأنك وشأنه

وأعذرني على الاطاله

لكن لابد من ذلك

مادام ان الموضوع فتح

استغربت هذا الشيء حقيقة ً أنا الاسبوع الماضي

أنا وأنت تعشينا سوا تقهوينا سوا سمرنا سوا

ما في خاطرك غير الطيب وش جد بعد هذا

ألله أعلم

ولكن على العموم رقمي عندك

إذا لديك أي كلام أو أي عتب

اتصل وستجد ما يرضيك......!!!

وانت تعرف تركي وتدري بمكانة جميع ربعه عنده

امس <<<<< اليوم >>>>> غداً

إذا ضاقت بك الارض توسعك عيوني

كنت <<<< لازلت >>>> ساأكون

بإذن الله

ومن

هذا المتصفح

يمـــــرر

محدثكــم رسالة

حب لمــن يحــب

ثلاثــة أبيات

لا رابــع لها

وإن

أكمـلتها مستقبلا ً

نزلتها في صفحه مستقله

وللمعلوميه الرساله

لاعلاقه لها بما قبلها

ولكن أود تمريرها من

هذا المتصفح

(إلى حبيب ألبي )

وأقول له لك وحشه

ياقميل

خله يابو نوره يروووووق ويرتاح=عندي تحكم فالاحاسيس يمه
كانه يظن إني على كل ملوااااح=بدري على اللي مابعد جابة أمه
وإن كان قصده بس يضحك ومزاح=غالي ويستاهل وياخف دمه

وتحياتي