عبر عن حالتك النفسيه ببيتين شعر

هلا يا خاطرٍ في خاطري من خيرة الخطّار=تقبلك الجوارح شـرّع البيبـان مسـروره
يحيّيك الخفوق اللي بيوتك في مداه كبـار=حللت اهلا بدار تحسب انها عنك مهجورة !!

خلك صريح وهات من الاخر وقل

كيفي ومزاجي ماارجع زمانك

لله ابشكي (حيرتي ) لله رب العالمين =وامد له كفي (دعا) يالله عفوك ياجليل
يامنتهى (الشكوى) إله العابدين الصابرين =يالله (عونك فزعتك) همي على قلبي ثقيل
جتني (رساله) نصّها ياعابره (حزن وأنين) =مع(تجربه)مضمونها فيه النتايج والحصيل
في شكلها الظاهر (غطا) وفالباطن المعنى الدفين =وفي (حبرها) تلميح لايمكن يصير المستحيل
وانا حقيقه ماعرفت شلون ببدى ياحنين =مدري ابديّ كلمتي أو الزم الصمت الفضيل
لا جيت ابتكلم لقيت الوضع قاسي مايلين =وان جيت ابسكت مالقيت علاج للقلب العليل

قال الوداع ومقصدة يجرح القلب
محال قلبي ينجرح من وداعة
من حبني يامرحبا براعي الحب
وان راح ربي يحفظة كل ساعة >>

مشكور رعد الجبوب ع التثبيت وانشاءالله دوم هالفرحه
الواعي ..يعطيك العافيه ع المرور وهذا من ذوقك
تسلمين لي عبوووووره على مشاركتك الحلوه
السلطان ياابو مزاج تسلم ع المداخله الحلوه
نور الفيصل ومعزوفه الرحيل يعطيكم العافيه على تفاعلكم معانا

ماني من اللي يرمي السهم قفّاي
ولاني من اللي لأقبل الشك طاشا

وآجدي وجود اللي بالاعدام محكوم=مامات لاكنه من العمر عايف
وآجدي وجود اللي من الشوف محروم=تحوفه السرقان ماهوب شايف
وآجدي وجود اللي على الخد ملطوم=ضدوه عدوانه وحايفه حايف
وهموم عبدالله كما نو وغيوم=جارتبه الدنيا ولآهوب خايف
وآصبر على الدنيا وهذا شي مقسوم=وكثر التحسف مايفيد الحسايف

بحر القوافي

اول احسب ان الغلا ضحك ومزووووح
سمره سوالف بين مركى ومسباااااح
اثر الغلا بلوه أحاسيس وجرووووح
لوعه مشاعر بين ذابح وذبااااااح

	ياصاحبي بالله لاتعتب علي العتب ماعاد تاسعة الحنايا كل جرح منك لي هدية وش واراك تخاف من رد الهدايا

استاذنك بسافر ايام واجيك=وان طالت ايام سفر لاتحاتي
حتى ولو طولت ماني مخليك= ياللي بدونك وش تسوى حياتي
تامر على حاجه بودعك واليك = عسى عوض الايام في مقبلاتي
حتى ايدي ماودها تفارق ايديك= ساكت وانا اشوف البلا في سكاتي
ماشفتني لارحت منك لتفت فيك = بلاي والله روحتى ولتفاتي
لكن قبل ماروح ودي اوصيك= وانت لوحيد للي يقدر وصاتي
لاحدن سألك وقال لك وين مغليك = قله لاوازم لاقضاها بياتي