أقرب هنا ياذيب سرحان!

أزهم لي الذيب سرحان يا حاتم 0

0

يا ذيب ابن سرحان قرب هنيا = طاروقنا الأول طويتوه طيا
أخطيت مار أقول ما صار شيا =الصبر زين وكل مطرود ملحوق

تقدم يابن سرحاني خلك بأمري طوع مرادي= قل لي سمع وقل لي طاعه حلي يا حلاوه حلي
ياذيب أحذر لا تعصاني وأنا برينيسي شدادي= خصمي مني صابه راعه حلي ياحلاوه حلي

والصبر زين وكل مطرود ملحووووووق
ماسكين صف

وتم يابعدي تم
وقواك الله أنت والذيب

وبأذن الله يشرفنا بن سرحان في أقرب وقت

الله الله يا البرينيسي

وحنا بعد نقول :

تقدم يا ابن سرحان وهات ردك على شاعرنا البرينيسي

وحنا نبي نتابع المحاورة وبإذن الله نجد فيها الاستمتاع

واصلك انا يلي تنادي عليه= طاروقنا مابين شمسن وفيه
ياليت تصبر يا البرينسي شويه= والصبر زين وكل مطرود ملحوق

واصلك وانا طرباني ولومن ورى بغدادي= توك مفطوم الرضاعه حلي ياحلوة حلي
انتبه لاتحداني وانا أسيوفي حدادي= بذبحك في ربعي ساعه حلي يا حلوة حلي

وحلي يا حلاوة حلي

صح لسانك يالذيب
ومنتظرين رد أخونا البرينيسي في أقرب وقت

يا ذيب وينك يوم هوش الأساليب= فازوا بها ناس ٍ ما حولهم طيب
يوم المناقش بالغلا والتسابيب=الصبر زين وكل مطرود ملحوق

الدرب أخطيته يا فلاني عود والله أنك غادي=اهرج بهروج الوقاعه حلي يا حلاوه حلي
بسيوفك لا لا تنصاني عندي لك قدحٍ بزنادي= غروا بك ناسٍ بياعه حلي يا حلاوه حلي

أخوي حاتم

تشرفت بمرورك الكريم

وأن شاء الله تستمتعون بهذه المحاوره

دمت بود

أخوي السلطان

تشرفت بمرورك الكريم

وأن شاء الله تستمتعون بهذه المحاوره

دمت بود

انكان قصدك هوشتآ فالقهاوي=الذيب عاوي واكثر الناس غاوي
لا واعذابك فالقا يالشواوي =الصبر زين وكل مطرود ملحوق

الدرب الاول والثاني جبته في دربك متحادي=لايدخل في قلبك راعه حلي ياحلاوه حلي
الهرج المطلق مجاني ياعميلي خلك هادي=ركب على اذنك سماعه حلي ياحلاوه حلي

لكن ما شفناك يا طيب الساس= يا خوفنا تفعل كما فعل جساس
خلك على وضح النقا والتنوماس= الصبر زين وكل مطرود ملحوق

دوب أنه زان البنياني اتبعني خلك منقادي = لا تطمع تراك طماعه حلي ياحلاوه حلي
العلم أزنه فالميزاني قبل لا تصبح منصادي = صاحبكم شربه بذراعه حلي ياحلاوه حلي