31 Dec 2009, 08:13 PM | [ 321 ] | ||||||||
عضو متميز
|
كنت أحسبـك تزعل أسابيع وايـام ,,
وترجع واشوفـك مبتسـم مثل ماكنت !! وراحـت شهـَور وباكر بـ / ينتهـَي [ الـعام ] ما غير افـكر ياتـّرى أنـت ويـن انـت !! |
||||||||
التعديل الأخير تم بواسطة مطارد سراب ; 31 Dec 2009 الساعة 10:28 PM
|
|||||||||
31 Dec 2009, 08:27 PM | [ 322 ] | ||||||||
عضو متميز
|
كنت اجرب اضافة رد عن طرق الهاتف المحمول ونأسف عى الأزعاج :coffee-n- |
||||||||
التعديل الأخير تم بواسطة مطارد سراب ; 31 Dec 2009 الساعة 10:25 PM
|
|||||||||
09 Jan 2010, 10:40 PM | [ 323 ] | ||||||||
عضو متميز
|
المواطن السعودي لايحسن استغلال الظروف وفق مصالحه وبطريقة مفيده ولا ادل على ذلك سوى طريقة تعاملة مع عرض الاتصالات stc !!! حيث شاهدنا أنواع رسائل النكت والضحية بعض القبائل وأنواع رسائل التشفي وفش الخلق والتحريض والضحية أصابع الأيدي بالإضافة لقصر النظر بسبب مواصلة القراءة وتواصلنا مع أناس لم نعهد التواصل معهم بشكل يومي وأنواع الحقد الدفين على شركة الاتصالات ! وبصدق ستلعن الإتصالات اليوم الذي فكرت فيه بهذا العقاب والعذاب وليس هذا العرض لمشتركي stc !!! طبعاً هذا العرض المزعوم ليس حبا في ( دباديب ) أعيننا ! ولكن ربنا يخلي لنا حرامي لبناني سرق من أم الحرامية شركة الانفصالات !! ولهذا الموظف الذكي قصة طويله ... لايتسع المقام لذكرها ! |
||||||||
19 Jan 2010, 12:19 PM | [ 324 ] | ||||||||
عضو متميز
|
سبحان الله قامت الدنيا في الكويت على الشيخ الجليل العريفي لأنه وضع شيخ الفتنة والضلال السيستاني الرافضي في موضعه الذي يستحقه ! ولكن برلمانات الديموقرطية الزائفة ضربت بحرية الرأي عرض الحائط وطوله بينما كانت نفسها هي البرلمانات التي تتشدق بحرية الرأي والطرح عندما كان ينال السيستاني القذر من الرسول صلى الله عليه وسلم وأصحابه رضي الله عنهم جميعاً !! بارك الله فيك وفي علمك شيخنا الجليل محمد العريفي . |
||||||||
22 Jan 2010, 09:38 PM | [ 325 ] | ||||||||
عضوة متميزة
|
مساء الشوق للديوانية ولكل من يتنفس هنا ماأجمل زقزقة الأطفال في أوقات النوم <<مقهورة لأنها مانامت زين اليوم بسبب الجيش الطفولي ليه الأطفال مايملون اليوم الظهر بنت أختي وولد أخوي كانوا عندنا وفتحت قفل غرفتي الصباح ونمت وماقفلت الباب بعد الظهر وأنا مانمت إلا الصباح جتني بنت أختي غلا تصحيني أول شي تقولي أنا جيت وسفهتها ودي أبوسها وفيني نوم وإذا تكلمت بيطير قلت بخليها لين تطفش وتطلع البنت ماسكتت تحاول تركب ع السرير عشان توصلي وربي على كثر ماكنت ودي أذبحهم ع كثر ماضحكت ع موقفهم ماقدرت توصل لي وولد أخوي معها وتقوله عطني المخدات ويحطونها فوق بعض لحد ماقدروا يتسلقون السرير أول شي سوته فتحت الغطاء عن وجهي وقالت ياخاله أنا جيت وعبودي هو اللي أزعجك وهو اللي حط المخدات وهو اللي يقول خلينا نصحي عمه وهي تكذب هو ساكت وينفذ أوامرها وهي اللي تقول له وشافها تكذب عليه ويضحك ويقولها غلا حرام لاتكذبين أنتي اللي ازعجتي خذيتهم وصحصحت وبجد تمنيت إني مثلهم ببرائتهم حتى العتاب بابتسامات وضحك بجد هالزمن القلوب شاخت وصارت مثل الصخر الناس تغلط وبكل بجاحه يحسون الحق معهم والطيب واللي فيه نقاء ينداس عليه لدرجة إنك ممكن تتهم بأشياء مو فيك وماتقدر تاخذ حقك أو تتكلم صار المظلوم ظالم والظالم مظلوم صرت أعجب من بعض النوعيات وأتحاشى أتعامل معهم لأني أحسهم وحوش وبغابه ولازم يصير لي مخالب عشان أعيش مثلهم أو إني أكون أليفه بس بعيده عنهم عشان مايفترسوني .. وبس هذا اللي براسي لهذا اليوم |
||||||||
|
|||||||||
22 Jan 2010, 09:44 PM | [ 326 ] | ||||||||
عضوة متميزة
|
أمممم عفواً اعتمدت ردي وماعلّقت عليك ياأخ مطارد سراب " بصراحة سالفة الرسائل المجانية الشعب عنده كبت كبير ويحبون الشي المجاني فبيشفون غليلهم بكل المجتمع وزين إنهم عطوهم رسايل مجانية عشان نعرف من اللي بيذكرنا باليوم عشر مرات وأحيان عشرين رسالة من شخص واحد كذا خلونا نتأكد إن الفقر كان مانعهم وسبب الجفاء هو الهللات مو شي ثاني "" ونصرك الله شيخنا الفاضل العريفي ورد كيد أعدائك في نحورهم وحسبهم الله ونعم الوكيل " |
||||||||
24 Jan 2010, 01:45 PM | [ 327 ] | ||||||||
مؤسس شبكة الشدادين
|
جميل أن يكون متنفس الديوانية لا يزال يتنفس ولو بأنفاس القليل من المشاركين به تواجد لا بأس به وحضور قد لا يكون هو المأمول ابداً لكننا نعد أنفسنا ونؤملها بخير من ذلك في القريب العاجل شكراً مطارد سراب شكراً ترف |
||||||||
|
|||||||||
28 Jan 2010, 11:09 AM | [ 328 ] | ||||||||
عضو متميز
|
شكرا ترف على تواصلك ولي عوده معك طبعا .. أستاذي سلطان قلوب الشدادين طالما منتديات الشدادين ترى النور حتما ستبقى ابواب الديوانية مشرعة للجميع ! |
||||||||
31 Jan 2010, 10:25 PM | [ 329 ] | |||||||
عضو مرشح للإشراف
|
الثوابت هنا حلوه موضوع من قبل رمضان الي الان متواصل شكراً مطارد شكراً ترف شكراً السلطان <== متابع جيد للديوانيه من افتتاحها والاصرار في المواصله يجذبني اكثر سجلوا اعجابي المبدئي فيكم |
|||||||
09 Feb 2010, 04:42 AM | [ 330 ] | ||||||||
عضوة متميزة
|
صباح الورد والمشاريع الحلوة << ناوية على مشروع تجاري ياهلابك ياقرقوش ونوّرت الديوانية ومهما بعدنا عن جو الديوانية لازم نرجع لها من جديد إذا صفت أفكارنا وحبينا ندردش عن مواضيع شاغلتنا .. في هذه الليلة المباركة (خطبة صارت مو سالفة ) بجد بسولف بأريحية أول مره يجيني نوم بالليل ونمت ساعة وحسيت بفائدة النوم الليلي بدليل إني صحيت وأمتلكت بيت ودخلي الشهري 5000 وتكتيكات على كيف كيفكم طبعاً مو حلم بعد ماصحصحت طرت على بالي كلمة أبوي تأمين المستقبل للعيال وللبنات وخرابيط الشيّاب اللي أنتم عارفينها يبعزءون الفلوس في الحياة ويبطرون وإذا بدأو يكبرون قالوا بنأمن مستقبل عيالنا ولازم كل واحد يصير له دخل شهري تجاري ومن هالكلام اللي يوجع الراس وماأفهم فيه شي إلا إني عايشة معززه مكرمة في كنف والدي حفظه الله ولكن إلى متى وأنا جالسه بطاله وظيفة مابي وماني بحاجتها ولكن ودي يكون عندي مشروع أطقطق عليه وأحس باستقلاليتي المالية يعني الآن أبوي يعطيني مصروف شهري ولو بحسب مشترواتي وخرابيطي ومصاريفي بمعنى أشمل ممكن تتعدى الألفين كل شهر وإذا صرت مقتصده ماتقل عن ألف وخمس شهرياً طيب لي كم سنة وأنا ألعب بالفلوس ومافيه شي بالدنيا أبغاه وماشريته يعني مافيه جديد الشي اللي ماملّيت منه هو كاديه مشروبي المفضل ههههههه .. المهم مالكم بالطويلة الشيء اللي نفسي فيه إني أمتلك بيت وفيه شقق وأجرها وتكون باسمي كلها لاتبققون عيونكم فيني أنا أتكلم جد والأحلام ممكن تصير واقع إذا سعينا وراها وحققناها .. صعب إني أبني وأنا بنت وماأقدر أشرف على أي شيء والأرض ممكن أخلي أبوي يشتريها لي وبكذا ماسويت شي أعتمدت على مال أبوي وأنا أبغى ابني نفسي بنفسي وأحس باستقلالية وإني ممكن لو صرت بموقف وأحتجت شي مايكون جل اعتمادي على أبوي يكون عندي دخل ثاني لأني راح أتزوج بيوم ويمكن يكون هالزوج مو قادر يوفر لي حياة مترفة مثل اللي تعودت عليها صح ماراح أقوله عن تجارتي (خلاص سوتها تجارة ودخلت جو ) بمعنى الزوج ماله دخل بدخلي المادي بيكون يصرف علي بمايناسب راتبه ووضعه لكن أنا ماني مجبرة أتعايش مع ذوي الدخل الضعيف لاسمح الله وصار حظي ردي وابتليت بزوج فقير ماراح أقدر أعيش فليه من الحين أأمن مستقبلي على قولة أبوي سواء كانت حياتي المستقبلية مثل حياتي الآن بيكون زين على زين وسواء كانت لاتقارن بحياتي الحين أكون أمنت مستقبل لحياة رغيدة بدون منغصات وبدون ديون وبدون مشاكل مالية مثل مانسمعها الآن مع حديثين العهد بالزواج .. المهم ترى بعض كلامي تأثير النوم فيه وبعضه اللاوعي وبعضه أحلام وأغلبه سيصبح واقع بإذن الله اللي هو المشروع اللي أتكلم عنه .. كيف بجيب مبلغ 200 ألف عشان أمتلك بيت فيه ست شقق في حي من أحياء الرياض القدييييمة اللي يسكنون فيه عوايل مصرية وسودانية أنا جاني خبر من صاحب عقار من العائلة إن هالحي فيه بيوت قيمتها 200 ألف ومعروضة للبيع وفيه بعد قيمتها 150 ألف ولكن فيها أربع شقق وأنا أطمح للست (لحد يضحك علي تراي جاده وشاورت مخي وعقلي وأعجبهم الوضع بس ماعلمت أحد غيركم ) المهم كيف راح أحصل على الميتين ألف وأنا مو موظفة ومابي سلف ولاعطيه أبغاها من عرق جبيني<<هههههه قوية هذي بس مشوها لي قررت أنا تــــرف بنت أبوي إني أدخل جمعية مع حريم أعرفهم ويدرون إني أقدر أدفعها شهرياً وبيقبلوني معهم وهي إني أدفع لهم ع الأقل ألف عشان تجيني ثلاثين ألف وباخذها ثاني شهر وبنتظم معهم بالسداد ولازم يبقى معي مصروف عشان الكاديه وربعها فماراح أدفع إلا ألف وبشتري أرض في رماح قيمتها ثلاثين ألف وبسلمها مكتب عقار ورماح أراضيهم ترتفع الدبل بخلال أسبوع في بعض الشهور وكل هالمعلومات عارفتها يعني أعرف متى بشتري ومتى ببيع الثلاثين بتصير ستين والستين بشتري فيها أرضين وبعدها بكم أسبوع بتصير 120 ألف وبشتري فيها كم أرض بشهر 9 أو 10 أو 11 وهي تكون فيها الأراضي طايح سعرها وباخذها يمكن بعشرين ألف وبعد هالشهور أبيع كل أرض بستين ألف كأقل تقدير وأنا بالبداية ماراح أدخل إلا بثلاثين ألف وبكون جبت مبلغ البيت اللي أبيه وزيادة وأمتلك واحد من أحلامي على أرض الواقع بشوية تخطيط ومساعدة وتدبير من أهل الخبرة في العقار والأراضي وبس تتوقعون ممكن بيوم يتحقق هالحلم وأشوف بيوتكم حولي وكل شهر يصير لي دخل مادي من كل شقة اللي راح أأجرها بعشر ألاف لأن مساحتها صغيرة وهذا سعر الشقق في الحي اللي أبغى استثمر فيه يعني خمس ألاف شهرياً مو أحسن من ألف وخمس وإلا ألفين آخذها من أبوي << بدت تبطر على النعمة ههههه تمزح ترى وبس هذا اللي هوجست فيه اليوم يوم غفيت ساعة من هذا الليل ويازين نوم النهار ع الأقل مايخليني أطمح أنافس التجار وأخرب نظام حياتي وأصير مسؤولة عن شقق و... ههههه صدقت الحلم خلاص |
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
۞ زفرات العاشقين ۞ | عيد الشدادي | مرافئ البوح | 19 | 21 Sep 2007 11:03 AM |
۞۞ تقـول لـي لبيـه واقـول لـك سـَم ۞۞ | بدوي فاهم | بحور القوافي | 28 | 11 Aug 2006 11:20 AM |
۞۞قصيدتي في صديقي ابو زلف۞۞ | بدوي فاهم | بحور القوافي | 26 | 18 Mar 2006 01:36 AM |
أدوات الموضوع | |
|