مُعاناة ..

الملف الشخصي للكاتب · توقيع : عبدالرحمن العيفان

.

جديدي له شرف معانقتكم .. كما هو !

مدخل ~

بقى أغلى منّه وإلا هو من زمن راح
،،، و لا أعزّ من قفّا سوى ذكرياته

.
.

تلجّ الضلوع ب صدر راع المعاناه=ل اشيا تجي من ضيق و تمرّ باله
يحدّها إلين عينه تصبّ ماه=و لا يعرْف من الجنوب و شماله
لو إنّها من طيب راسه و من جاه=ما كان فرّحت العواذل / جماله
لكنّها تثني و ترخي لها آجباه=و حكمٍ مهو لله ما به عداله
اللي يحسبْ إنّه عضيده و يمناه=أوّل ما فكّ آعقودها من حباله
تاقف حروفه ما حكت به شفاياه=يا ليت ما عنّز عليه و شكى له
ردا و هو ما قد تردّا و و الله=يخاشره في لقمته من حلاله
لكنّه الطيّب كذيّا و شرواه=يوفي لو إنّه صاحبه ما وفا له
اللي بقى له واحدٍ في حناياه=إليا اشرقت شمسه تفيّا ظلاله
جهاته الأربع .. إذا تاه يلقاه=كل الوجيه اللي تمرّه / قباله
ليله .. خذا درسه على إيده و ربّاه=عزّ الله إنه درس في ما مضى له
و اللي يسوّي في حبيبه ما سوّاه=ما أشوف إلّا إنها 'جهنم' جزا له
أصغر ما قاله : غيرها ما آتمنّاه=تصير له ستّ بيت و أم ل عياله !

مخرج ~

خذا معه طيّب ، أنا بخير ، مرتاح
،،، و اللي بقى .. / البقيّه بحياته !

*الغُربه .. أن تجد من الكلّ لا أحد !

.

مـجـمـوع الأوسـمـة · 17 Apr 2014, 02:46 AM

.

يَاليِتْ ينَفَّع تَرديِد ( يَاليِتْ ) وَ لكِنْ دوُنْ جَدوُىَّ !
آلْ عيِفانْ عَبدالرحمَّنْ شرواكْ الطيبْ يَ جَزلْ
وَ راعيَّ الطيبْ مَايِنلحِقْ جزاهـ وَ لا يندَمْ
علىَّ مَاقدَّم منْ طيِبْ وَ راعيِْ الرديَّة يَبقىَّ
نَادِماً مُتسمِراً فيِْ مَكانهِ يَرىَّ وَ يتذكَّر
كُلْ مَابدَّر منهُ منْ نُقصَانْ وَ فعوُلٍ رديَّة !

صَّح الله منطوُقكْ وَ سَلِمْ قافكْ المُتوُج بالمعانيْ
الرائِدَّة وَ القيِفانْ الجزلَّة عِشتْ وَ لا هِنتْ وَ بحوُر
القوافيْ مَالزالَّتْ تطمَّع بالمزيِد يَ طيَّبْ .

إِعتلاءْ لـِ الثُريَّا + توُشَّمْ بالتميَّز وَ تعتليَّْ مِنصَّة التَنبيِهاتْ