يا مرحبا عد المزون المزابير

هذه القصيده من الشاعرالمقدم متقاعد/محمدبن سعدبن سلمان الحارثي في زواج
الشاب/ناصر بن عواض بن دهيران المذاهبي الحارثي
وقام بنشرها في المنتديات الشيخ/محمدبن حمود بن طلحان الحارثي .

يا مرحبا عد المزون و المزابير=وعداد ما هل المطر من خياله
ترحيب احلى من حليب المغاتير=مثل التمر ولا العسل من نحاله
يا مرحبا قدر الوجيه المسافير=ترحيب يرضي الضيف ويسر باله
يا مرحبا بسم الرجال المناعير=قلته وابن عواض من عصر قاله
ناصر اخو مطلق زبون المخاسير=عواض ابووه وابن طلحان خاله
خاله وابوه من الرجال المشاهير=اهل الوقا واهل الكرم والرجاله
احرار ما قعها بروس الشخاتير=حازوا سنام المجد طيب وجزاله
ماهم من الي يكنزون الدنانير=رجالهم للضيف يفني حلاله
عسى قبر عواض ورد ونواوير=مرحوم يا شيخ حميدة خصاله
والموات ماتمنعك منه المحاذير=وبيت الكرم مايحب البخاله
يجيك بعد الشيخ من يكمل السير=وان غاب نجم يحل نجم بداله
مطلق بعد عواض يشابه شمنصير=مثل الجبل دايم يظلل ظلاله
بفرح لياجوه النشاما مسايير=دايم على جال المنارة دلاله
وخوانه اللي يجبرون المكاسيير=بافعالهم من فضل رب الجلاله
عن حفل ناصر مايجوز المعاذير=رفيقي الطيب وحالي حلاله
نجيب لودونه تطوول المشاوير=مثله نجي في محفله وانعناله
الله يجيره من صروف المقادير=ويكفيه من شر الفتن والضلاله
ناسبت شيخ سطر الفعل تسطير=معيوض ابو سامي يانعم السلاله
يصرف على كل الضيوف المذاخير=ويشيل حمل ماتشيله جماله
يجي له بناخي مثل سالم الزير=تضرب به الامثال لاجاء مجاله
قيف الهليباني سيوووف بواتير=رؤس الرجال اهل الوفاء والجماله
اهل الشحم واهل الدلال المباهير=رجالهم بالطيب يوصي عياله
كم عزوة مذهب هل الطيب والخير=خويهم يحشم وتكرم سباله
والجا ر له حشمه وله زود تقدير=والضيف يلقي الكيف والطيب فاله
والشيخ زايد دايم يشار ويشير=وان ثقل حمل الربع بالعزم شاله
انا اشهد انه شيخ ابن هيف وامير=واذا نواله علم بالفعل طاله
من روس ابا الحارث تقود الطوابير=رجالهم ينطح قبيله لحاله
وعدوهم تسبق عليه المقادير=الحارثي قادر على كل طاله
النا على الاعداء ورود ومصادير=واليا وردنا العد نشرب زلاله
نشرب من الماء عذ ب من جمة البير=لو كثروا وروده وطا لت حباله
ويوم الملاقي نشبع الذيب والطير=وندرج على العدوان درج المحاله
الحارثي بالطيب يفرق عن الغير=أهل الكرم واهل الوفا والعداله
وان كان لبنوك الدراهم هوامير=حنا هوامير الكرم والشكاله
مداتنا تغني اليدين المعاسير=وقصيرنا مصيون عرضه وماله
ونعطي على شوف الضيوف التباشير=والنعم نكسبها على كل حاله
لو جاء لنعم من النشاما مداوير=الحارثي عاصب عليها عقاله
وكل القبايل نعم مافيه تقصيرر=من اقصى جنوب الدار حتى شماله
وصلو على اللي سنته كلها خير=اللي صدع بالحق والكفر زاله

ونعم والله بشاعرنا
أبو سعد
ويستاهل الطيب كله
وألف مبروك زواج ناصر
والله يكتب له الخير كله

.



صَلوُاتْ الله وَ سَلامهِ علىْ نبيُنا المُختَار
حيَّاكْ الله يَ إِبنْ طَلحَانْ وَ سَلشمَّتْ يَمينكْ علىْ مَاجلبَّتْ
وَ صَّح الله لسَانْ شَاعرهَا وَ أنعِمْ وَ أكَرِمْ بالجميِع وَ بوُركَ لـ نَاصِر زواجهِ