الهاجري والراسية

السلام عليكم ورحمة الله وبركاته

هذه محاوره جرت بين الشاعر / سلطان الهاجري

والشاعره / الراسيه المريه ،، أتمنى أن تنال رضى الجميع ..
سلطان الهاجري :

سلام رديه مثل النفل والزهور

على أم فيصل ، وموقعها ، وضيفانها

الله وأكبر على الدنيا محطه عبور

رحنا على شانها ، جينا على شانها

الراسيه :

يامرحبا ياابن وسام .. الوافي مايبور

ترحيبة ترجح الكفه بميزانها

يامرحبا والتحيه من لسان وشعور

واللي يعن الفرس لايــــطلق عنانها

سلطان الهاجري:

اللي يبيع الذهب واللي يبيع العطور

أكيد راع البضاعه يعرف أثمانها

أنا لاشفتـ الحمامه بين سرب الطيور

عرفت رسم الهوى باطراف جنحانها

الراسيه:

ترى الخطاوي بعيدة والطريق مخطور

واللي يشب الجمر تكويه نيرانها

انته تشوف الحمامه والكلام مخشور

جنحانها ياطويل العمر بلسانها

سلطان الهاجري:

سبحت لي في بحرماهو بمثل البحور

ويالله تحفظ سفينتنا وربانها

يارجال خفر السواحل ، يارجال المرور

رسالتي غيرت الامواج عنوانها

الراسيه:

البحر دونه خطر يشبه ليوم النشور

خل السفينه تقفل نـــص بيبانها

خفر السواحل لغمهم قبل يلمس يثور

والنيــــــه الطيبه من طيب خلانها


منقول

هههههههههههاااي معقوله ابن وسام لعب

مع الراسيه ههههههههه

مشكور اخوي بس على فكره حشرها الهاجري هههههههههااي

ههههههههههههههههههههههههههههه
سنو حشرها ههههههه

من محاوره صعبه بس الهاجري مسك عليها في النهايه
دمت بود

أول مرة أشوف محاورة بين شاعر وشاعرة كلٍ من ديرة

لكن ما يستغرب شيء في هذا الزمن

تسلم يديك يا صبحي والله يعافيك

الاخ عبدالله
تشرفت بطلتك الحلوة
معقولة ان بن وسام يلعب مع الراسية
والمصدر مجلة الابل للتوضيح

الاخ هتان
اسعدني مرورك وتعليقك
تحياتي لك

الاخ السلطان
لا تستغرب في هذا الزمن
ومشكور على المرور والتعليق