|
||||||||||||||||||
ربعي بنى الحارث جبال منيفة
السلام عليكم ورحمة الله وبركاته...........وبعد مصافحه بعد طول البطى وهي في صاحب السمو الملكي الامير / عبدالعزيز بن معتصم بن سعود ال سعود الذي شرفني في افتتاح منتدانا قبل شهر ومدح في قبيلة عتيبه وربعنى بنى الحارث كافه من ناصره الى بنيوس لين الشلاوى.
ابدا بذكر الله عظيمٍ شانه=الواحد الفرد الصمد سبحانه ربٍ خلق خلقه وكوّن كونه=وانزل على سيد البشر قرآنه هدى ورحمه للبشر والجنا=نذيرهم من بطشه ونيرانه اطلب رضاه بكل يوم وليله=وكل ساعه اطلبه رضوانه واستغفره من كل ذنب وزله=ولاخاب منهو يطلبه غفرانه من بعدها سلام حسب السنه=من قلب وافي والوفا عنوانه على سمواميرنا كحيلاني=عبدالعزيز اللي رجح مـــــيزانه بالطيب والخوّه وحسن السيره=والجود والنخوه بكل ازمانه والصدق والهيبه ووقوة باسه=والصبر والحنكه ونطق اللسانه راع الشجاعه والوفا منهاجه=ورثٍ من اخواله ومن جدانه ومن راس ابوه اللي ينومس صيته=كريم سبلا ماقفل بيبانه عن ربعه وضيفه وعن محتاجه=اللي على بابه وقف ديانه وجدانه اهل الخيل و اهل العوجا=سقم الحريب اليا رقص شيطانه آل السعود اللي لنا حكامي=من مسس الدوله وحكم اوطانه عبدالعزيز اللي نهض ببلاده=ولم شعبه حضره وبدوانه عسى جنان الخلد له منزالي=والمصطفى من صحبه وخلانه الى سعود و فيصل مع خالد=وفهد وعبدالله وكل اخوانه واخواله اهل المجد نعم العزوه= عزوة بني خالد عمى الديانه اهل البساله والدها و الحكمه=والعرف من قومه ومن شيخانه ياسيدي تشريفكم للحفله=فخر لنا ووسام مع تيجـــــــــــــانه كلٍ فرح في جيتك واستانس= من مشرفين الحفل لاضيفانه لك شكر من قلبي ولك عرفاني=من بعد شكر الله عظيمٍ شانه والشكر موصول إلــ. هل الوقفاتي=عز الخوي إمفرجين احزانه عتيبه الهيلا ونـــــعم اللابه=اهل الثنا واهل القنا و سنانه واهل الحميه والوفا والطيبي= كسابة الناموس مع عربانه برقا وروق امجادهم مشهوده= واللي جحدهم لارحم حيانه من نجد لجبال الحجاز الشامخ=للساحل الغربي جمع عتبانه منهم زبن وربوعه العضياني= قضاه للحق لو طِمس برهانه من جدهم لافي الى ضيف الله=الى نهار وناصر و عمانه الاد عاضي مكعمين العايل=عمى العدو ان ولعت ضيانه ومنهم شبيب وربعه الشجعاني=عوق الخصيم اليا قدح صوانه الا زراق اهل عزم وحزمي=زبن الدخيل ان صملو عدوانه ياسعد منهم عزوته وحزامه=في حرب والاسلم مع صدقانه قلته وانا من لابةٍ معروفه=امجادها كلٍ قرا ديـــــــــــوانه أهل النيامس والخيول السبق=يوم ان كلٍ يفتخر بحصانه واسيوفنا ورماحنا مسنونه=كلٍ بها يذود عن حدانه من ترج لاشوقب ليا ابو راكه=اليا قيا والصور مع ميسانه ربعي بنى الحارث جبال منيفه=تذري لمنهو ماذرته امتانه من ناصره ربعي ومن بنيوسي=الى الشلاوى افعالنا رنانه للشعر شعار ونجيده كله=فصيح مع شعبي بكل اوزانه مع عرضه وقلطه ونظمٍ يكتب=الحمد لله لابتي فرسانه وكل القبايل نعم مابجحدها=قبايلٍ وافعالها بطرانه الكل منها ماخذه وزعتها=في شعر والا حرب في ميدانه والطيب فيهم والكرم من ربي=سبحانه اللي قسمه سبحانه والمعذره لو ماذكرت اسماها=الشعر شح وشيبت قيفانه واختامها عداد برقٍ لاحي=صلو على محمد نَسل عدنانه . وسلامتكم جميع حسين الحارثي
|
16 May 2007, 11:41 PM | [ 2 ] | |||||||
|
1 والعوده أكيده |
|||||||
|
||||||||
16 May 2007, 11:43 PM | [ 3 ] | ||||||||
مؤسس شبكة الشدادين
|
أول شيء نرحب بك يا أبو بندر وبعودتك لنا بعد هذا الانقطاع الطويل وثانياً نبارك لك المنتدى الجديد ولو إن لنا حق الشرهة في عدم إبلاغنا أو دعوتنا لحضور حفل الافتتاح ...... لكن نقول بالتوفيق إن شاء الله وعسى فالكم التوفيق ثالثاً : بيض الله وجهك على هذه القصيدة وربعك بني الحارث يستاهلون كل خير وكل علمٍ غانم |
||||||||
|
|||||||||
17 May 2007, 02:07 AM | [ 4 ] | ||||||||
شاعر
|
صح لسانك يابو بندر والله يعطيك العافيه قصيده جزله وربعك يستاهلون كل خير والله يحييك ولاعدمناك يالغالي تقبل مروري وتحياتي اخوك الغربي |
||||||||
17 May 2007, 11:11 AM | [ 5 ] | ||||||||
شاعر
|
بيض الله وجهك اخوي حسين على القصيدة الجميلة وصح لسانك والله يعطيك العافية ومبروك المنتدى ولكن ودي اسئلك وش دخل قبيلة عتيبة في القصيدة وتقبل تحياتي |
||||||||
17 May 2007, 03:28 PM | [ 6 ] | |||||||
نائب المشرف العام
|
صح لسانك يابو بندر القصيدة جداً جميله وجزله من راااس جزل لاهنت ياطويل العمر |
|||||||
|
||||||||
17 May 2007, 03:41 PM | [ 7 ] | |||||||
عضو متألق
|
سهير الليل صح لسانك وسلم بنانك |
|||||||
17 May 2007, 03:49 PM | [ 8 ] | |||||||
عضو متميز
|
ابو بندر صح لسانك يالذيب وهذا ليس بغريب عليك وبالحارث يستاهلون المدح وغيرة والله لا يهينك ولا تحرمنا تواجدك الطيب. |
|||||||
|
||||||||
17 May 2007, 05:57 PM | [ 9 ] | ||||||||
عضو متميز
|
سهير صح لسانك ولا هنت على القصيدهـ .! |
||||||||
|
|||||||||
20 May 2007, 01:12 PM | [ 10 ] | ||||||||
عضو متميز
|
صح لسانك اخوي سهير الليل ونعم في المادح والممدوح سلمت ولاهنت |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
ربعي بن الحارث وأخص الشدادين | ماشع الشدادي | بحور القوافي | 33 | 16 Jul 2010 10:06 PM |
(ربعي بني الحارث ) لشاعر ترج | كشـ ملك | قصائد مختارة | 2 | 19 Mar 2009 04:04 AM |
ربعي بن الحارث | زعيم الحب | بحور القوافي | 40 | 23 Jan 2009 07:13 PM |
حبال الاماني | شموس المجد | القسم العام | 18 | 26 Dec 2008 10:28 PM |
|