|
||||||||||||||||||
ياللي حرقت القلب منهـو يطفيـه ؟
الله يـوفـق مثـلـك الله يخلـيـه = كانك نويت الصـد والهجـر ويـاه
غالي ولك بالقلـب شـي ومخفيـه = اكبر من اللـي بالضمايـر تهقـواه في غيبتك قلبي ترى الهـم صاليـه = واسهرت ليلي بيـن ونـه وويـلاه البارحه طيفك مـع الليـل احاكيـه = يشهد علي الليـل والنجـم يصغـاه فكرت ويـا الليـل مبـدع قوافيـه = مسحوب طرقـي والقوافـي تقفـاه والحزن فوق القلب والهـم مقفيـه = وليلي غدا ليلين والصبـر مقـواه اكتب شطر والشطر الآخـر نجاريـه = شاعـر تحـده والليالـي توطـاه اجزل بيوت الشعر وأحكـم معانيـه = ولا هزيـل القـاف واضـح ثنايـاه ياللي حرقت القلب منهـو يطفيـه = النار نار ٍ تتعـب القلـب واحشـاه يا مانسيت اللي من النـاس نغليـه = ولاعاد به شـي ليـا حـل طريـاه استر عيوب الناس والطيب ابديـه = وش خانت اللي ماستر عيب رفقـاه امسٍ وقبل البـارح القلـب اهنيـه = امسي مع الفرحه وأصبّـح بفرحـاه في شوفتك افرح مع اللحـن اغنيـه = وطيفك يسلي كـل طـرقٍ بمغنـاه قلبي كثير اللي من النـاس ترجيـه = وانا الذي قلبك من النـاس يرجـاه لاتحسب ان الصـد صعـبٍ تحديـه = ترى الزمن يشكي ومثلـي تحـداه انشد وتلقى الليل تقصـر مساريـه = صدر الزمن يشكي من اقصاه ودناه راحت هجوسك مبعده فـي هقاويـه = انشد جبال اطويـق واللـي ترقـاه تلقـى زمانـك قاصـرات ٍ لياليـه = هذا الصحيح وتدمع العيـن فرقـاه وانت الذي لاضاق صدره نراضيـه = نتعب على شانه على شان نرضـاه ولا انت تدري من زعل عيب اصافيه = يادارس اطبوع المشاعـر وتـدراه يا ما لقيتك تشكـي الهـم تشكيـه = وجهك عبوسٍ تشكي الحـظ بـرداه ياللي خذيت القلب وشعادكـم فيـه = رده ترى قلب العنـا وافـي اشقـاه ارفـق بقلـب هالليالـي تفاجـيـه = يابـو ثمـانٍ مرهفـاتٍ مصـفـاه انا عشقت وعشقي محـدٍ يضاهيـه = جيتك على الفطره وذا القلب يغشـاه احساس من قمـة شعـورٍ وطريـه = عليك ياللي ناسـي القلـب تنسـاه في كفي سيـفٍ للعواذيـل مرهيـه = وفي صدري درعٍ لسهوم المصـلاه ياقلبـي الليلـه علـى وادي التيـه = جريت ونه والـف ونـه مـن الآه اسمع صدى صوت المعنـا بتاليـه = اضحك واقول الله يعين الـذي تـاه والحق انا اللي تايهٍ فـي دواهيـه = مجراك نار تكـوي القلـب تكـواه باغيـه قلبـي والمشاعـر تناديـه = قلبي عشق قلبه مـع الليـل نـاداه يفداك منهو يجمـع اريـال وجنيـه = يفداه وجـه الطيـب والعـز يفـداه مثل البواخر لا رست فـي مراسيـه = حبك رسا صبح ومسا ابكل مرسـاه بين الضلوع الحـدب حبـه ابنيـه = واكتب عليه من الغلا شـي يزهـاه لكنّ كيـف القلـب هـذا امتناسيـه = ياصرح مدري جرح ياجـرح ودواه يمكن صواديـف الليالـي تحاديـه = ولاّ تغـلا والغـلا فــي مـزايـاه لكنّ قلبـي ماصبـر ليـل مشقيـه = دنت هجوسي والبـلا فـي محاتـاه هـمٍ علـى قلبـي وهـمٍ يبـاريـه = ولا جـروح القلـب صعبـه تبـراه البارحه قلبـي مـن اللـي يداويـه = ياكود وجهٍ يبـري الجـرح ملفـاه حامت شياطين الشعرمـن بلاويـه = وسرحت في عالم صعيبٍ بمسـراه هلّت دموع العيـن هلّـت غواديـه = على الذي قلبي مـن النـاس بـداه اكتب حسين القاف وارجع ومحيـه = جف القلـم حبـره ولا نافـعٍ مـاه شطـرٍ نهليبـه وشطـرٍ نحيـيـه = وشطرٍ على ماقيل ملعـون مثـواه هـذا حبيـب ولا عليّـه مشاريـه = عشره قديمه والحكـي تـوّ معنـاه ترى الوفا والطيـب حـق ٍموّفيـه = ترى الغـلا والحـب حـق موّفـاه من باعني بعته وتقصـر خطاويـه = مدعي عليه ادعي عسى الله يرعـاه وانا الذي من يشري القلب شاريـه = هذا محلـه قلبـي واسعـد بلقيـاه اقلّطـه فـي صـدر قلبـي وهلّيـه = ارحب هلا واهلاٍ وننحر لـه الشـاه ونقـدّم الفنجـال والهيـل حاليـه = اشقر مقره من ورى الهنـد مجنـاه يعني انتهى المشوار لاباس ياهيـه = خمسين بيتٍ شاعـر الجـن سـواه وخمسين بيتٍ تقفي اللـي مسويـه = مسرج خيول الجن واهجيك بحكـاه مـن قـدّم الطيبـه نرفّـع معاليـه = ومن قدّم السيّه مع الـدرب دسنـاه ادعيك من قلبي وانا الغير مدعيـه = مشتاق انا والشوق وشلون ابنهـاه في داخلي حربٍ من الشـوق مذيـه = والصبر طعمه مر وكيـف اتحلـواه من لايعرف الحـر لاشـك يشويـه = اخطيت في حقي وانا ارجيك رجواه انا الذي منهو رقـا فـوق اوطيـه = عليـك ياللـي كـل رجـمٍ تعـلاه لا تحسب اني بسهر الليل مقضيـه = جاتك مثايل وفهـم القـول وقـراه قبل امس احبه وفتخر فـي تلاقيـه = واليوم هذا مثلـي صـرّح كرهنـاه الخط الاحمـر ليـه نفسـك تعديـه = قد قلـت الـك ومحـذّرك لا تعـداه رادي ومثلي لاحشـى مـا ترديـه = درب الردى لارحـم منهـو تمشـاه كان الغـدر ميـزه وتفخـر بتاليـه = الله يعينـك تالـي الوقـت عــزاه تصبح مابين الناس محـدٍ يدانيـه = قبلك صفق يمناه في كـف يسـراه الرادي اللي يمشـي محـدٍ يراعيـه = هذي حياتك باخـر الوقـت وتـلاه ياللي تقول الحب وافـي ومرخيـه = حبل الوفا تقصره وشلـون ترخـاه الحـر لامـن فـز يكفـخ جناحيـه = انا عزيز النفـس واللـي ورثنـاه المرجلـه والطيـب لازم نقـديـه = مانـي شحيـحٍ تايـه ارداه بـرداه واليوم ياوجـهٍ بـدا فيـه وشفيـه = الاّ عرفـت القلـب هـذا ومرضـاه لا يالذي قلبك مـن الغـدر تحشيـه = هذا وانـا مهجيـه وذكـر حلايـاه .لكن علي الله ماعـاد انـا ارجيـه = في رجعتـه هـمٍ ولا عـاد نبغـاه فيه البقـا واللـي حلاتـه نعزيـه = اقولهـا مـن بعـد هـذا عرفنـاه يرثيه وقت الحـب والحـال ترثيـه = كـم واحـدٍ قبلـك ترانـا رثينـاه هـذاك غالـي والله اللـي متوفيـه = ولاانت لا مثله ولا وجيـت شـرواه يشهد له التاريخ حضـر وبواديـه = يرحمك ياللي وافي الطيب والجـاه وانتي بديتي بالغـدر مـن مواريـه = عمر الغدر شاين ولـو زان مربـاه درب العنا ياللي نويتـي مساعيـه = خايب وظنك ضايـع ابكـل مسعـاه فيك الغدروافي على كـل اراضيـه = ثوب الغدر مـا والله يـومٍ لبسنـاه بأسم مـن انـزل محمـد وحاميـه = الـواحـد القـهـار ربٍ عبـدنـاه ماني على صدك ترى القلب اعنيـه = وشعاد يعنـي لـو مثلـك هجرنـاه القلب يسلا مع هل الطيـب اسليـه = عندك خبر كلٍ على كيـف مشهـاه اقفت ليال الحـب واقفـت لياليـه = والشـوق روّح لاترجـى وتنصـاه اطغيت حتى القلب بالغـدر معميـه = الصبح لك قلبٍ مـع الحـب يهـواه والليل لك قلبٍ مـن الغـدر ماليـه = كنت الامل والنفـس مثلـك تحـراه ماني صغير السـن مثلـك يخطيـه = اخطيت ياللـي كـل شـيٍ تخطـاه اللي رقـا للخيـر ربـي يجازيـه = جعله بخير وراعـي الطيـب حيـاه واللي يحب الشـر منهـو يخاويـه = ياكود مثـل الطبـع لاشـك خـاواه العقل راس المـال وشلـون اقديـه = في ذكر ربٍ عالي النـاس تخشـاه
|
06 Apr 2008, 09:04 PM | [ 2 ] | |||||||||||||||||||||||||||
أبو حاتم
|
اختيار ينم عن ذائقة جميلة ورائعه صح السان شاعرها ويدن ناقلها |
|||||||||||||||||||||||||||
التعديل الأخير تم بواسطة الداخل ; 06 Apr 2008 الساعة 09:07 PM
|
||||||||||||||||||||||||||||
06 Apr 2008, 09:18 PM | [ 3 ] | ||||||||
عضوة متميزة
|
غريب سلمت اناملك على النقل الرائع والذوق الرفيع في الطرح كل الود |
||||||||
|
|||||||||
06 Apr 2008, 09:33 PM | [ 4 ] | ||||||||
|
صح إلسان شاعرها وبيض الله وجهك على النقل |
||||||||
|
|||||||||
06 Apr 2008, 09:48 PM | [ 5 ] | |||||||
نائب المشرف العام
|
صح لسان شاعرهاااا راااائعه القصيدة كل الود |
|||||||
|
||||||||
06 Apr 2008, 10:20 PM | [ 6 ] | |||||||||||||||||||||||||||
عضو متميز
|
اخوي الداخل خالص الشكر على تواصلك |
|||||||||||||||||||||||||||
06 Apr 2008, 10:21 PM | [ 7 ] | |||||||||||||||||||||||||||
عضو متميز
|
يسلم عمرك وروحك يعطيك العافية ومشكوره على تواصلك |
|||||||||||||||||||||||||||
06 Apr 2008, 10:45 PM | [ 8 ] | |||||||
عضوة متميزة
|
غريب بدياره قصيدة رائعه واختيار موفق الف شكر لك |
|||||||
|
||||||||
06 Apr 2008, 11:33 PM | [ 9 ] | ||||||||
زهرة المنتدى
|
صح لسان شاعرها وسلمت يمينك على نقلها قصيدة رائعه تحياتي |
||||||||
|
|||||||||
07 Apr 2008, 12:40 AM | [ 10 ] | ||||||
|
العقل راس المال وشلون اقديه= في ذكر ربٍ عالي الناس تخشاه الله يجعلنا من الذاكرين والشاكرين لله دايماً غريب تسلم يمناك على هالنقل ولك مني الشكر |
||||||
|
|||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
أسباب حرقة المعدة | الجــازي | إكسير النقاء | 11 | 30 Oct 2010 04:04 PM |
يا هيه ياللى | عرق النفود | بحور القوافي | 19 | 21 Nov 2009 03:23 PM |
يا قلب ياللي من هوى زيد مطروق | ابو ثامر | قصائد مختارة | 5 | 06 May 2007 09:29 PM |
كيف يتم معالجة حرقة المعدة؟ | عـــلاوي | إكسير النقاء | 18 | 18 Mar 2007 02:49 AM |
أسباب حدوث حرقة المريء وكيف يتم تجنبها!؟. | نــــــدى | إكسير النقاء | 10 | 03 Dec 2006 01:34 PM |
|