أحب وأحب

نشدني صديق قـال حبـك و رى مـا بـان =ورى في الغزل مـا لـك بيـوت مسويهـا
ولا لك غـزل يالقـرم بسـم الله الرحمـن= ورى كـن مـا تذكـر هنـوف مهاويـهـا
و أنا أقول قلب ما يحـب الهـوى غلطـان= و أبشـرك و الله مـن هنـوف مصافيهـا
و بأعلمـك و أنـت تعـوذ مـن الشيطـان =دام النشـامـى تستمـعـنـي بأذانـيـهـا
أنا حـب لـي حـب تولـع بهـا العربـان= عيـال النشامـى اللـي طـوال يمانيـهـا
أحب الرجولـة و الرجولـة لهـا سيسـان= ترى ساسها لا طـاب يرسـي و يرسيهـا
و أحب الكرم و أهل الكرم و الكريـم معـان =كريـم و نفسـة للمواجـيـب مصخيـهـا
و أحب أشتـري عـود أزرق مـن الدكـان= و أطيـب رجـال سيـرت لـي و أقهويهـا
و أحب الدلال الصفر من صنعـة الرسـلان= إليـا دارت المجلـس و مـا جوبهـا فيهـا
و أحب الحرار اللي لهـا فالعشـى برهـان =تقضض علـى جـول الحبـاري و تدميهـا
و أحب الحصان اللي سبق و الحصان حصان= و أحـب الذلـول اللـي تقـدم براعيـهـا
حسينت حلايا ما لهـا فـي الحـلا لأثمـان= خطات الأصيل إليـا فرحـت وجـه قانيهـا
و أحب الجيوش إليا رزمت داخـل الميـدان =إليـا قادهـا القايـد و هــرول يباريـهـا
و أحب الصحاري خص لا شبعت الحيـران= لا بكـر الوسمـي و زانــت مراعيـهـا
و أحب الحلال إليا أنتشـر داخـل الصمـان= قطاعـيـن ذود و الـمـواتـر بتالـيـهـا
و أحب البيوت اللـي تظلـل بهـا البـدوان =عيـال الجـزيـرة ساكنـيـن براضيـهـا
و أحـب الخيـال المـد لهـم لنهمـر ودان =و أحب الفيـاض اللـي تناسـف علاويهـا
و أحب أمزع رجلي و أشرف على الجيـران= و أمد النظر فاللي عسـى المـزن يسقيهـا
و أحب الجيوب اللي تمرهـد مـع الخليـان =تعانـق طيـور الجـو تمشـي مماشيـهـا
و أحب الرفيق اللـي وقـت الشدايـد بـان= رفيـق الرفيـق و رفقتـه مــا يخليـهـا
و أحب الخوي اللـي تجـي كلمتـه ميـزان= وزن كلمتـه لأجـل الرجاجـيـل تغليـهـا
و أحب القصيد اللي يحكـم علـى القيفـان =و أحب الصفوف اليا أستـوت قـدم واليهـا
و أحب السوالف وآتسمـع مـن الشيبـان= أليـا وردوهـا بيضـت وجــه راويـهـا
و أحب المثايـل لا ضربهـا مثـل راكـان =و أحـب العلـوم الطيبـه و أفتخـر فيهـا
و أحب القصير اللي يبيـن لـك الصفطـان= مثـل جيـره كـل المخالـيـق تطريـهـا
و هي قصـرت محمـد لا عـدت الجيـران =لـه قصـره مـا جالهـا اللـي يحاليـهـا
حيـاه المهـادي للمفـرج جمـل زومــان =زحول الرجال اللـي بقـى ذكـر ماضيهـا
و أحب الهنوف اللي لها في الحشى مسكـان =فتـات علـى السنـه عــزاز موطيـهـا
ستيره و لا تحرص علـى فتحـت البيبـان= و لا تلتفـت للـي يبـي يلتـفـت فيـهـا
و خيـر المنـاوي كلهـا طاعـت الرحمـن= لـوا هنـي الـلـي صـلاتـه مصليـهـا

روعــــــــه ياخالد يعطيك العافية على النقل المتميز الراقي

و أحب الهنوف اللي لها في الحشى مسكـان فتـات علـى السنـه عــزاز موطيـهـا



ستيره و لا تحرص علـى فتحـت البيبـان و لا تلتفـت للـي يبـي يلتـفـت فيـهـا


صح الله لسان قايلها

وسلمت يدين ناقلها

احساس واثق الله يسلمك ويسلم غاليك شاكر لك

لا هنت أخوي أبو عويد
على حضورك وتواصلك معنا
واختيارك الطيب لهذه القصيدة الرائعة

السلطان عسولة شاكر مروركم دمتم في خير