قرب لي الفنجال والكيف صبه

بسم الله الرحمن الرحيم
الحمدلله وحده والصلاه والسلام على رسول الله سيدنا محمد وعلى اله وصحبه اجمعين
هذه القصيده مهداه الى الابن / حمود بن محمد بن حمود بن طلحان المذاهبي الحارثي من الشيخ
(ابن طلحان) محمد بن حمود بن طلحان المذاهبي الحارثي وهو ان شاءالله عند حسن الضن به
واتمنى من الله العلي القدير ان يفك اسره عن قريب

قرب لي الفنجال والكيف صبه=عندي نصيحه في بيوت مقفاه
الجاهل اللي مانشد عنك كبه=خله يروح بسكته لاتحراه
اما مدحته في القفا لاتسبه=هرج القفا مذموم لو زان مرماه
ماهوعلى شانه على شان ربه=اللي جميع الناس تركع وتخشاه
تراك منت ب مقنع من تحبه=لوكان تاصل عند بابه ترجاه
واللي ينزل لحيته للمكبه=ينفض غبار الذل عنها بيسراه
وسوق الردا ياذيب حذرا تطبه=يفرح عدوك بالخبر يوم يلقاه
وترا الفتى قلبه سوات المنبه =اذاغفى في وقت جاء وقت نباه
وكان الفتى للعلم مالد لبه =ترا النصايح والمعاني تعداه
وهرج الردا ياذيب لاتنكب به=يجيك ميسم ماتحمل كواياه
والناس فيهم بالرجال امتشبه=يبا يسوي مثلهم مير ممداه
ياراعي المشعاب لاتنضرب به=من لايحسب الناس فالد رب تاطاه
ياغافل افطن لاتحول بغبه=من لايحسب عالي الموج يغشاه
خلك سوات الذيب والريع ذبه=العاقل الي ينتبه وين ممشاه
العقل زينه والوفا فيك ربه=ترى حلات الرجل عقله ويمناه
واذا سمعت اذان مولاك لبه=الضايع الي ضاع دينه ودنياه
كم واحد الشيطان قبلك لعب به=لو لحيته شبرين ضايع بعمياه
والاحمق الي مالقي الطب طبه=بين الوهم والهم ماحصل ادواه
فتح عيونك لطريق ومطبه=لاتسلك الا درب تعرف خفاياه
وان كان ماجاك الولد في مشبه=لاشاب مايلحق على العزوابناه
العز وصفه معتلي فوق تبه=يبا الصبروالباس من شان ترقاه
والجو لو هو زان لك في مهبه=ماهو بدايم لك على ماتمناه
قولي وعلمي من على راس قبه=شامخ شموخ طويق من عز مولاه
وكان الفتى للعلم مالد لبه=ترى النصايح والمعاني تعداه

الله يفك أسره عن قريب
صح لسانك أخوي
ولاهنت

حياك الله يابن طلحان
وصح لسان الشاعر
والله يفك اسره

كلمات من ذهب
وبارك الله فيكم جميع

بنت النشامى الاخ سفير
تشرفت بمروركم شكرى وتقديري
مع تحيات ابن طلحان

ابن طلحان

قصيده رائعه
وكلماته اروع
الله يفك اسره
يارب في اقرب وقت
وجزاك الله خير
لاخلا ولاعدم
تقديري

الله اكبر قصيده تكتب بماء الذهب

صح لسانكك يبن طليحان وبيض الله وجهك ع القصيده الجزله

والله يفك اسره ويفرج عنه

هلا بك يا ابن طليحان
والله يفك أسر الأسير ويعجل بالفرج عليه
وصح لسان الشاعر ولا هنت يا بعدي

الاخ/السلطان
الاخ/ بحر القوافي
الاخت/ حنين
تشرفت بمروركم ومجاملاتكم التي اعتبرها
وسام شاكرأ لكم ذلك
كما لايفوتني ان اشكرسعاده اللواء
سلطان بن عايض الشدادي الحارثي
الذي لم يبخل عليه بالجهد والمال
فمن منتدنا هذا اشيد بجهوده
وادعي الله ان يطيل في عمره
ويصلح له ابنئه وكذالك لايفوتني ان ادعوى
بالرحمه لشيخ /ابو سعد (ابن هلال )حاتم بني الحارث
حيث كان من المساهمين في اعتاق
رقبة ابني بعد موافقة الورثه بالديه
وكما احب ان اشيد بقبيلة بنيوس واخص
منهم اهل قيـــــــــــــــــــــــــــــــــــــــــــــا
الذي حملوا عني كل الحمل بوقفتهم التي
جعلتني انسى المصــــــــــــــــــــــــــــــاب
كما ان القبيله الذهبيه الملقبه من الشاعر
والمقدم المعروف /محمد بن سعد بن سلمان
البلاهدي الحارثي قبيلة المذاهبه كان لهم
الحض الوفير من هذا الاجتماع والتبرع
حيث كانوا في اشد الاهتمام لموضوعي
وخصوصأ خامسي الذي يحق لي الافتخار
بهم وبمجهوداتهم الجباره حتي نلت ماتمنيت
وهو خامس الهــــــــــــــــــــــــــــــــــــــلابين
هذا والســــــــــــــــــــــــــــــــــــــــــــــ ــلام
مع تحيات ابن طلحااان

ابن طلحان

صح لسانك ولاهنت على القصيدة الجزلة

والله يفك اسرة واسر جميع المسلمين

قصيدة جزله يابن طلحان
تحياتي لك
القصيده مأخذها الوحيد (على شان ربه)