مرسدس اسود

راكب الي لانهمته جا في نبيره بلا =يحسب السرعه وضغطه ومصروف الوقود
ما تكاود للمسافه لادعستله علا =كل جسمه ناهضن ما تساوى لركود
مرسدس اسود وشكله كنه عيون كحلا= رابيه في بيت عز ولا يجوز الها زهود
لابغت شين من الدنيا يدان ويندلا =ورث ابوها وجدها من قبل عاد وثمود
لا نطحك الموتر الي في مزاياه يغلا =فارهن في مركبه ويحن قلبك له تقود

لـيـت عـنـدي مـرسـدس أسـود يـافـضـي يـاهـلا= الـفـخـامـة مـن يــبـــيــهـا مـا يـحـســب لـلـنـقــود
يـكـفـي الـمـركـب وســواقـه مـشـخــص لـلـمـلا= الـشـبـح قـالـوا لـه وراعـيـه ابـن نـعـمـة يـجـــــود
ســرعـتـه حـول الــثــلاثـــمــيــة وديـكـوره حــلا= فـيـه سـرعـة طـايـرة أســرع مـن طـيــور وفـهــود
كـل بــنــت شــافــتــه يــلــفــت نـظــر ريــم الـفــلا=والـشــبـــاب يـتـــابـعـــونـه بـالـنـظـر فـيـهـم حـســود
والـمـنــافـس لــه قــلــيـــل ومـن بــلاده يــكــمــلا= مــيــر عــنــدي مــوتــر يـقـضـي لـزومـي فـي حــــدود
أنـت زودت الـوصــــوف بــحــبــتــيـــن أقــــول لا= مـــالــــهــــــا داعـــي كـحـيـلـة لا ولا عــــــاد وثــمــــود

مجاراة رائعه ... سلمتوا وصح لسانكم ... فعلا امتاع وابداع .. ...

الله الله يا الفضي

وصح لسانك يالحمداني

من طول الغيبات جاب الغنائم وأنت راعيها

بيض الله وجهك وننتظر جديدك لا هنت

الى الأخت العزيزة المستحيلة
ــــــــــــــــــــــــــــــــــــــــــــــــــ ــــــــــ
بـارك الـله في زمان جابني للمنتدي دون قصد الا المحبة للجماعة والجميع
مرأجاري شاعرومرات مع رجع الصدى واشكرك يابنت والمعروف عندي مايضيع
===============================================
===============================================
الى الأخ العزيز السلطان
ــــــــــــــــــــــــــــــــــــــــــــ
أحمد الـله يوم حصلت الوناسة والهدى دين ودنيا واهتمامات على البـال الوسيع
من يدور غيرها يضيع مجهوده سدى مـنـتـديـات الـشـداديـن الـحـيا وقت الربيع
==============================================
==============================================
هذا ولا شكر على واجب , ولكم حق أكثر من كلمة شكرا
فالسلطان أنت مؤسس هذه المنتديات , ولولاك بعد الـله ماوجدناها بارك الله فيكم .
والمستحيلة أنت _ ماشاءالـله_ أنشط الأعضاء مشاركة وجهدا طيبا مباركا .
بارك الله فيها وفي والديها وأولادها.
=============================================
ومشكور الشاعر الفضي على القصيدة الجزلة الرائعة والشكر موصول لجميع الأعضاء والزائرين والضيوف يامرحبا
ولا يهون الحاضر والغايب

وعلى الخير_ إن شاء الـله_ نلتقي بما ينفع الناس .

		المشاركة الأصلية بواسطة : اقتباس
	هذا ولا شكر على واجب , ولكم حق أكثر من كلمة شكرا فالسلطان أنت مؤسس هذه المنتديات , ولولاك بعد الـله ماوجدناها بارك الله فيكم . والمستحيلة أنت _ ماشاءالـله_ أنشط الأعضاء مشاركة وجهدا طيبا مباركا . بارك الله فيها وفي والديها وأولادها.

وسام على صدري .... الله يسلمك

صح لسانك أخوي الفضي

صح لسانك اخوي الحمداني

قصائد رآئعه جدا

ما قصرتوا الله يعطيكم العافيه

صحت ابدانكم والله يالنشاما

وبيض الله وجيهكم مجاراه جيده

لاكن والمشكله في لاكن .

يعطيكم العافيه وتقبلو

تحياتي

مشكورين ياشباب قصائد



رااائعه ولايهون الجميع

قصيده رائعه اخوي الفضي
وصح لسانك

ومجاراه جميله اخوي الحمداني

ويستاهل المرسدس