دروب الهجر

لك وجه تسالني عسى عندي اخبار= يامــــدور دروب الهجـــر والقطاعه
اتشوفني مسجون وارموشك اسور=في وسط عينك اتحرى الشفـاعــــه
تايه وادور بين الاضــــلاع لي دار=الحــــب واحـــد والخطايـــا جماعــه
محتار في قربك وفالبعد مـــــــحتار=مثل الرضيع اللي احرموه الرضاعه
ماعاد باقي لك من اعذارك اعذار=عذرك ضعيف ومايسر اســتــمــاعه
كنك تقول بتطفى الــنـــار بالــنـــار=يالضايع اللي منخدع فــــي ضياعه
ياما فرشت القاع من تحتك ازهار=الــــورد تحتك قـــال ســمع وطاعــه
خليتني اترجم احساسي اشـــعــار=محلا غلاك ونشوته وانـــدفـــاعـــه
احلى من الجلسة على شبة النار=في وسط روض زين الله قـــــــاعـــه
الصمت مايمشي على درب ثرثار=والصدق ماتبني عليه الاشــــاعـــه
خلك على ماقيل ماضي وتذكــــار=بياع مثلك قلبي اليـــــوم بـــــاعـــــه
لاجيت ابرجع لك وكن شى ماصار=قمت اتــــشوق للقـــمر وارتـــفاعــه
انا كذا مخلوق من خمسه انهار=حزن والـم وشعــر وخــيال وشجاعه
بيني وبين الحظ ممشى ومشوار=همــــي سنـــه وافراح دنياي ساعــه

الصمت مايمشي على درب ثرثار = والصدق ماتبنى عليه الاشاعه


صح لسانك ياخوي
قصيده رائعه

صح بدنك ياشاعرنا
ويسلمو على مرورك
كلك ذوق

قووويه والله قويه

منت بهين ي خي المفروض لونك اخضر مثل الشعراء

ابيات قصيدك جميله واعجبتني بالحيل واستمتعت بقراتها


اتمنى تواصل

صح لسانك وبيض الله وجهكْ..

لاهنت ولاهان غاليك