بدع و ردع

السلام عليكم و رحمة الله و بركاته


يسعد لي ( مساء .. صباح ) كلّ عين مرت و قرأت و أرمشت


أعتذر عن إنقطاعي المفاجئ



أضع بين أيديكم بدع و ردع جرت بيني و بين الشاعر : عويض بن علي بن فهيد الشدادي



كانت البدايه من الشاعر : عويض

سلام من شعرٍ مثبت و منضوم=آزن موازينه و صاحٍ القافه
من معرفه و البيت ثابت و محكوم=و لا جاء لزومه ما عليّه كلافه
جيت البحر و أخذت ساعه من اليوم=و ترى البحر يا طول فيه المسافه
و قال: البحر بعطيك مشهد و مختوم=هذا كلام البحر و الك أعترافه
و أليا بغيت الدرب ماني بمنجوم=و لا أمشي مع أهل المخطيه و اللقافه
راح رمضان و شهر الأحسان و الصوم=و طوْيت سجلاته سوات الصحافه
و من العايدين و عيدكم يا سْعد اليوم=و كلٍ هلال الفطر بالعين شافه
في وسط صيوانٍ من الربع مزحوم=و الرآي راي و لا نحب الضعافه
ربعي على الأخصام سمٍ و مسموم=من راس داب الضلع و الخصم حافه
و في عامنا هذا تواردني هموم=همٍ ثبت بالقلب ما عاد طافه
الوقت ما يصرى ترى الوقت بثلوم=الله يا وقتٍ نشوف أختلافه
و يالله دبرنا على خير مقسوم=و نطلبك يا ربي لنا بالريافه
شيابنا و وجيها جعلها أدوم=أهل الحلال و كيفها و الضيافه
و من راح منا فاقدينه و مرحوم=و حسافتٍ يا كبرها من حسافه
حنا شدادينٍ هل الطيب و عزوم=و أهل الديار و ممنين المخافه

الرد :

الشعر يا عويض له أحكام و سلوم=و القاف ما كلٍ يصوغ أحترافه
المعرفه تبنى على حد و رسوم=مضمونها مطلوب عز و نظافه
و ليا بدعت الشعر ما أنته بمليوم=شاعر و لا تمشي دروب الكسافه
شاعر و لك عرفك مقدر و محشوم=و ليا نويت الشعر ما به صلافه
و لا كل من هاز البحر يقدر يعوم=ألاّ خبير فاهمٍ بإكتشافه
يسبح و عينه ما سرق طرفها نوم=يسبح و بيت العز و الجود ضافه
عيدك مبارك و أنت بالطيب ملزوم=الله يجيرك من زمان المخافه
و يجير ربعٍ صيتها يرفع القوم=ساس الوفاء و المرجله و الشرافه
ربعي بني شداد ذربين و قروم=هذا كلامٍ خالي من الزهافه
يوم الليالي بين داحم و مدحوم=تقدم على اللي كل طيبٍ ينافه
يفرح بهم من كان في الوقت مضيوم=اللي زمانه حاديٍ به و عافه
الطيب لزحول الرياجيل مرسوم=طبعٍ لهم و الطيب بيّن وصافه
و إن كان وقتك ما صفالك و محسوم=قبلك رجالٍ لاعهم في مطافه
كم شيخ قومٍ للمواقيف قيدوم=همه سكن فالقلب و أبطى أعتكافه
و أصبح ضميره من عنى الوقت ما سوم=و سمٍ برى حاله و في الوقت لافه
أصبر و من عند الولي ما أنت محروم=خلك جمل للصبر و افه

تقبلوا تحياتي


تركي بن سفر بن عواض الشدادي

الله الله الله ياصقر قيا

صح لسااانك ملاييييين وبيض الله وجهك

انت وابو علي

على البدع والرد الجزل والغير مستغرب

من عمالقة الشعر

حياكم الله

ياهلا والله ياشاعرنا أبو سفر

ولاهنت على ماقدمته لنا

ولاهان أبو علي جميعكم شعراء ومن فحولة الشعر

وعساها آخر الغيبات وإن شاء الله تواصلك معنا بكل جديد ومفيد يالغالي

شاعر مبدع صراحة


وصح ألسنتكم جميع


ودي

أرحب تراحيب لها ساس و فروع


يا الله أنك تحيي أبو سفر أبو علي


صح ألسنتكم شعراء بمعنى الكلمه و لا منازع للجمال الذي أتيتم به من بعد طول غياب


وافين يا ربعنا وافين



ننتظر جديدك بكل شغف



رسام

بدع ورد

في غاية الروعة

بيض الله وجيهكم

دمتم بخير

كفو والله ياتركي

ابداااع ماله حد

صح لسانك مليووون انت والشاعر عويض

ولازم نشوفك دايم ونشوف قصيدك

تحياتي

صح لسانك يا ابو سفر انت وابو علي

ابداع من شعراء كبار مثلكم

الله يعطيكم العافية

دمتم بخير

بيض الله وجهيكم
قصايد جزله

والله لايهينكم

ولاهي غريبه
شعار كبار
تقبلو مروري






تحياتي

بدع ورد

في غاية الروعة

بيض الله وجيهكم

دمتم بخير