الشعب مقهـور

قولوا لبو متعب ترى الشعب مقهـور=ياخـادم البيتيـن امسـك عصـاهـا
ضاعت فلوس الناس مع كـل هامـور=ومثلك يعرف البير ويعـرف غطاهـا
من سي لاسوأ وبين عاثـر ومعثـور=وسهمك 0وهو سهمك رموه بخلاهـا!
كيف اشكي العله علـى كـل دكتـور=والطب عندك وانـت تعـرف دواهـا
ماخافـو الله خالـق النـار والنـور=حتـى الأرامـل شاركوهـا بعشاهـا
ياقلبي اللـي فيـه نيـران وحـرور=ضاقت علي دنيـاي وسكـر فضاهـا
سوقك بلون الـدم باسبـاب مغـرور=يضغط علـى سابـك وكسـر يداهـا
في عشر اواخر نرجي الذنب مغفـور=قامـوا علينـا قومـة ٍ مـا وراهــا
واعمار صارت دمهـا اليـوم منثـور=وخاب الرجاء باعمار واللـي رجاهـا
ياما بنينـا فوقهـا ابـراج وقصـور=وراحت سدى والسوق دحـدر معاهـا
كم شاب قال ابغى اتزوج من الحـور=وافلس وبيره جف مـا شـاف ماهـا
وكم راعي أسره أصبح الصبح مفقـور=العيـد بكـره واسرتـه مـا كساهـا
وقمت اتفكر وادرس الـراي والشـور=قلت ازبن لصقر العروبـه .. ذارهـا
بكلمه تجي من عنده اليـوم مسـرور=والسوق يرجع عشب يـروي ظماهـا
يادرعنا لا صـار بالكـون عاصـور=كم صرخة ٍ للنـاس تسمـع صداهـا
يالحر 00 يابن الحر 00 والحر مخبور=قاد الحـرار الشامخـه فـي سماهـا
ما يلحقك يا سيـدي شـك وقصـور=لكـن رسالـه ياصـلـك محتـواهـا
انـك ابونـا والرجـا فيـك موفـور=عدلك شمـل كـل الديـار وغشاهـا
جوني يعزوني على السـوق ماجـور=قلت البقـا بالشيـخ يطفـي لظاهـا
ويرد لون السوق عشبـي ويخضـور=مثـل علـم دار السعـود وصفـاهـا
خيرك عميم وشاكر النـاس مشكـور=ومزن الحيـا عـم البـلاد وسقاهـا
انت الرجا بعد الولـي تدفـع الجـور=واسلم عساك تدوم وتحمـي حماهـا

ماقصرت ابو اثير بس القصيدة لمن ؟؟

صح لسانك اخوي ولاهنت على القصيده الرااائعه

صح لسانكـ أخوي الغالي



ولا هنت على القصيدهـ ..!

صح لسانك والله أبو أثير

والله صادق حتى سهم مدينة الملك عبدالله ماسلم منهم

يعني مسيطرين على كل شي وطارحين السوق في الحضيض

أظن القصيدة لشاعرنا

عايش بن سعد الحرقان

ياليتك كتبت اسم الشاعر يا أبو أثير عشان يعرفونه الأعضاء

صح لسان راعي القصيدة وبيض الله وجهه فقد تكلم عن معاناة الشعب

وسلمت يمينك يا أبو أثير على النقل

		المشاركة الأصلية بواسطة : الليث اقتباس
	ماقصرت ابو اثير بس القصيدة لمن ؟؟

القصيده اخوي الليث للشاعر الي قالهاالي ما عرفت اسمه
لاكن اعجبتني ونقلتها لكم واسف الغلطه غلطتي
ماكتبت منقول اكرر اعتذاري شكرا علي المرور

		المشاركة الأصلية بواسطة : البرنس اقتباس
	صح لسانك والله أبو أثير والله صادق حتى سهم مدينة الملك عبدالله ماسلم منهم يعني مسيطرين على كل شي وطارحين السوق في الحضيض

صح بدنك اخوي الغالي البرنس وصح السان قايلها
اشكرمرورك العطر

		المشاركة الأصلية بواسطة : السلطان اقتباس
	أظن القصيدة لشاعرنا عايش بن سعد الحرقان ياليتك كتبت اسم الشاعر يا أبو أثير عشان يعرفونه الأعضاء صح لسان راعي القصيدة وبيض الله وجهه فقد تكلم عن معاناة الشعب وسلمت يمينك يا أبو أثير على النقل

والله يابونوره لواعرفه كان كتبت اسمه
لاكن اعجبتني ونقلتهالكم من معزتكم عندي
واشكرك كل الشكر على العمل الجبارالي تقوم به شكراًعلي المرور

تسلم يمينك يا بو اثير وصح لسان شاعرها

قصيده رائعه وتتكلم عن واقع وان شاء الله تزين الأمور

تحياتي لك