قصيدة محماس بن سعد في والده عندما كان بالمستشفى

تنفيذ لرغبه اكثر الأعضاء بطلب قصائد عمـــي الشاعـــر المرحوم/محماس بن سعد الشدادي

فأختر لكم هذه القصيدة :

قال هذه القصيده في والده عندمــا كان منوم في مستشفى الهداء بالطائف وكــان جدي رحمه الله عليه اذا افاق من الغيبوبة سأل عمي محمــاس هل أ نت مرخــوص من العمـــل.!!

وكــان قائد كتيبة العم محمـــاس العميــد : صايل بن شرار بن مهرس
والأبيـــات تتحدث عن نفسها..!

فقال هذه الأبيــــات

يــامل قلبٍ فيه ساهج ومسهـــوج = مع البلد ضيع نظام الأشاره
امشي مع الأسياب مكثر به الدوج = مستعجلاً ودي بفتح الزياره
وليا فتحت الباب هرجت بهروج = ولياه مايعرف بليل ونهـــاره
وليا نبه نظرت والبال مفروج = يسأل يقول انته مسكت الخفاره
قلت له انا مرخوص من قائد الفوج = مرخوص أنا يابوي من أخوان ســـاره
عيال عوداً مايسبه يقع عوج = أنا اشهد انه قادما في الاماره
إمارتاً ماهي بختماً له دروج = عقيد قوماً ناجبينه نمــاره
وليا نزل خلف الركايب عطى روج = بمسلباً بيداه يقدح شراره
ابوي حلاَل النشايب وهن عوج = سعد الرفيق وسِعد ربعه وجاره

رحمة الله على عمي محماس وجدي سعد واسكنهم فسيح جناته

وان شاء الله القصيده تحوز على رضاكم واعجابكم



تحيتي


تـــواقـــ

الله يسلمك تواقــــ اكيد اعجبتنا..
لاهنت يالذيب..

سلمت
ياتواقـ
على القصيـدة
والله يعافيك .............

اللهم أرحمهم برحمتك يا أرحم الراحمين

ووسع لهم في قبورهم واغفر لهم

الله يسلمك ياتواق ويبارك فيك

المستحيله

الله يسلمك ويباركـ فيكـ

نورتي القصيده ياغاليــه


تحيتي


تـــواقــ

مشكور يانواف والله يرحمهم جميعاً

الله يرحمه

يعطيك العافيه على نقلك

قصيده جميله وتستحق الاعجاب

الضيغمي

تسلم ياغالي على المشاركه


الله يعافيك


تحيتي


تـــواقـــ

مشكور اخي الكريم

والله يرحم فقيدكم الغالي علينا

كلنا برحمته الوااااسعه

السلطـــان اللهم امين


تسلم اخوي على الكلام الطيب

ونورت الموضوع بتواجدكـ المميز


لاعدمنـــاك ياغالي



تحيتي


تـــواقــ