قصيدة الملقوا العتيبي أستفسار من أبن مهرس وتركي الشدادي؟

حبيت أستفسر من الأخوان أبن مهرس وتركي الشدادي لأنهم متخصصين في هذا المجال
عن هذه القصيدة وشاعرها أسمه الملقوا الروقي العتيبي والقصيدة ورد فيها أسم جبال الوزر وورد فيها أسم الفارس سلمان الشدادي والشيخ مبارك بن مهرس وأبي قصتها إذا تعرفونها
وهذي القصيدة كما وجدتها

يا بندقي فالضيق شلاع الامتـان=لايبسن شفي ولـد الهدانـي
ياليت غاية نصفها لابن جرشان=قاعد مروي مصقَـل الهندوانـي
وإلا انه ابن ونيس والا ونيـان=يمديه جاوبنـي بعلمـن هجانـي
يا بندقي صيحي ونـادي ثنيـان=ياليت ابن حدري لحقها بعانـي
تكفون يا وازع طليقين الأيمان =وذوي محمد مورديـن السنانـي
ما في اقول افلان وفلان وفـلان=الاد نامـر يـا طـوال اليمانـي
بكره ليا جونا على العـد قطـان=ولزموا من السيسد اليا شفيانـي
وحنا قبالتهم على جـال مـران=ميراد اهلنا من قديـم الزمانـي
صيحي لاخو صيته حما كل زبان=زيزوم حمـرا جالهـا حندوانـي
يقود له نمـرا ويتـلاه صبيـان=تسعين غير مناتـلات العنانـي
في ردتن منا يزوغـن الاذهـان=بـالاد روق مفرقيـن الخوانـي
سوات ردتنا على ربع سلمـان=يم الوزر يـا خابريـن المكانـي
ولو لا مبارك كان ما فيه عقلان=عيا على التالين بالهندواني
يهوي كما يهوي من الجو شيهان=ما يفرس ألا في الجنوب المتاني
فعل النشاما ما يغبا ليا بان=والكذب ما والله لفظ به لساني
والردة اللي يـم رمـرم ورايـان=والرده اللي من ورى خشم اباني

أخوي صريح بيض الله وجهك

على ماتفضلت به طال عمرك

أما بالنسبه للقصيده ومناسبتها

ماقد مرت علي ولكن ابن مهرس

يجيب العلم

بإذن الله نلقى الجواب الشافي عنده

وسوف أهتم بهذا الموضوع وابحث عن طلبك قدر المستطاع

وبإذن الله تجد مايسرك طال عمرك

واكرر شكري لك أخوي الغالي

بيض الله وجه ابن مهرس ما خلا شي للي عقبه وسبق الطيبين بطيبه الأمير ..

سالفة ذا القصيدة يابن عمي ..

إن السمره من الروقة على شيخهم عباس بن زيد السماري ، غاروا على الشدادين وجا عند البل ذابح ومذبوح ، لكن فارسنا سلمان بن حمدان بن مقبول الشدادي الحارثي رحمه الله ..

جاله فعل هاك النهار مع الروقه وافتكوا البل على ما اظن بعد ما جاهم الشيخ / مبارك ابن مهرس .

والشاهد قول الشاعر /

ولو لا مبارك كان ما فيه عقلان
ــــــــــــــ عيا على التالين بالهندواني


واما قائل القصيدة هو / متروك السماري العتيبي .

و مناسبة القصيدة أن الشاعر ينخى شيخهم عباس لإرجاع اباعره التي وخذت من البقوم ، ويذ ّكر أميرهم بفعلهم مع الشدادين ..

وإن شاء الله يكون جاك جواب استفسارك .

شكراً أخي تركي الشدادي على حضورك
وأنا في إنتظار ما تجلبه لنا

مشكووور أخي قصاص المتون على هذه المشاركة الرائعة
وجبت الخير يا وجه الخير وما قصرت وأكرر شكري لك ولأخينا تركي الشدادي
ونحن في إنتظار أبن مهرس

يا بندقي فالضيق شلاع الامتـان=لايبسن شفي ولـد الهدانـي
ياليت غاية نصفها لابن جرشان=قاعد مروي مصقَـل الهندوانـي
وإلا انه ابن ونيس والا ونيـان=يمديه جاوبنـي بعلمـن هجانـي
يا بندقي صيحي ونـادي ثنيـان=ياليت ابن حدري لحقها بعانـي
تكفون يا وازع طليقين الأيمان =وذوي محمد مورديـن السنانـي
ما في اقول افلان وفلان وفـلان=الاد نامـر يـا طـوال اليمانـي
بكره ليا جونا على العـد قطـان=ولزموا من السيسد اليا شفيانـي
وحنا قبالتهم على جـال مـران=ميراد اهلنا من قديـم الزمانـي
صيحي لاخو صيته حما كل زبان=زيزوم حمـرا جالهـا حندوانـي
يقود له نمـرا ويتـلاه صبيـان=تسعين غير مناتـلات العنانـي
في ردتن منا يزوغـن الاذهـان=بـالاد روق مفرقيـن الخوانـي
سوات ردتنا على ربع سلمـان=يم الوزر يـا خابريـن المكانـي
ولو لا مبارك كان ما فيه عقلان=عيا على التالين بالهندواني
يهوي كما يهوي من الجو شيهان=ما يفرس ألا في الجنوب المتاني
فعل النشاما ما يغبا ليا بان=والكذب ما والله لفظ به لساني
والردة اللي يـم رمـرم ورايـان=والرده اللي من ورى خشم اباني

حياك الله يا صريح ومرحبابك

والأخوان فيهم الخير والبركة والشدادين كلهم عوارف وما يقصرون

وأشكر كلاً من الراوي تركي بن دابان وقصاص المتون وخيّال الشدادين على مشاركتهم

والقصيدة هذي سبق وأن أوردت بعض من أبياتها مع مناسبتها على هذين الرابطين

http://www.shdadeen.com/vbq/showthre...616#post513616

http://www.shdadeen.com/vbq/showthread.php?t=37192



والمناسبة هي كما أوردها هنا أخونا قصاص المتون بيض الله وجه ولكن مع إكتمال القصيدة نجد أن الشاعر متروك الملقوا السماري الروقي العتيبي يطلب بندقه وليس كما روى لي بعض الرواة بأنه يطلب أباعره وذلك يتضح من البيت الأول عندما قال الشاعر:

يا بندقي في الضيق شلاع الأمتان = لا يبسن شفي ولد الهداني

لذلك نقول أن الشاعر متروك الملقوا العتيبي قال القصيدة في أميرهم عباس بن زيد العتيبي ( أخو صيته) ينخاه لرد بندقه من البقوم ويذكر أفعالهم مع قبيلة الشدادين..

وفي القصيدة ورد أسماء شيوخ من قبيلة البقوم وهم:

1- الشيخ الفارس قاعد بن جرشان البقمي رحمه الله
2- الشيخ الفارس ثنيان الغرمول البقمي رحمه الله
3- الشيخ الفارس مقعد بن حدري البقمي رحمه الله


هذا ما أردت إيضاحه وأشكر الجميع على مشاركاتهم

والمنتدى يحتاج لأبناء الشدادين الأوفياء الذين يهتمون بتاريخ أجدادهم ويحافظون عليه من الضياع .. أخوكم ابن مهرس

خيال الشدادين مشكور على مرورك وتنسيقك للقصيدة
دمت كما تحب

طول الله عمرك يا مؤرخنا أبن مهرس
ودمت متألقاً في سماء منتديات الشدادين