قصيده للشاعر بسيس رد على الشاعر عبيد ابن سلطان

سلمت ياشاعر منه الخبر جاني=يبى يداوي عيون الناس واعماها
عبيد مااعطوه ربعه ويتحداني=عيو على بنتهم طيب تحداها
وان كان وده يسوي له تجنجاني=بيموت يبطي وعينه ماتحلاها
هواك كلن سمع به سر وعلاني=وبسيس لازم حدوده ماتعداها
هويتك لاجزاها الله بالاحساني=اصبر يابو عيد لاقفت مطاياها
لاتوجه الوم الي يابن عريماني=اصبر لما جاك معتدله وعوجاها
وانا يابو عيد لو العلم ينصاني=وقفت لك وقفة كنك تحلاها
وان كان ياعبيد من ماجاك زعلاني=الارض غلق حياها واشربت ماها
العشق ماهو مجرد حكي بالساني=وقصايد عند بعض الناس يقراها
ياعبيد من يتبع المقفين غلطاني=نصيبها جالها منته بوياها
البيت ياعبيد له طاقه وبيباني=والمقفيه صد عنها لاتقفاها
ياعبيد ابويه عن العالات وصاني=واقفيت مالي بغيض الناس وارضاها

قصيدة جــــــــــــزلة أخوي أنحش جيتك

لاهنت يا ذيبان .!!

صح لسان الشاعر بسيس

ومشكور على النقل

الله يرحم الشاعر بسيس ويسكنه الجنّة
ويمدّ أبو عيد بالصحّة وطولة العمر إن شاءالله ..

مشكور أخوي انحش جيتك والله لايهينك على النقل ..

((قصيدة جزلة من شاعر جزل ))


بس ودي اعرف اخوي انت من تطرد؟؟؟؟؟؟؟؟؟؟؟؟؟؟




ههههههههههههههههههههه

بارك الله فيكم جميع
اخوي سداح المعنى في بطن الشاعر

انحش جيتك

انحش جيتك

انحش جيتك

صح لسان بسيس الله يرحمة ويسكنه قسيح جنانة

وماقصرت في جلبك للقصايد الرائعة

صح لسان بسيس والله يرحمه ويسكنه الجنه

ولاهنت يافواز اذا قصيدة ابوي عندك ارسلها لي

صح السانه مدد بلا عدد
تحيتي لكم

وان كان ياعبيد من ماجاك زعلاني
الارض غلق حياها واشربت ماها
رحمت الله على بسيس بن حديد رحمه واسعه وعزالله انه شاعر القصيد اللى له معنا ومبنا وجزاله وياليتك عطيتنا الرد من ابو عيد وسلمت وسلم راسك على النقل الراقي
تقبل تحياتي,,,,,