|
||||||||||||||||||
أشوا .. بسيطه
السلام عليكم ورحمة الله وبركاته مساء / صباح السعاده والهنا للجميع هذي قصة رجل مع زوجته سمعتها وحبيت أحكيها لكم وهي واقعه وحقيقه رجل كان بالعمل وجاه إتصال من أخو زوجته وقال أبونا توفي الله يرحمه ونبيك تجينا وتجي بفلانه ولاتعلمها تراها تحب الشايب وخايف يصير لها شي اذا سمعت بالخبر وقال أوكي ورجع البيت وحصل زوجته وقال يا الله اجمعي ملابسك وملابس عيالك واحسبي حسابك بتجلسين في بيت ابوك شهر تقريباً . قالت وليه قال أنا بصراحه زواجي الليله وبسافر مع زوجتي الجديده خارج المملكه وبطول وخليكي عند أهلك أحسن قامت تحط وتشيل وكأني أطالع فيها تشيل الحاجه وترجعها مكانها عشر مرات ههههههههههههههههههههاي المهم جهزت شنطة ملابسها وملابس أولادها وقالت يا الله انا جاهزه ولاعاد لي نفس أجلس في هالبيت أصلا ومن زمان ودي اترك هالبيت وخلنا نمشي بسرعه وعلى فكره لايجي في بالك إن أهلي بيرضون عن فعلتك ولاتحسبهم بيباركون لك أنا ماني رخيصه عندهم وبتشوف وش بيسوون فيك كأنهم بيشنقونه على بالها هههههههاي المهم قال يا الله اركبي بس بالسياره ومشينا وخلينا من الحكي وطلعوا بالسياره وطول الطريق وهي تدعي وتمتم وتزفر وتون وكل ما كلمها واحد من عيالها قال اسكت بس انا عارفه إن نهايتكم قريبه وانكم بتضيعون ومالكم مستقبل الله ياخذ اعماركم بس أحسن لكم من العنا والشقا اللي جاي في الطريق كأنها تعلم الغيب أستغفر الله ههههههههههههههههههه المهم كانوا مسافرين من منطقه لمنطقه وطول الطريق وهي كأنها صائمه ما ذاقت شي المهم يوم وصولوا أمام البيت وليا فيه سيارات كثيره طبعا سيارات المعزين قالت أيه شوف أهلي كلهم متجمعين أكيد دارين بفعلتك الشينه وبتشوف هالحين كيف يستقبلونك عقب الغلا اللي كان لك في قلوبهم قال إسمعي انا والله ماني متزوج ولاشي يام فلان ولا أبي الا أنتي وانتي عندي بالدنيا كلها بس انا انجبرت أكذب عليك لأني ماقدرت أقول لك الحقيقه قالت وش الحقيقه قال اسمعي إذكري الله وتعوذي من الشيطان وأنتي مؤمنه وتخافين الله وبعدين الناس شوفي كثرهم لاتفضحينا ويطلع صوتك قالت وش العلم بس قول ولاعليك قال صراحه أبوكي مات أمس الله يرحمه ولاحبيت أعلمك إلا هنا قالت اشوا بسيطه !!!!!! هذي قصه حقيقيه معقول ياناس تقول هالحكي يعني موت أبوها أهون من زواج زوجها عليها أتمنى تعجبكم وأتمنى أسمع تعليقاتكم واجاباتكم على سؤالي تحياتي
|
28 Mar 2012, 12:43 AM | [ 2 ] | |||||||
عضوة متميزة
|
رد: أشوا .. بسيطه
خبله وربي الحين زواج رجالها عليها اهون من موت ابوها والله موته وخيانته وزواجه علي اهون من موت ابوي مافي مثل الاب ولا احد يقدر ياخذ مكانته لو مين كان الله يرحمه ويغفر له شكرا على القصه الله يعطيك العااافيه |
|||||||
|
||||||||
28 Mar 2012, 01:56 AM | [ 3 ] | ||||||||
مؤسس شبكة الشدادين
|
رد: أشوا .. بسيطه
ههههههههههههه لا حول يا أبو علي من جد أشوا قرأت القصة هذي قبل سنوات وهي من القصص التي لا تنس أبداً لا هنت ولا هان غاليك |
||||||||
|
|||||||||
28 Mar 2012, 02:26 AM | [ 4 ] | ||||||||
عضوة متميزة
|
رد: أشوا .. بسيطه
هههههههههههههههههه وشو أشوا أعوذ بالله منها ما عندها احسسسساس ابد هذا الاب ومآ أدراك ما الأب الله يحفظ ابوي ويخليه لناآ مششكور أخوي |
||||||||
|
|||||||||
28 Mar 2012, 06:16 AM | [ 5 ] | ||||||||
عضوة متميزة
|
رد: أشوا .. بسيطه
في خاطرها وجع يوم ولا كل يوم وكلٍ بيموت ما احد باقي ولا حرقة قلبها الله يخلي لي أبي وامي ويطول في اعمارهم يارب |
||||||||
28 Mar 2012, 02:07 PM | [ 6 ] | ||||||||
شاعر
|
رد: أشوا .. بسيطه
هلا بالجميع شرفتوني بالمرور لكن ماجا أحد جاوبني على سؤالي صح يابو عبد الله يمكن تكون السالفه قديمه بس انا ما سمعتها الا قبل كم يوم ولاكتبتها الا البارح استغربت كيف يمكن تقول هالكلمه مصيبه والله يعني موت ابوها اهون من زواج زوجها عليها معقول تكون كل النساء كذا ياحسافه اذا كان صحيح وياتعبنا وكدنا على الفاضي وهذا يمكن يكون جزاؤنا في يوم من الايام ويمكن يصير معنا كذا واذا زوجنا بناتنا اكيد بيفضلون رجالهم علينا في اتفه الامور والله قهر هههههههههههههههههههههههاي تحياتي |
||||||||
28 Mar 2012, 06:37 PM | [ 7 ] | ||||||||
عضوة متميزة
|
رد: أشوا .. بسيطه
يعني أنت ودك اتناقش !! المفروض نزلت موضوعك في قسم النقاشات مو القصص تحياتي |
||||||||
28 Mar 2012, 06:48 PM | [ 8 ] | ||||||||
عضوة متميزة
|
رد: أشوا .. بسيطه
من جد يصكني لو بعشر ولا اسمع خبر وفاة ابوي هذي مهوسه بزوجها بزياده ع اللزوم تسلم وحي يسعدك ربي |
||||||||
|
|||||||||
29 Mar 2012, 02:16 PM | [ 9 ] | ||||||||
|
رد: أشوا .. بسيطه
الحمد لله ع نعمة العقل الله لايبلانا ماقصرت اخوي وحي الالم ع ايراد هذه القصه |
||||||||
|
|||||||||
29 Mar 2012, 11:14 PM | [ 10 ] | ||||||||
مشرفة المنتديات الأدبية والتعليمية
|
رد: أشوا .. بسيطه
يارب لك الحمد لالا لا لا يوجد أهم ممن سيكون سببا لي في دخول الجنة؟؟؟؟؟ وربي مخها ضارب الحمدالله على نعمة العقل تحيااااتي وتقديري |
||||||||
|
|||||||||