تصدق ولا ماتصدق

تصدق وإلا ما تِصَدِّق .. أنا عَاجِزْ عَنْ التفكير تعَالْ وشُوفْ في عينِيً غِيابكْ وشْ عَمَلْ فيني حبيبي ما بُقى عِندي صَبرْ .. يتْحَمَّـلْ التأخير = رَحَلتْ .. وعِقبكْ الدنيا غلاها طاح مِنْ عيني أجَاوبْ اللِّي يسْألني عَنْ أخْبَاري وأقولْ بخير = وأنا لا خِير بغيابكْ .. ولا حَاجَه .. تهنيني على طاريكْ كِلْ لحظه .. ولا أحتاج للتذكير = حَريصْ القلب ما ينسَى عيونِكْ , لا توصيني حَدْ يِقْدَر يعَوِّضْنِي لأنِّكْ .. في عيُوني غير = ومَهْمَا شِفتْ أنا الفرحَه .. بدونِكْ ما تسليني وكيف الحَالْ وشلوني .. جَوابٍ ما يَبي تفسير = بدونِكْ إنتْ , ما تِضْحَكْ حَياتي وترْمِشْ سنيني مِثلْ شَاعِرْ عِجَزْ يوصَفْ شعُوره وخانه التعبير = أنا ضايع .. ولا أدري مِنْ فراقِكْ .. أنا ويني مثلْ طيرٍ كِسَرْ بُعْدِكْ جَناحَه وما قِدَرتْ اطير = أحَاولْ أبْتِسِمْ وأنْسَى ولكنْ وشْ ينسيني..؟ أشُوفِكْ في صباحي إنتْ مَعْنَى يا صباح الخير = وأشُوفِكْ في مَسَائي حِلْم وردي .. لا تصحيني تِصَدِّق .. السَهَر يَرْسِمْ عيُوني ويتْقِنْ التصوير = ويشِقْ النُور في صفحة حياتي .. وما ألاقيني أنامْ شلونْ ومشكلتي عِجزتْ ألقى لَهَا تدبير = طِلَبتْ النُومْ .. لحظاته وعيَّا النُوم يعطيني تغيَّر وجْهَي .. مِنْ أوَّل غيابكْ وإبْتِدَى التأثير = حبيبي .. مِنْ التَّعَبْ كافي خذيتْ اللِّي يكفيني يا أغلى مِنْ رَحَل عنِّي يا كِلْ الحُبْ والتقدير = تعَاااااالْ إنْ كان لِي عِندِكْ مَعَزَّه وكان تغليني تعَالْ: إنْ كِنتْ تعشقني وإذا فِعلاً تبي لي خير = تعَالْ: ومِدْ لِي .. كَفْ الوَصِلْ .. وآمِدْ كَفيني إذا كانْ الجِفا واجِبْ بدى مِنْ قلبي التقصير = أبيكْ الحِينْ .. تِرجَعْ لِي ولا تِرجَعْ تخليني أنا ما أقولْ اللِّي صَار فِيني ما هقيته يصير = لأنِّي كِنتْ .. ( مِتأكِدْ ) .. بأنْ البُعد (ينهيييني) بحر العيون

اطلالة كاطلالة صباح جديد يحمل
بين نسائمه أرق القطرات النديه التي تتلألئ كنجوم الليل بكل رقة
على ارق واجمل حروف وكلمات خطتها لمسات يدك السحرية
بقلم تميز بروعة كتاباته اصدق وأنبل المشاعر السامية من شخص
اعتاد بحضوره النير والمشرق كاإشراقة خيوط شمس الصباح الذهبية
سيدتي الفاضله بحر الشوق
امر بمتصفحك وابحر بين ابداعاتك مع أروع احساس امتزتي بوصفه
اقف عاجزه بأن اوفيك بالرد الذي يليق بجمال وتألق ابداعاتك الجوهريه
أرفع قبعتي اعجابا وذهولا وتقديرا لشخصك الكريم

	سلمت اناملك ياعسل على الدرر التي نثرتها على ارجاء منتدانا فلا تحرمينا روااائع قطفك فنحن بنتظاره بكل شوق لكِ كل الود والتقدير

الله عليكِ يابحر ..

قصيدة رائعه بمعنى الكلمة..


سلمت يديكِ

اختي بحر العيون تنقلك بين الحرف ابداع قصيده رائعه

		المشاركة الأصلية بواسطة : اقتباس
	وكيف الحَالْ وشلوني .. جَوابٍ ما يَبي تفسير بدونِكْ إنتْ , ما تِضْحَكْ حَياتي وترْمِشْ سنيني

روعة روعة يا بحر العيون ..
تسلم يمينك على الإختيار الراقي
وَ الف شكر لك يا غاليتنا ..

بحر العيون
فديتك وفديت الشياكة
يالب قلبك كل مواضيعك عيد
تفرح القلب
ذوووق ورقي يا أنيقة
رووووووووووووووووعة مانقلتي لنا
ربي يحرسك لعين ترجيك
تقبلي متابعتي لك بشوق

بحر العيون
تشكرين كل الشكر على جلب لنا هذا النص الرائع
نص ابلغ من اي تعليق
صح لسان شاعرها
نص اعتلى للصداره
سلم لنا هذا الذوق الرفيع
دمتِ
بخير

قصيدة أكثر من رااائعة
سلمتِ يالغالية
والله يعطيكِ العافية : )

قصيدة جميلة

سلمت انا ملك

ربي يحفظك

"""