تويتات 140

صباح الخير جميعاً ...

تضٌمّ الحنايا لوعة الوقت والحرمان=وتمطربه الاحداق من دمعها الصافي
وإذا جهّت الدمعات وإنزاحت الأحزان=تهون الأمور الباقيه والله الشافي

※ ※ ※ ※

على هامش الذكرى وطاري زمانٍ فات=تغافلني الأفكار وتسوقني يمّه
وأنا والله إني لا طرى ما طرى حزات=أضمّ الحنين اللي يجي منه وأشمّه

※ ※ ※ ※

‏عسى الله يديم الأمن ويديم ستر الحال=ويضـفي على بعض الدعـاوي دعــاويها
أمــــورٍ خـوافيـهـا تضـاحك بـها الـجــهّـال=وتبكي عـواقـبـهـا الـرجــال وبــــلاويــهـا

※ ※ ※ ※

ياسود الأيام هاتي مابقى .. هاتي=لا تذخرين لعناي وضيقتي حاجه
ما يثني الوقت عزمي دون غاياتي=والله وعد عبده المهموم ب إفراجه

※ ※ ※ ※

علي سبيل الجرح يا وافي الجرح=لا تترك المجروح يبطي عذابه
صدرٍ يضيق من التفاصيل والشرح=وشلون لو طوّل عناه وصوابه

※ ※ ※ ※

أخطت مرابع دنيتي بارق الوسم=وأصبحت قفرٌ من الاحاسيس ماحل
ضاع العمر واللي بقى لي مغير إسم=مع باقي الأنسام .. في جسم ناحل

※ ※ ※ ※

بين الرجا والتمني والحلم جف الكلام=الرازق الله .. وخلق الله على فالها
إليا أنعم الله عليها تكاثرتك السلام=الزود في ما لها والنقص في حالها

※ ※ ※ ※


فهد سفر

الله الله
فهدسفر
هللت بسماءك
وامطرت بتويتات140
الله يجف القلم ويقف امام امطار قلمك لله درك
تقييمي وتقديري
جمال توتيات 140 شكري
ونقول وهل من مزيد

.




وَ أَوُقاتُكِ مَغبوُقّة بـِ الخيِر وَ الطمأنينّة يَ طيّبْ
أَبياتْ مُنوُعةّ المواضيِع زاخِرة المَعنىّ وَ المَبنىّ للهِ دُركْ
وَ صّح الله منطوُقكْ وَ لا هِنتْ .

رائعة جداً
صح لسانك ملايين
ونتمنى لك التوفيق والسداد

		المشاركة الأصلية بواسطة : نورة اقتباس
	الله الله فهدسفر هللت بسماءك وامطرت بتويتات140 الله يجف القلم ويقف امام امطار قلمك لله درك تقييمي وتقديري جمال توتيات 140 شكري ونقول وهل من مزيد

مرورك يزيدها جمالاً أختي الكريمه نوره الله يحفظك ..
بإذن الله سيكون هناك المزيد وآتمنى أن يرتقي لذوائقكم

		المشاركة الأصلية بواسطة : ! سارة الغيد ! اقتباس
	. وَ أَوُقاتُكِ مَغبوُقّة بـِ الخيِر وَ الطمأنينّة يَ طيّبْ أَبياتْ مُنوُعةّ المواضيِع زاخِرة المَعنىّ وَ المَبنىّ للهِ دُركْ وَ صّح الله منطوُقكْ وَ لا هِنتْ .

صح الله بدنك أختي ساره وفعلاً إستثنائيه فعلاً ومسمى ، الله يحفظك

		المشاركة الأصلية بواسطة : بنت النشامى اقتباس
	رائعة جداً صح لسانك ملايين ونتمنى لك التوفيق والسداد

ليس كروعة حضورك يالنشميه ، الله يحفظك
وصح الله بدنك مدى

سلمت يمينك و قواك الله اخوي فهد

يعطيكـ العافية على هالطرح

كفو والله يا شاعرنا العزيز
أبو سفر
والله يحييك تحية المطر

ولا أروع من هذه التغريدات الشعرية المميزة
ولا أجمل من سلاستها ومعانيها

تسلم ويسلم غاليك
وصح لسانك
واستمر يا بعدي

		المشاركة الأصلية بواسطة : علي القحطاني اقتباس
	سلمت يمينك و قواك الله اخوي فهد يعطيكـ العافية على هالطرح

الله يسلمك من كل شر يالذرب ويعافيك ويطول عمرك