يا شاعر القلطة ويا شاعر الزير

بسم الله الرحمن الرحيم

هذه القصيده موجهه لشاعر الكبير عامر بن منصور الشلواني(الحذيفه)

سلام ياللي تصخر القاف تصخير=سلام ياراعي العلوم السماني
سلامٍ احلى من حليب المصاغير=اقولها ياطيبين المجاني
هاض الضمير ودرت بعض التفاكير=اضبط قوافي الشعر والعمر فاني
هذي مقابيلٍ والاخرى مصادير=واليا بنيت ابني جزيل المباني
والمعرفه قالوا حظوظ ومقادير=وانا احمد الله ثابتٍ في مكاني
ياعامر انته من رجالٍ مناعير=طيب وشاعر فاهمٍ للمعاني
تشهد بني الحارث مع سبيع ومطير=وعتيبه الهيلا طوال اليماني
غير البقوم اهل الوجيه المسافير=ذكرك مع اهل الطيب طيب وباني
تمشي على علم الوفا صبح وعصير=تحكم قوافي الشعر يالمحكماني
اشوف لي عالم جيوش وطوابير=من واد ابن هشبل لوادي المحاني
اشوف لي عالم على العالم تغير= والمشكله من بينهم بالثواني
هذي سنينٍ يالسنافي محادير=ضاعت حقوق الجار يالمودماني
والبعضهم ماترغب العز والخير=ياربنا المعبود يالمستعاني
وقمت اتفكر يازبون المخاسير=هذا زمانٍ قيل له قلباني
ياشاعر القلطه وياشاعر الزير=ياشاعر الحرث فصيح الساني
يجيك خطٍ ناضمن له بتسطير=قافٍ يشوق اللي له الخط عاني
وصلاه ربي عد ماغرد الطير=وعداد من صلى وصام رمضاني
على النبي اللي على نهجه نسير=نبينا اللي وامرٍ بالحساني

وانتظرو رد عامر الحذيفه

بيض الله وجهك يا أبو سفر ولا هنت

أنت شاعر وعامر شاعر وعز الله إنك

كفيت ووفيت ويستاهل الحذيفة المدح

في انتظار رد الحذيفة

وتسلم يمينك يا راعي الجزال

صح لسانك يابو سفر وبيض الله وجهك

قصيده جزله ورائعه

وموجهه إلى شاعر كبير وجزل

في انتظار رد الحذيفه

ياشاعر القلطـه وياشاعـر الزيـر
ياشاعر الحـرث فصيـح السانـي
عز الله انه شاعر
قلطه وشاعر زير
وشاعر حظوره يرفع الراس..
وانت قصيدتك اعلاه تدل على انك شاعر بحر
اسعدني ماقرأته
وصح لسانك مدد

صح لسانك على هالرااائعه

والقصيدة الجزله ونحن في أنتظار رد الحذيفه

كل الود

عز الله أن عامر شاعر ابن الحارث وما فيها شك

ومن غير قصور في باقي الشعار,, لكن هو غير

وأذكر يقول الشاعر مسلط البقمي:

الله يعز الحكم لأبن سعود = وأنته منول ما تدانيني

ورد علاه عامر الحذيفه:

وقت ٍ مضى كان الحبل مشدود = ما كنت أشوفك في طرف عيني

وبيض الله وجهك يا أبو سفر وصح لسانك

ويستاهل عامر العلم الغانم

وفي إنتظار رد الحذيفه

بيض الله وجهك

ياصقر قياء

تقبل مروري

صح لسانك يا تركي وننتظر رد الشاعر الكبير الحذيفه

صح الله ابدانكم وبيض الله وجيهكم

لآهنتو على مروركم الجزل

صح لسانك ي صقر قياء
ولا عليك زود وهاذا ليس مستغرب عليك