سيِرة مُحمد بِن هَاديْ بِنْ قُرملّة

. هو الأمير محمد بن هادي بن غانم بن زعكان بن غانم ابن حسن من السحمه من الجحادر من قحطان, شيخ عموم قبيلة قحطان، شاعر علم وفارس امير من مشاهير الرجال الذين شهد لهم تاريخ القبائل ولد الشيخ ابن هادي في 1205 هـ وفي مصدر ضعيف في 1180 هـ وعرف أبوه بهادي بن قرملة نسبة إلى أمه قرملة بنت شاهر من الخنافرة من قحطان. استشهد أبوه هادي بن قرملة سنة 1226هـ في معركة وادي الصفراء إلى جانب الإمام عبد الله بن سعود وهـم يواجهون الحملة المصرية بقيادة طوسون باشا، وقد قتل في هذه المعركة عـدد من شيوخ القبائل العربية والفرسان المشهورين، ولكنها انتهت لصالــح الجيش السعودي رغم هذه الخسائر الفادحة. مدح القبائل في الشيخ/ محمد بن هادييقول الاستاذ محمد بن ناصر أبو حمرا العتيبي في كتابه (البادية النجدية)، ص163-164: ما نصه حرفياً ((الشيخ/محمد بن هادي بن قرملة؛ كان له دور مهم وواضح في أحداث نجد في منتصف القرن الثالث عشر الهجري، فقد كان زعيماً بارزاً في قحطان النجدية؛..... إلى أن قال: وكان الشيخ محمد بن هادي هو الأقوى في نجد قبل الدولة السعودية الثالثة، وكان لآل قرملة ولاء مستمر مع آل سعود منذ الدولة السعودية الأولى، ولم يكن الشيخ محمد بن هادي شريفي الميول، وهذا الموقف والقوة جعلت شريف مكة يطلب منه الحصان حرقان، الذي جاء طلبه عن طريق الشيخ/تركي بن صنهات، ولكن رفض الطلب؛ ومات الحصان وبقي صاحبه الذي قال "أدخل على الله ما يفشح على ظهر حرقان راعي الطربوش" يقصد الشريف؛ وهذا يدل على عدم الإنسجام بين الشيخ والشريف يومها؛ ولم أجد شيئاً عن وفاته)). وقال مسلم آل عليان الجحادر في محمد ابن قرمله : يتلون هذاب السرايا محمد أخو منيره زبن كل ذليـل مايركب إلا فوق كل شمره إصيل ولا يعتلا إلا إصيـل والله ياشيخ يعاشي محمد إن ذاك من بد الرجال هبيل . يقول أحد شعار عتيبه في محمد بن هادي بن قرمله : يالله مـن نـو يثـور قتـامـه=يسقي من العارض إلى نقرة الشام نبعد عن اللي ما تحلـل عظامـه=عيـت تبيـده الليالـي والايــام زريبه والضيـط راحـوا طعامـه=وحنا يقزينا المنازل مـن العـام لا شب ضوه فـي راس العدامـه=قمنا نربط غالـي القـش بحـزام # زريبه والضيط من شيوخ عتيبه يقول عبيد بن رشيد في ابن هادي : جانا جوابك يالشجاع ابن هادي=تقول لك بكروش عندي مثاني وقال في موضع آخر مخاطبا عباس باشا : يابيه انا لكروش لااهدي ولاابيع=قبلك طلبها فيصل وابن هـادي من قصيدة الشاعر/ سعد القرقاح العبيدي القحطاني، عندما حل على القبابنة من السهول يمتدحهم لجميل اكرامهم له، ومنها ذكر طرفا عن جماعته، ويقول فيها : قلته وأنا مانيب راعي مواكيـل=مير أعجبوني بالكرم والشجاعه قلته وأنا من روس ربعٍ مشاكيل=اللي خذوا علمان نجـدٍ قلاعـه آلاد قحطانٍ كما دافـر السيـل=اللي ظعنهم للمعـادي مراعـه وقال تركي بن حميد ممتدحا ابن هادي : ياراكب من فوق سلسات الاقـران=فج العضود وساسهن من عمانـي ملفاك من يروي شبا مقدم الـزان=عيد الركاب اللي بها الحيل وانـي شيخ نشا بالطيب من روس قحطان=عاداتهم فـك النشـب والعوانـي ويقول : ملفاك شيخ بالقسا يذبـح الكـوم=شيـخ وشيخـان القبايـل تدلـه تلقى محمد زبن من جاه مظيـوم=زبن الذليل اللـي مخيـف محلـه شيخ على الشيخان له حق ورسوم=تخاف من غيضه وتمشي رضا له جانا من الشايب مكاتيب وعلـوم=حي الكتاب اللي لفى حشمـة لـه الشايب اللي ينقل الكبـر والـزوم=باغي لحكمي مير انا عاصي لـه الله يغشك يـوم غشيتنـا اليـوم=تقرا الكتـاب ولا تهـاب المظلـه # ليه تدله !! عشان تقدم الجزية وتكسب وده ولاتهاب المظله : اي لايخشي خوض المعارك ويقول : يالله ياللي ماش حـال يكـود=هرب لطيف صرف الريح تصريف ارحم اللي وحدوا بـه جنـود=هحد صلح وحد تحدر على السيف # وش يقصد بحد صلح !! يعني أدى الجزية لابن هادي ويقول الشريف سلطان : جانا جواب معرب الجـد معـروج=ومعسـر لكـن حنـا فهمـنـاه جواب من ياخذ على نجد مخروج=ياخذ على من حل في نجد الشـاه وش عاد لو عيا محمد على الغوج=بخيل الطوالـه واحـد كنـه ايـاه إلى ان قال : انتم سهيل له مطاليع وبروج=وحنا القمر ليلة النصف غطاه يقول الشاعر ابن جروان العلياني يصف تاريخ نزول الجحادر في نجد: ثم حولوا يـم الدويـش بديرتـه= جنوب صبحـاء يمـة الزبـار خيال مهاوية الجمل ذي عزوتـه=يوم أغتشاء روؤس الهضاب قتار جيناه جهر ليـن اخذنـا حلتـه=ثم جندلـوا وطبـان بالمصـدار سقناه لين حنيضل جـاء دونـه=واللي سمع فينـا وراهـم نـار ثم التفتنا صوب (يام) بالحصي = ومنها حدينا يام بالاجبار ثـم التقينـا بالزحـول عتيبـه=حرار قطع مـن فـروخ حـرار سبعة شهور والقنا يقـرع القنـا = شجعـان لكـن وقتهـم منهـار سقنا حليمه ليـن جـاوا الحـره = اللي على لطم الحفيـف جسـار من نجـد عديناهـم ولاياتونـه = إلا بعـد جـاه وسـوق مهـار ولا هم الهيلا مدابيـس الوغـا = وأفعالهم غنـت بهـا الاطيـار واليوم يعرف حدهم مـن حدنـا = ومـن بيننـا مامونـه لاسفـار يقول الشاعر ضيدان بن عبد الله الروقي القحطاني ياللي علينا غيـرك هـرج واشيـن = حنا ترا هـرج الهمـج ماسمعنـاه لاتحسبـنّـا بنتـرجـا مقـفّـيـن = من صـد عنـا وابتعـد مارجينـاه ياشايـفٍ نفسـك ترانـا قحاطيـن = من شاف نفسه تحت الاقدام دسنـاه من خلقت الدنيـا وحنـا سلاطيـن = كم عـز قـوم بالمعـارك كسبنـاه يشهد لنا التاريخ يـومٍ علـى تيـن = عز الشريف وقوم ابن ضاري خذيناه حنا بنجد المجـد عالعـز راسيـن = والسيف فـي دم الاعـادي سقينـاه تاتي لنا الجزيه من يسـار ويميـن = تاتي لبن هادي على جـال مركـاه ويقول الجضعي الفهري : ياراكب وجنا تبـوق المراهيـق = كنـه ظليـم حاديتـه الخشومـي تنصا لنا شيخ دلاله علـى سيـق = محمد ولد هادي مـرد العلومـي يعطونه الاجناب قـب ملاويـق = وخذا الاصايل من الاحفة رسومي ويقول عيسى بن حصن الشرافا الدوسري : ياراكب من فوق درم الخفافا = مافيهن اللي ما بعد شق نابه تلفى على شيخ فعوله تشافا = مشيدن بيته تخالف ركابـه عليه شيخان القبايل تلافـا = ذا ناقلن هدوه وهذا كتابـه ويقول تركي بن جليغم الفهري : لما تقهوا روحـه لابـن هـادي = مادام راسه بدت الناس ماجـود ياما حكم نمرا تخفض الفـؤادي = مسواط نجد إلى غدا نجد مرجود يتلاه من قومه سوات الجـرادي = كم واحد في دقلهم شيف مـردود يعطونه الحكـام قـب جيـادي = وسروال تومان مع جوخ ماهود ويقول راكان بن حثلين : ملفاك ابن هادي كبيـر العمامـه=شيخ ورمحه مع هل الخيل مرسام اهديت لك نور السلف والجهامـة=ابغيك ذخر فـي مقابيـل الايـام ويقول محمد بن رثوان الروقي : خله يامن لـه ويـوم غـدا لـه=من فوق مطوي الحشا كنه الذيـب ملفـاك شيـخ ماتونـي دلالــه=تلقا العوادي وسط بيتـه مراقيـب حطيتنـي ياشيـخ مثـل الخيالـه=وان الخلق مايمنع الضان في الذيب يقول ابن شافي : ملفاك ابن هادي كبير العمامه=مكدر الصافي بعجات الايـام ويقول محمد بن هادي بن قرمله عن نفسه : مامنكم اللي تلهن بالخنانيـق=وانا ذراكم عن لهيب السمومي إلى ان قال انا جملكم في نهـار المساويـق=ان جا من العدوان خيفت علومي اشيل من ربعي من الغيض ماطيق=ولو انهم زعلين عندي حشومـي أنا أحمي المظهور لانشف الريـق=لما رمى المجمول بغطاه يومـي نجد خذيتـه بالسلـف والتفافيـق=وخيل تعاقب مثل طابـور رومـي والحظ مـن الله بخـط وتوفيـق=والعمر يفنـى والليالـي تدومـي وكذلك قال : يامن يخبر شافي ترى نجد ممطور=و وادي الرشا ماياخـذ الا ملالـه قل له يتنصى منزله قاعة الضور=ينصى غدير الشظو لما امتلا لـه وفي قصيدة أخرى له تحدث عن موضوع معين ثم ذكر عرضا منعة قبيلته وحمايتها لديارها بنجد : يافاطري ياللي ثمنهـا ثلاثيـن=والا معانقة الجمـل باندفاعـة ياما رعت من باطن زاهره زين=ميرادها عـد تعـاوي سباعـة يبرى لها قب سواة الشياهيـن=قب إلى هد القواصـر قطاعـة بديارنا كل العرب عنه عجزيـن=والا ترى قومي غدوا به طماعة وقال : ياراكب من فوق عشر ضواتـي=سبق القطا اللي نابغ من مطيرة مرباعها يم الحـوم وسفواتـي=في ماقع ماهو يقـزى بعيـرة ملفاك تني حامـي الجاذياتـي=قل الفرس فيها دعاوي كثيـرة اديتهـا بحبالـي الـوارداتـي=يوم ارتخت عنها الحبال القصيرة وقال موجها كلامه للشريف سلطان : نحدكم حد الجـوازي عـن المـوج=ونردكم رد البـدن صـوب مسنـاه هل سربة وان دبرت ركضها عـوج=وان اقبلت شروى الحـرار المغـذاة كم عندل تبكي على العـم والـزوج=تجر صـوت غافـي النـوم قـزاه وكم سابق تشرى من المال بخروج=غدت بـروس رماحنـا بالمثـاراة انا جنودي كثـر جـوج وماجـوج=حريبنـا لـو هـو بعيـد نصينـاه حريبنـا مايمـرح الليـل مفلـوج=والناس قد نامـوا وعينـه مقـزاه وعدونا لو قطـب الخيـل بسـروج=لازم يخلـي منـزلـه لانصيـنـاه ذا قول من يلوي على الهرج بهروج=يلوي ولا يلوى على بعض ملـواه وقال موجها كلامه لراكان بن حثلين : لابد من يوم نثـور عسامـه=اما على المطران والا على يام إلى ان قال : لي لابة حولتهم مـن تهامـة=سلاحهم مخ الفرنجي والاروام حنا كما سيـل يطـم العدامـة=حول على طاش البحر له تلطام إلى ان قال : كم شيخ قوم مطلقين حزامـه=من عقب الجوخ قدوا له الخام وقال امام الامام فيصل بن تركي : لو كنت عود لـي افعـول عنايـف=وربعي اتطاوعني على الهون والكود حنا علـى ضـدك جبـال نوايـف=وحنا لك اطوع من عنيبر ومسعـود لي لابة تـروي حـدود الرهايـف=لا جا نهار فيـه حـاوي ومـردود مانشتحن من حرب كـل الطوايـف=والى بدا لازمـك حنـا لـك جنـود شد العتيبي من ورا كشـب خايـف=ولا يحدر كـود يبـرى لـه القـود وشد المطيري من خشوم الردايـف=وان سندوا وردوا حنيظل وابا الـدود لـي لابـة ماجمعـوا بالحـلايـف=من نسل قحطان وتعزا علـى هـود وقال له أيضا : اللحف يبغضني على لطم خـده=ولوني عليه هوين صرت غالي عندك يصرف بي من الحكي قده=وفعولنا فيهـم جـداد وسمالـي صلال دور لـه ورا المستجـده=والشيخ الآخر في مرب التوالـي ووطبان اللي قد كل الرمل خـده=خلوه ربعه في مـداس العيالـي لي لابـة لا قلـت للخيـل رده=ترايعوا للهوش مثـل الجمالـي وفعولنـا بالضـد كـل يـعـده يعـده=الأول لنسـل التـوالـي ربعي لي اطوع من محب لـوده=وانا اروف بهم من مربي العيالي اتبع مصالحهـم بليـن وشـده=واكسر بهم عظم الحريب الموالي وان جت من العاقل عرفنا مرده=ولا نلتفت لهروج بعض الرجالي ويقول رادا على تركي بن حميد : اطلب عسى نجد من الوسم ماسوم=حتى تقـرب حلـة صـوب حلـة وان كان رمحك بأول الخيل ملحوم=فأنا برمحـي حامـي نجـد كلـه من شافنا بالحلم فرقز من النـوم=ومن شافنا بالعلـم بطنـه يحلـه عدونا لو جض فلا هـو بمليـوم=واللي وراه يجض من جضـة لـه مانشتحن للحرب والحرب مفهـوم=وياسعد من حن في اللقا فزعة له حربك إلى جانـا نقلنـاه بسهـوم=وتر حربنا لاجاك ما احتلت شلـه وان كان تطري النجم والنجم مفقوم=النجم يدوي والجبـل راسـي لـه ولو هو في نفسه فلا هو بمليـوم=نعم الشوارب وافـي الشبـر كلـه مشبه مـا بيـن عتبـان وبقـوم=والله علم فـي دق سلكـك وجلـه وقال محمد بن عديله العاطفي في الامير خليل بن قرمله : عسى يعـل الريـن مـن كـل ودان=دار الرجـال اللـي تفـك الحـدودي والله ما اسكن دون ذربيـن الايمـان=اللـي فعايلهـم عليهـا شـهـودي أول مجيي عند مـن يذبـح الضـان=اهـل الهـداوي يطلبونـه عهـودي خليـل اللـي يمنـع الـدرك الامـان=اللي على خصمـه يقـود الجـرودي ساس الكرم والجـود ميـراث جـدان=وان جـاه مظيـوم فيرقـا سنـودي شيخ ولـد شيـخ سلايـل كحيـلان حصان=الصرايم بالرسـن فيـه زودي كم جاه من قحص الرمك علط الارسان=يازينهـا قــدام بيـتـه تـحـودي نـادر حـرار ماكـره راس مـابـان=مـا يبـدي الا عاليـات الـرجـودي بديع السوابق يدعي الريـش نثـران=مثـل الاسـد مايلطـم الا الخـدودي # موُضوُع مُشاركْ منْ خِلالْ ( تَاكسيْ تَحتْ الطلَّبْ ) بِطلَّبْ منْ الفَاضِلْ السُلطَانْ ’ .

كفو والله يا سارة
وتسلم يمينك

ونعم الشاعر والله ونعم القبيلة
سيرة بطل وشيخ همام
رحمه الله ورحم جميع أموات المسلمين

بيض الله وجهك ياسارة الغيد
وسبعة انعام بقحطان
والف لاهنتي على الايراد

والله ونعم الشيوخ ونعم القبيله
رحمه الله وجميع اموات المسلمين
سلمتي ياسارة الغيد على هالموضوع

		المشاركة الأصلية بواسطة : السلطان اقتباس
	كفو والله يا سارة وتسلم يمينك ونعم الشاعر والله ونعم القبيلة سيرة بطل وشيخ همام رحمه الله ورحم جميع أموات المسلمين

حيَّاكْ الله وَ كفوُكْ الطيبْ وَ النعمْ بحالكْ لا هنتْ
ممُتنة لتواصلكْ وَ حضوُركْ

تسلمين والله ياسارة وَ ربي يبقيك ياراقية ..

بيض الله وجهك يا سارة على هذه المعلومات عن ابن قرمله
رحمة الله عليه وعلى جميع المسلمين والمسلمات
بارك الله فيك يا سارةعلى الطرح

تسلمين والله ياسارة وَ ربي يبقيك ياراقية ..